ЯҢАЛЫКЛАР

 Югары Симет урта мәктәбе укучылары  «Дулкын» радиосында чыгучы “Мәктәпләр тормышыннан” тапшыруында чыгыш ясадылар. Тапшыру барышында  укучылар   мәктәп тормышы,  яңалыклары, уңышлары белән таныштырдылар. Турыдан-туры эфирда радиотынлаучыларыбыз өчен нәфис сүз һәм.дәртле җырлар яңгырады.

Бүген, 2026 нчы елның 26 мартында, 4501 нче номерлы имтихан тапшыру пунктында  (МБГБУ «Гимназия»)   «ТДИ, БДИ әти-әниләр белән бергә тапшырабыз» акциясе үткәрелде.

25 март көнне  «Байкиев.К.С.  исемендәге Икшермә кадет мәктәп-интернаты»  базасында мәгариф хезмәткәрләре арасында  «Аҗаган – 2026» хәрби-спорт уены узды.Ярышларда районның барлык гомуми белем бирү мәктәпләре катнашты.

«Орленок-путешественник» региональ проекты кысаларында Олы Кибәче урта гомумбелем бирү мәктәбенең 2-4 сыйныф укучылары хезмәт укытучысы Шакирова Л.Г. һәм тәрбия буенча директор киңәшчесе Шәрипова Г.И. белән чын маҗаралы — Мордовия Республикасы буйлап сәяхәт иттеләр! Мордовия халкының ничек яшәве, аларның традицияләре һәм әкиятләре белән таныштылар. Бигрәк тә хәйләкәр төлке турындагы тарихлар укучыларда зур кызыксыну уятты. Сәяхәт ахырында һәркем мастер - класста катнашып, пластилиннан үзенең төлке образын тудырды.

Бу атнада мәктәптә «Орленок-путешественник» региональ проектының чираттагы иҗади дәресе үткәрелде. Укучылар кунакчыл Татарстан Республикасы буйлап сәяхәт иттеләр. Башлангыч сыйныф укучылары өчен «Нәүрүз һәм лалә: Татарстанда яз һәм яңарыш символлары» темасы буенча иҗади дәрес үткәрелде. Нәүрүз һәм лалә — бары тик бәйрәм һәм чәчәк түгел, ә яз, яңарыш, бердәмлек һәм яхшылыкның символлары.

Гимназиябездә тәрбия эше планы буенча дәрестән тыш  чаралар күп үткәрелә. Мартта «Әниләр аяк астында җәннәт» исемле Халыкара хатын-кызлар көненә багышланган талантлар фестивале, рәсем һәм кул эшләре конкурслары, макулатура җыю, «Яз гүзәле», «Ягез әле, кызлар» бәйгеләре үткәрелде. Бу чараларның барысы да укучылар дәрестән тыш вакытта файдалы эшләр белән мәшгуль булсыннар өчен, хокук бозуларны кисәтү һәм мәктәптә уңай атмосфера тудыру, команда рухын ныгыту  максатында үткәрелә. Шулай ук укучыларны физик культура белән актив шөгыльләнүгә, сәламәт яшәү рәвешен пропагандалауга җәлеп итү өчен укытучылар көчләрен һәм вакытларын кызганмыйлар.

 21 нче март  көне,  гимназиябездә чын спорт һәм кызлар дуслыгы бәйрәменә әверелде! 7-11 нче класс укучылары өчен "Ягез, әле  кызлар " дигән күңелле стартлар уены узды. Һәр класстан икешәр укучы, барлыгы 30 кыз, ике командага бүленеп, төрле биремнәрдә җиңү өчен көрәште, ә җанатарлар аларны актив рәвештә хуплап, көч биреп торды. Ә безнең егетләр  кызларга көч биреп, алар өчен  өчен гитарага, баянга җырлар җырладылар.

Бәйрәм чын-чынлап шәп, күңелле һәм истә калырлык булды. Барлык катнашучыларга  Рәхмәт хатлары һәм татлы призлар тапшырылды. Ярыш йомгаклары буенча «Звезды» командасы-1 нче, ә «Серебро» командасы 2 нче урынны яулады. Физкультура укытучыларыбызга һәм бу матур вакыйганы оештыруда ярдәм иткән һәркемгә зур рәхмәт!

       Укучыларны тикшеренү, эксперименталь, конструкторлык, эзләү эшчәнлегенә җәлеп итү, иҗади фикерләүне, мөстәкыйль эш күнекмәләрен үстерү максатыннан 4-6 сыйныф укучылары арасында «Киләчәккә адым» фәнни-гамәли конференциясенең мәктәп этабы уздырылды. Җиңүчеләр һәм призерлар 4,5,6 сыйныфлар арасында билгеләнде. Җиңүчеләр конференциянең муниципаль этабында катнашачак.

Шәмәрдән 1нче“Әкият”   балалар бакчасы”ның  зурлар тәркеменә  йөрүче балалар “Саба Балаһөнәр” проектында катнаштылар. Мавыктыргыч белем бирү сәяхәтенең йомгаклау ноктасы булып “Сабантуй” мәдәни-спорт комплексы торды. Проект барышында  җыелган баллар (“барслар”), балаларга күңелле уеннарда катнашу һәм үзләрен  сынап карау  өчен мөмкинлек бирде. “Саба Балаһөнәр” проекты балаларны кызыксындыруны  дәвам итә, алар алдында кызыклы очрашулар һәм мөмкинлекләр дөньясы ачыла. Әлеге мавыктыргыч сәяхәттән  балалар бик канәгать калдылар.

18 нче март көнне физика укытучыларының квалификациясен күтәрү курслары кысаларында Гимназия базасында белем бирү стажировкасы үтте. Стажировкада укытучылар өчен һөнәри әңгәмә уникаль мәйданчык оештырылды, дәресләр һәм мастер-класслар тәкъдим ителде. Җанлы аралашу һәм иҗат атмосферасында алар кызыксындырган сорауларны бирә, шәхси эшләнмәләре һәм методик табышлары белән уртаклаша алдылар. Очрашу яңа белем чыганагы гына түгел, белем бирү процессын алга таба камилләштерү өчен дә көчле этәргеч булды.

Бүген мәктәбебездә укучыларның сәламәтлекләрен саклау, ОГЭ га әзерлек максатыннан психологлар һәм логопедлар десанты булды. Белгечләр укучыларның сөйләмнәрен күзәттеләр,киңәшләр бирделәр. Шулай ук «Яшәү кыйммәте», «Үз-үзеңә контроль», «ОГЭ га психологик әзерлек» дип исемләнгән  тренинглар үтте