ЯҢАЛЫКЛАР
Шекше төп мәктәбендә инвалидлар декадасы кысаларында күп төрле эшләр алып барылды. Мәктәбебездәге, авылыбыздагы мөмкинлекләре чикле кешеләрнең күңелләрен күреп, хәлләрен белештек. Мәктәпне тәмамлап чыккан укучыларны чакырып, мастер-класслар оештырдык. 8 нче декабрь көнне 6 нчы сыйныф укучылары тарафыннан концерт программасы күрсәтелде. Бу эшләр тукталмый алга таба да оештырылыр дип ышанабыз.
Шушы көннәрдә «Сәләт - Саба» клубы активистлары «Сәләт» клубы президенты һәм вице- президенты белән очраштылар. Очрашу барышында клуб әгъзалары «Сәләт Саба» клубы эшчәнлеге, аның планнары һәм эш нәтиҗәләрен яктырткан презентция белән чыгыш ясадылар.
Катнашучыбыз Шәрифуллин Вилдан, өстәмә белем бирү педагогы Исмәгыйлев А.А. җитәкчелегендә, II урынга лаек булды. Вилданны яхшы нәтиҗәсе белән ихлас котлыйбыз, һөнәри әзерлеге һәм ярдәме өчен А.А. Исмәгыйлевка рәхмәт белдерәбез. Яңа җиңүләр, кызыклы идеяләр, алга таба үсеш телибез!
Татарстан Республикасы Саба муниципаль районы Шәмәрдән лицее «Үсеш» укучылары өчен «Бөек Җиңү хәркемнең йөрәк түрендә...» дип исемләнгән хәрби техника модельләре конкурс-күргәзмәсе уздырылды.
Саба районын Чемпионатта Тимершык урта мәктәбе тәкъдим итте. Спортчылар уенда осталыкларын, җиңүгә омтылышларын күрсәттеләр, ярышларның киләсе этабына чыгу өчен көч сынаштылар.
Ш.З.Зиннуров исемендәге Сатыш урта мәктәбендә “Белемдә – көч!” дип аталган кызыклы чара узды. Башлангыч сыйныф укучылары фәннәр дөньясына сәяхәткә чыктылар, анда аларны төрле ачышлар, кызыклы биремнәр көтте.
Яңа Мичән мәдәният йортында Мичән төп гомумбелем бирү мәктәбе укучылары көче белән әзерләнгән “Ак күгәрчен очсын күкләрдә” дип исемләнгән хәйрия концерты булды.
Әниләр көне - күңелгә якын кешеләргә багышланган иң җылы бәйрәмнәрнең берсе. Бу искиткеч бәйрәм уңаеннан Түбән Шытсу төп мәктәбендә “Әнием-кадерлем” дигән бәйрәм чарасы үткәрелде.
Республика мәктәптән тыш эшләр үзәгенең һәм Фән һәм мәгариф министрлыгының 2025-2026 нче уку елына план-графигы нигезендә Балалар иҗат үзәге белән берлектә Икшермә кадет мәктәп-интернаты базасында гади пневмо-ракеталар буенча зона ярышлары булып узды.
27нче ноябрь көнне Лесхоз урта мәктәбендә 129нчы янгын сүндерү бүлеге хезмәткәрләре белән бик мөһим очрашу булды.