ЯҢАЛЫКЛАР
Туган телләр һәм Халыклар бердәмлеге елы уңаеннан һәм укытучыларның методик осталыгын күтәрү максатыннан, районның татар теле һәм әдәбияты укытучылары өчен гыйнвар- июнь айларына җиде семинар планлаштырылган иде.
2нче июнь көнне Шекше төп мәктәбе базасында туган тел һәм әдәбият укытучылары киңәшмәсе булып узды. «Туган тел һәм әдәбият дәресләрендә укучыларга этномәдәни традицияләр һәм рухи-әхлакый тәрбия бирү» дип исемләнгән әлеге семинарда Евлаштау, Шекше һәм Иштуган мәктәпләренең татар теле һәм әдәбияты укытучылары эш тәҗрибәләре белән уртаклашып фикер алышты.
1 июнь көнне Балалар иҗат үзәгендә Саба муниципаль районының мәктәпкәчә белем бирү учреждениеләре арасында туган телләр һәм Халык бердәмлеге елына һәм балаларны яклау көненә багышланган «Кулны кулга – куркынычсыз юлдан» исемле балалар юл – транспорт имгәнүләрен профилактикалау буенча театраль конкурс булып узды. Конкурсны оештыручылар - Россия Эчке эшләр министрлыгының Саба районы буенча ЮХИДИ бүлеге, Мәгариф идарәсе, «Юл хәрәкәте куркынычсызлыгы»ның Казан шәһәре территориаль идарәсенең профилактика бүлеге.
1 июньнән районның 19 мәгариф учреждениесендә мәктәп яны лагерьлары эшли башлый. 21 көнгә исәпләнгән ял һәм сәламәтләндерү лагерьларында 910 укучы ял итәчәк, төрле өлкәләрдә белемнәрен ныгытачак.
27-29 нчы май көннәрендә Зәй шәһәрендә Президент спорт уеннарының финал этабы булып үтте. Ярышка районыбыз данын якларга Саба гимназиясе командасы барды.
28 май көнне Олы Арташ төп мәктәбендә китапханәләр көне билгеләп үтелде. Шул уңайдан укучылар китапханәгә сәяхәт кылдылар. Китапханәче Давлетшина Л.В. укучыларны китапханәнәнең бай фонды һәм «Минем милләтем-минем горурлыгым» дип аталган китап күргәзмәсе белән таныштырды.
Балалар Иҗат үзәге мәктәпләрдә эшләп килүче техник иҗат түгәрәкләренең эшчәнлегенә йомгак ясады. 26 май көнне Лесхоз бистәсендә балаларның техник иҗат фестивале үтте.
Курсабаш сәламәтлек мөмкинлекләре чикләнгән балалар өчен интернат – мәктәбендә «Яз көе» дигән чара узды.
Балалар травматизмын кисәтү буенча профилактик-аңлату эшләре үткәрү максатыннан Горький тимер юлының Казан дистанциясе җитәкчелеге һәм профсоюз комитеты "РТЮ «ААҖ» үзәк дирекциясенең структур бүлекчәсе 1-5 сыйныф укучылары арасында «Тимер юл-уен өчен түгел»дип исемләнгән рәсем конкурсы үткәрде.
21 май көнне Балалар иҗат үзәгендә өлкән тәрбиячеләр арасында Туган телләр һәм халыклар бердәмлеге елына багышланган викторина үткәрелде. Викторинада ике команда составында 8 өлкән тәрбияче катнашты.