ЯҢАЛЫКЛАР
24,25 нче август көннәрендә Балалар иҗат үзәгендә “Ачык ишекләр көне” булып узды. Балаларга бу көннәрдә “ Кул эшләре остаханәсе”, “Вокал студиясе”, “Компьютер һәм мин”, “Сынлы сәнгать”, “Конферанс мәктәбе”, “Яшь модельер” берләшмәләрендә педагоглар – Фәрид Аубакиров, Зөлфия Гыймадиева, Гөлнара Гәйнетдинова, Эльмира Касыймова, Искәндәр Заһидуллин, Гөлнар Хадиева тарафыннан мавыктыргыч мастер-класслар тәкъдим ителде. Ял минутларын исә хореограф Альмира Дәүләтшина оештырып, бергәләп хәрәкәтләнеп, ял итеп алдылар.
25 нче август көнне, Саба муниципаль районы мәгариф хезмәткәрләренең август киңәшмәсе кысаларында педагог – оештыручыларның секция утырышы булып узды. Утырыш барышында 2019-2020 уку елының эш нәтиҗәләре анализланды һәм яңа уку елына бурычлар билгеләнде.
Агымдагы елның 24 август көнендә Балалар иҗат үзәге базасында “Тәрбия эшчәнлеген модернизацияләү” темасына тәрбия эше буенча директор урынбасарлары өчен секция утырышы үтте.
Янгын куркынычсызлыгы өлкәсендә балаларны иҗади эшчәнлеккә тарту, янгын шартларында үз-үзеңне дөрес тоту күнекмәләрен формалаштыру һәм ныгыту, янгын куркынычсызлыгын тәэмин итү чараларын күздә тотып МБМБУ Саба 1 нче «Шатлык» балалар бакчасында янгын куркынычсызлыгы атналыгы үткәрелде.
Җәй-балаларның үсеше өчен менә дигән вакыт. Тирә-юньдә шулкадәр мөмкинлекләр: су, үлән, чәчәкләр.
Табигатьтә экологик яктан грамоталы, үз-үзеңне тоту күнекмәләрен формалаштыру һәм чәчәкләр дөньясының күптөрлелеге турында күзаллауларны ныгыту максатыннан, Саба 2 нче «Әллүки» балалар бакчасында «Чәчәк атнасы» узды.
8 август көнне “Ямьле Саба” яр буенда ”Мәктәпкә җыенырга булыш!” хәйрия акциясе узды. Бу бәйрәмдә ярдәмгә мохтаҗ укучыларга акчалата ярдәм күрсәтелде, портфельләр тапшырылды. Саба муниципаль район Башлыгы Рәис Нургали улы Минниханов яңа уку елы башлануы белән котлады, үзенең изге теләкләрен җиткерде.
"Кояшкай" ял һәм сәламәтләндерү лагерендә үткән 2нче смена ахырына якынлашты. Барлык 18 көнне дә балалар кызыклы һәм файдалы итеп үткәрделәр.
Балалар бакчасында ел әйләнәсендә торле күңелле чаралар оештырылып тора. Җәй айларында балаларның сәламәтлекләрен ныгыту йөзеннән хәрәкәтле уеннар, спорт ярышлары саф һавада үткәрелә.
Балачак- иң күңелле чак! Шушы чорда булган вакыйгалар, кичерелгән хисләр иң нык истә калучан мизгелләр. Шул сәбәпле сабыйларыбызга кечкенәдән үк үзебезнең татар милли гореф- гадәтләребезгә ярату, горурлык хисе һәм аларны саклап калу теләге тудырырга тиешбез.
Хәрәкәтле уеннар – төгәл һәм үзвакытында биремнең үтәлешен характерлаучы, уенда уйнаучылар өчен мәҗбүри үтәлергә тиешле кагыйдәләрне үз эченә бәйләгән, баланың аңлы һәм актив эшчәнлеге ул. Хәрәкәтле уен баланы тормышка әзерли торганкүнегү ул. Мавыктыргыч эчтәлекле, хис-кичерешләргә бай булган уеннар билгеле бер акыл һәм физик тырышлык уята.