ЯҢАЛЫКЛАР
24-25 сентябрь көннәрендә Казан шәһәренең Бадминтон үзәгендә бадминтон буенча Татарстан Республикасы шәхси чемпионаты узды. Саба районы вәкилләре елның йомгаклау турнирында лаеклы чыгыш ясадылар. Парлы разрядта 1 урынны Галиәхмәтова Регина алды. Ялгыз һәм парлы разрядларда 3 урынны Хәйриев Ильяс яулады. Пьедесталдан бер адымда безнең ике спортчыбыз Хаҗиев Исмал һәм Миңнегалиев Илшат тукталды, алар парлы разрядта 5 урынны яуладылар. Спортчыларны Татарстан Республикасы Чемпионатында уңышлы чыгыш ясаулары белән котлыйбыз!!!
24-27 сентябрь көннәрендә Байлар Сабасы ш.т. б. «САБА-АРЕНА" сында акыл үсешендә тайпылышлары булган, терәк-хәрәкәт аппаратына зыян килгән һәм ИК-2 класслы затлар арасында өстәл теннисы буенча "Татарстан Кубогы" Бөтенроссия ярышлары уза. Ярышларда РФнең 12 төбәгеннән һәм Татарстан Республикасының 5 муниципаль районыннан 70тән артык спортчы катнаша.
Бүген "Саба Арена" да традицион Саба якшәмбе турниры узды. Анда Казан, Түбән Кама, Яр Чаллы, Кукмара, Арча һәм Саба районнарыннан килгән 44 яшь бадминтончылар катнашты.
Җиңүчеләр дипломнар алды, ә катнашучылар барысы да Түбән Кама командасы биргән татлы призлар алды.
23-25 сентябрь көннәрендә Казан бадминтон үзәгендә бадминтон буенча Татарстан Республикасы чемпионаты уза. Бүген команда ярышлары төгәлләнде, анда Саба муниципаль районы командасы Казан шәһәренең бердәнбер лидерына гына оттырып, 2 нче урынны алды. Безнең команда составында Галиәхмәтова Регина, Волкова Татьяна, Каюмова Адилә, Миңнегалиев Илшат, Харисов Ильяс һәм Хаҗиев Исмал чыгыш ясадылар. Районыбыз спортчыларын котлыйбыз һәм киләчәктә дә уңышлар телибез!
Татарстанда «Яшь гаилә» республика социаль ипотека программасы дәвам итә. Социаль ипотека алу өчен төп шартлар-Татарстанда яшәү һәм эшләү, шулай ук торак шартларын яхшыртуга мохтаҗ булу.Мөрәҗәгать итүченең яше 35 яшьтән артмаска тиеш.
Исегезгә төшерәбез, 2020 елның җәендә, Татарстан Республикасы Президенты Рөстәм Миңнеханов кушуы буенча, Татарстан Дәүләт торак фондының социаль ипотека программасында «Яшь гаиләләр»дигән яңа категория барлыкка килде. ТР Яшьләр эшләре министрлыгы яшь гаиләләргә торак шартларын яхшырту мәсьәләсендә ярдәм итүнең яңа механизмнарын эшләү һәм мөмкинлекләрне киңәйтү инициативасы белән чыкты. Татарстан Республикасы Президенты йөкләмәсе буенча мондый механизм ГЖФ РТ белән берлектә эшләнде. Хәзер фатирны бюджет өлкәсендә эшләүчеләр генә түгел, ә яшь гаиләләрнең барлык категорияләре сатып ала ала. Конкурста 18 яшьтән 35 яшькә кадәрге ир белән хатын рәсми рәвештә теркәлгән гаиләләр катнаша ала, әгәр дә программада 36 яшьтән яшьрәк ир белән хатын катнашса да (ул гариза бирүче булып чыгыш ясаса). Программада ялгыз яшәүче балалары булса, тулы булмаган гаиләләр дә катнаша ала. Шулай ук күчемсез милек сатып алырга мөмкинлек бирүче керемне расларга кирәк.
ГЖФ РТ социаль ипотека программасында катнашу өчен учетка кую өчен гариза бирүченең теркәлү урыны буенча Башкарма комитетка мөрәҗәгать итәргә кирәк.
"САБА-АРЕНА" да өстәл теннисында тәрбияләнүчеләр арасында контроль - күчерү нормативларын тапшыру дәвам итә. Укучыларның спорт әзерлеге яхшы дәрәҗәдә. Өстәл теннисы секциясенең күпчелек спортчылары спорт нормасын нәкъ менә бик яхшы итеп тапшырырга омтылды. Нигездә, ТСС-3 группасының барлык спортчылары өстәл теннисы буенча нормативларын бик яхшы һәм яхшы билгеләренә үтәделәр, тренер Исмаилов Хайём Фәрхад улы. Йөгерү, озынлыкка сикерү, сикергечтә сикерү һәм өстәл теннисы өчен тупны ыргыту буенча "ярышлар" артта калды. Алда яраткан күнегүләр һәм ярышлар!
"САБА-АРЕНА" да бадминтон төре буенча программада каралган контроль-күчерү нормативларын тапшыру бара. Бадминтон бүлеге, тренерлары Волков Дмитрий Леонидович, Зарипова Гөлнара Хәмит кызы, Бакирова Ильзия Ильфат кызы, Миңнегалиев Илшат Тәлгать улы, гомумфизик әзерлек буенча тестлар үткәрәләр.
"САБА-АРЕНА" да фехтование бүлегендә тәрбияләнүчеләр контроль - күчерү нормативларын тапшыралар. Укучыларга түбәндәге нормативларны тапшыру мөмкинлеге бирелде: 100м га йөгерү, урыннан сикерү, отжимание ясау, 10 минутка йөгерү, пресс ясау, сикергечтә сикерү. Секциясенең НП 3нче төркеме спортсменнары, тренеры Ильясов Радик Мөдәрис улы, фехтование нормативларын тулысынча тапшырдылар.
"САБА-АРЕНА" да спорт төрләре буенча программада каралган контроль-күчерү нормативларын кабул итү дәвам итә. «Бадминтон», «Өстәл теннисы», «Фехтование», «Шахмат» бүлекләрендә тәрбияләнүчеләр гомумфизик әзерлек буенча тестлар бирәләр. Кичә 20 сентябрьдә «САБА-АРЕНА" базасындагы бадминтон бүлекчәсендә тәрбияләнүчеләр һәм Тимершык урта мәктәбенең бадминтон бүлегендә тәрбияләнүчеләр үз көчләрен сынадылар.