ЯҢАЛЫКЛАР
21 июнь көнне Саба районының «Балкыш» халыкка социаль хезмәт күрсәтү комплекслы үзәгендә социаль педагог Гөлия Агелова волонтерлар һәм балигъ булмаган социаль хезмәт алучылар белән мастер-класс үткәрде.
20 июнь көнне Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәгендә өлкән яшьтәге балалар белән «Таң атканда, балалар йоклаганда» дигән патриотик чара уздырылган.
Түбән Каманың «Веста» гаиләгә һәм балаларга социаль ярдәм үзәгендә «Чтобы помнили» Бөтенроссия акциясе кысаларында Бөек Ватан сугышында Җиңүнең 77 еллыгына багышланган документаль фильм күрсәтелде. Чарада 35 социаль хезмәт алучы һәм учреждение хезмәткәрләре катнашты.
Түбән Каманың «Веста» гаиләгә һәм балаларга социаль ярдәм үзәге белгече Алевтина Коровина 3нче социаль участокта «Россия – яраткан илебез» дигән уен-сәяхәт үткәрде. Патриотик юнәлештәге чарада 10 бала һәм яшүсмер катнашты.
Яшел Үзәннең «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендә Яшьләр көненә багышланган викторина уздырылган.
Дәүләт бәйрәме кысаларында Бөгелмә районының «Ялкын» балалар һәм яшүсмерләр өчен социаль приюты тәрбиячеләре «Минем Россия» дигән балалар рәсемнәре конкурсы оештырдылар. Иҗади чараның максаты – балаларда рухи мәдәният, милли горурлык һәм Ватанга мәхәббәт тәрбияләү, шулай ук Россия халыкларының мәдәниятен өйрәнүгә кызыксыну уяту.
Азнакай өлкәннәр һәм инвалидлар өчен интернат-йортының тәрбияче-психологы Алсу Әмирова «Яратам сине, Россия!» чарасын үткәрде. Ул гражданлык һәм патриотизм хисен формалаштыруга юнәлдерелгән иде.
«Россия – геройлар иле» акциясе кысаларында 12 июньдә Алексеевск районының «Кайгырту» балалар һәм яшүсмерләр өчен социаль приюты тәрбиячесе Венера Якупова «Безнең заман геройлары» дип исемләнгән танып-белү-патриотик сәгате үткәрде. Чарада урта һәм өлкән мәктәп яшендәге 12 бала катнашты.
12 июнь көнне Теләче муниципаль районының «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм күрсәтү бүлекчәсе белгече балигъ булмаган балалар белән «Минем адресым – Россия» дигән танып-белү сәгате үткәрде.
Россия көнен бәйрәм итү кысаларында Түбән Кама районының «Балкыш» балалар һәм яшүсмерләр өчен социаль приютында хәрби-спорт ярышлары узды. Чараны Түбән Кама шәһәренең «Патриот» хәрби-патриотик эш һәм яшьләрне хәрби хезмәткә әзерләү үзәге оештырды.