ЯҢАЛЫКЛАР

Әти-әниләр  комитетлары арасында ел саен үткәрелүче «Тату сыйныф серләре» Республика конкурсының район күләмендә зона турлары башланып китте.  Укучылар һәм әти-әниләр  тамашачыларны иҗади, креатив, Халыклар бердәмлеге, Хәрби дан һәм хезмәт батырлыгы елын яктырткан чыгышлар белән куандыра.

Татарстан Республикасы Саба муниципаль районы Шәмәрдән лицее «Үсеш» укучылары «Кар десанты» акциясендә актив катнаштылар.

Балалар авылыбызның өлкәннәренә ярдәм иттеләр, ишегалды территорияләрен кардан чистартырга булыштылар. Бу чын Тимур хәрәкәтенең искиткеч үрнәге.

Әлеге инициатива барыбызны да бер-беребезгә ярдәм итәргә һәм тирә-юньдәге кешеләр турында кайгыртырга рухландырды. Бергәләп без дөньяны яхшырак һәм матурырак итә алабыз!

Безнең укучыларыбыз игелекле һәм булдыклы булуларын тагын бер кат исбат иттеләр!

Тимершык урта мәктәбендә ата-аналар комитетлары арасында «Тату сыйныф серләре» конкурсының мәктәп этабы узды. Ата-аналар һәм балалар бергәләп зирәклек, тапкырлык һәм бердәмлек сыйфатларын күрсәттеләр. Конкурс барлык катнашучыларга якты хисләр бүләк итте, укучылар һәм аларның ата-аналары арасында үзара аңлашуны ныгытты, шулай ук дуслык һәм ярдәмнең мөһимлеген искәртте. Бәйгенең җиңүчеләре булып 6 А сыйныфы танылды! Балаларны һәм аларның ата-аналарын лаеклы җиңүләре белән котлыйбыз! Барлык катнашучыларга да актив катнашулары, креатив якын килүләре, дустанә атмосфералары һәм уңай кәефләре өчен рәхмәт белдерәбез! Бу конкурс безнең сыйныфларда дуслыкны, хезмәттәшлекне һәм үзара аңлашуны ныгытуга тагын бер адым булсын! Яңа казанышлар һәм җиңүләр телибез!

Ш.З.Зиннуров исемендәге Сатыш урта мәктәбендә мавыктыргыч һәм кызыклы, һөнәри юнәлештәге чара узды. «Яшь мастер» чемпионатының муниципаль этабында җиңү яулаган, призер булган, катнашкан 4нче сыйныф укучылары сыйныфташлары һәм башлангыч сыйныф укучылары алдында конкурска әзерлек турында сөйләделәр һәм гаҗәеп һөнәрләр дөньясын ачтылар.

«Төгәл фәннәр» айлыгы кысаларында табигать фәннәре атналыгы үтте. Химия, биология, география укытучысы Әхмәдиева Алсу Равил кызы география фәненән 7 нче сыйныфлар белән «Көньяк Американың географик урыны. Ачылу тарихы» дигән темага ачык дәрес үткәрде. Профориентация планы буенча Иске Мичән фельдшер – акушерлык пункты мөдире Заһидуллина Миләүшә Ислам кызы белән очрашу үтте. Ул «Балалар җәрәхәтләнүе булганда беренче ярдәм» темасына чыгыш ясады.

29 нчы январь көнне, Саба урта мәктәбе базасында " Җиңүчеләр законы: 100 баллга җитү серләре!»  региональ акциясе  үткәрелде.  Акциянең максаты-2025/2026 нче уку елын тәмамлаучыларның имтиханнарга психологик  яктан әзерлек дәрәҗәсен күтәрү.  Әлеге  чарада районның 11нче сыйныф укучылары һәм узган уку  елында имтиханнарын югары  баллга тапшырган  чыгарылыш сыйныф укучылары катнашты.

 Акция кысаларында чыгарылыш сыйныф укучылары   БДИга әзерлек һәм югары нәтиҗәләргә ирешү серләре белән уртаклаштылар.

Акциядә шулай ук, югары уку йортлары вәкилләре катнашты. Алар чыгарылыш сыйныф укучыларны һәнәри юнәлеш бирделәр.

#образованиетатарстан #ГИА2026 #сдаемвместетатарстан #сдаемвместе2026 #готовимсявместерт #готовимсякГИА

     Һәр зур эш кечкенә идеядән һәм аны тормышка ашыру, кешеләргә файда китерү теләгеннән башлана.

"Яшь оста" конкурсының муниципаль этабы талантлы балаларны ачыкларга гына түгел, ә эшче һөнәрләренең абруен күтәрергә, укучыларда киләчәк карьераны аңлы рәвештә сайларга да ярдәм итә. Бу конкурс Саба районында һөнәри белем бирүне үстерүгә мөһим адым булдып тора.

Түбән Шытсу төп гомуми белем бирү мәктәбенең 6,8 класс укучылары һөнәри юнәлеш бирү кысаларында Елыш авылының терлекчелек фермасында булдылар. Бу чара терлекчелек белән бәйле һөнәрләр белән танышу һәм фермада эшләү турында практик белем алу өчен менә дигән мөмкинлек булды. Алар терлек карау  үзенчәлекләре турында зур кызыксыну белән сораулар бирделәр. Терлекчелек фермасына бару укучыларга аграр өлкәдә нинди һөнәрләр барлыгын яхшырак аңларга ярдәм итте.   Һөнәри юнәлеш бирү эшенең мондый форматы файдалы һәм кирәкле, чөнки ул укучыларга һөнәрләр дөньясында үз урыннарын аңларга ярдәм итә һәм аларның киләчәк карьераларына таба беренче адым булырга мөмкин.

2026 елның 27, 28 гыйнварында балалар бакчаларында тәрбияләнүчеләр арасында "Ресторан сервисы" "Пешекче эше", "Кондитер эше", "Кием һәм аксессуарлар дизайнеры ", "Медицина хезмәткәре", "Флорист", "Сити фермерство" компетенцияләре буенча конкурс сынаулары узды. Балалар төрле һөнәрләр буенча үзләренең сәләтләрен һәм күнекмәләрен күрсәттеләр. Чара барышында" Беренчеләр " командасы балаларга ярдәм күрсәтте.