ЯҢАЛЫКЛАР

2025 елда без К. Насыйриның тууына 200 ел тулуны билгеләп үттек. 18 декабрьдә Татарстан Республикасы Биектау районының «Йолдыз» Ямаширмә балалар бакчасында татар телле тәрбиячеләр арасында үткәрелүче «Белем һәм тәрбия бирүдә Каюм Насыйри хезмәтләре» республикакүләм бәйгесенең йомгаклау конференциясе узды. Чарада хөрмәтле кунаклар катнаштылар:

• ТР Мәгариф һәм фән министрлыгының мәктәпкәчә белем бирү бүлеге җитәкчесе Хисамиева Й.Ш.;

• “Мәгарифне үстерү институты” татар теле һәм әдәбияты кафедрасы мөдире, филология фәннәре кандидаты, доцент Шәмсетдинова Р.Р.;

• “Мәгарифне үстерү институты” мәктәпкәчә белем бирү бүлеге җитәкчесе Мифтахетдинова Н.Р.;

• МКУ “Биектау муниципаль районы мәгариф бүлеге” җитәкчесе Халитов И.А.;

• К. Насыйри исемендәге музейның Казан филиалы  өлкән фәнни хезмәткәре Мифтахетдинова Н.М.;

• Арча педагогика көллиятенең татар теле һәм әдәбияты укытучысы. Төхфәтуллина Ә. Г.

Юл-транспорт травматизмын профилактикалау - бөтен җәмгыять проблемасы. Балаларны юлларда үз-үзләрен дөрес тотарга өйрәтүне кечкенәдән башларга кирәк. Педагогларның һәм ата - аналарның бурычы-бүгенге мәктәпкәчә яшьтәге балалардан белемле һәм дисциплиналы юл хәрәкәтендә катнашучылар тәрбияләү.

"Юлларда сак булыгыз" тематик атнасы кысаларында Сабаның 5 нче номерлы “Бэлэкэч” балалар бакчасының урта төркемдә тәрбияләнүчеләр юл хәрәкәте кагыйдәләре турында театральләштерелгән тамаша күрсәттеләр. Урманда яшәүчеләр юл билгеләре, юлда килеп чыгарга мөмкин булган куркынычлар, светофорларның ни өчен кирәклеге, юл хәрәкәтендә катнашучыларның барысы да үзләрен ничек тотарга тиешлеге турында сөйләделәр.

Чарада Татарстан Республикасы "Юл хәрәкәте иминлеге" Саба районындагы профилактика бүлеге башлыгы Ягъфәрова Гүзәл Нәзиф кызы катнашты. Ул балаларның юл хәрәкәте кагыйдәләре турындагы барлык сорауларына җавап бирде.

Очрашу азагында яшь катнашучыларга яктылыкны кайтара торган элементлар, буклетлар тапшырылды, юлда игътибарлы һәм бик сак булуларын теләделәр.

Бүген 15 декабрьдә Сабаның 2 нче номерлы «Эллуки» балалар бакчасы базасында тәрбиячеләр өчен «Мәктәпкәчә яшьтәге балаларның сөйләмен үстерү: нәтиҗәле практика һәм методика» темасына район семинары узды.  

2025 елның 11-12 декабрендә Мәскәүдә мәктәп китапханәчеләренең I Халыкара форумы узды. Чарада илебезнең 89 төбәгеннән 1000 педагог катнашты. Катнашучылар алдында дәүләт эшлеклеләре, мәгариф һәм китапханә эше өлкәсендәге белгечләр, танылган язучылар, актерлар һәм публицистлар чыгыш ясадылар.

Безнең районны әлеге чарада Иштуган урта мәктәбе китапханәчесе Иванова Светлана Вениаминовна тәкъдим итте. Ул лаеклы чыгыш ясап, жюри тарафыннан югары бәяләнде һәм призёр булды. Светлана Вениаминовнаны зур җиңүе белән котлыйбыз, аңа киләчәктә иҗади уңышлар, нык сәламәтлек һәм иминлек телибез!

Яңа ел алдыннан, "Саба урта гомуми белем бирү мәктәбе" ндә иҗат һәм могҗиза хөкем сөрде. Педагогика сыйныфы укучылары 4 сыйныф укучылары өчен яңа ел чыршыларына  уенчыклар ясау буенча мастер-класс оештырдылар.

Бу мастер-класс матур Яңа ел сувенирларын булдыру мөмкинлеге генә түгел, өлкән укучыларның белемнәре белән уртаклашу һәм кечеләрне рухландыру. Без булачак педагогларыбыз белән горурланабыз һәм аларның балаларга шулкадәр күп уңай хисләр бүләк итүләренә шатбыз!

Кукмара шәһәренең 4 нче номерлы «Ләйсән» балалар бакчасында  мәктәпкәчә яшьтәге балаларның иҗади сәләтләрен ачыклау һәм үстерү, математик белемнәрен билгеләү максатыннан “Мыслеходики” математика фестивале узды. 

Башлангыч сыйныфлар атналыгы кысаларында район китапханәсендә Сабабаш төп гомумбелем бирү мәктәбенең башлангыч сыйныф укучылары өчен "Китапларга кунакка" дигән экскурсия үткәрелде. Укучылар матур һәм матур китаплар, журналлар дөньясына шатланып чумдылар. 

Саба урта мәктәбе базасында 6-8 сыйныфта укучы егетләр арасында мини-футбол ярышы узды. Биредә үз зоналарында 1нче урынны алган командалар катнашты. Укучылар матур һәм куңелле уеннар күрсәттеләр. Урыннар түбәндәгечә билгеләнде:

1 урын – Саба урта мәктәбе

2 урын – Саба гимназиясе

3 урын – Эзмә урта мәктәбе

Җиңүче командаларга грамота һәм акчалата бүләк тапшырылды. Аларга киләсе ярышларда да уңышлар телибез!

Икшермә кадет мәктәп-интернаты базасында гади авиамодельләр буенча зона ярышлары булып узды. Мавыктыргыч ярышларда Алексеевский, Арча, Кукмара, Теләче, һәм Саба муниципаль районнарыннан 40 талантлы укучы катнашты. Ярыш нәтиҗәләре буенча җиңүчеләр ачыкланды, алар дипломнар, медальләр һәм кубоклар белән бүләкләнделәр. Барлык катнашучыларны уңышлы чыгышлары белән, ә җиңүчеләрне лаеклы бүләкләре белән котлыйбыз! Барлык оештыручыларга, педагогларга һәм ата-аналарга яшь талантларга ярдәм иткәннәре өчен рәхмәт белдерәбез!

1.МБУ ЯҮ «Яшьлек»  өстәмә белем бирү педагоглары укучылар өчен алмаз мозаикасы буенча мастер-класс оештырдылар.

2. Саба районының социаль яклау бүлеге белгечләре балалар белән Яңа ел открыткасы ясау буенча мастер-класс үткәрделәр.

 3.МББУ«Тимершык урта мәктәбе»  укучылары Туфан Миңнуллинның «Гафият турында әкият» пьесасы буенча спектакль күрсәттеләр.

 4.Балалар сәламәтләндерү hәм белем биру үзәге белгечләре шахмат-шашка турниры оештырды.

5.Турнир белән беррәттән «Балалар иҗаты үзәге»ннән өстәмә белем бирү педагогы Хәмидуллин А.Р. «Кышкы пейзаж» рәсем ясау буенча мастер-класс үткәрде.