ЯҢАЛЫКЛАР

28 нче декабрь көнне, "Яшьлек" яшьләр үзәгендә, Яңа ел бәйрәменә "Тылсымлы шар" ясау буенча мастер-класс үтте. 

2024 елның 27 декабрендә Казан шәһәренең Бадминтон үзәгендә бадминтон өметләренен йомгаклау туры узды. Ярышларга республикабызның иң көчле 24 спортчысы (2012-2013елгы) җыелды. Безнең спорт мәктәбен Идрисов Нияз, Рәхимов Адель - 3нче урныга ия булдылар. Шулай ук Әхмәтшина Камилә Захарова Виктория белән Буадан һәм Гобәйдуллин Ралина белән Казаннан Шаһимаева Мәдинә белән парда бронза медальләр яулады. 4 этап нәтиҗәләре буенча Гобәйдуллина Ралина парлы категориядә бронза медаль алды. Ялгыз разрядта Гобәйдуллина Ралина, Идрисов Нияз Татарстан Республикасының 8 иң көчле спортчысы санына керде. 2024 елгы сезон нәтиҗәләре буенча яшь спортчылар дипломнар һәм спорт инвентарьлары сатып алуга сертификатлар белән бүләкләнде. Барлык катнашучыларны, тренерларны, ата-аналарны балаларыбызның уңышлы чыгыш ясавы белән котлыйбыз һәм сәламәтлек, алга таба уңышлар телибез!

“САБА-АРЕНА” спорт мәктәбендә “Күңелле стартлар” Яңа ел ярышлары үткәрелде. Спортчылар актив катнаштылар, бик күп уңай хис-кичерешләр алдылар, шулай ук баллы Яңа ел бүләкләре, дипломнар һәм акчалата призлар белән бүләкләнделәр. 1 урынны: Кар бөртекләре 2 урын: Оливье 3 урын: Мандариннар

Дмитрий Леонидовичны, Фарход Усмановичны, Хайём Фарходовичны, Екатерина Сергеевнаны, Диләрә Фәнисовнаны югары квалификация категориясенә ия булулары белән котлыйбыз! 
Казанышларыгызга тагын бер пункт өстәлү белән котлыйбыз. Без сезнең казанышларыгызга шат. Безнең иң изге теләкләребез. Киләчәктә уңышлар!

Ат спорты белән шөгыльләнүче балалар арасында Кыш бабай бүләгенә “Күңелле стартлар”

Чаңгы ярышлары буенча Саба муниципаль районы беренчелеге

15 нче декабрь көнне, Лесхозда "Нарат"боз сараеның 20 еллыгы уңаеннан, Саба районы ир-ат командалары арасында,  шайбалы хоккей буенча турнир узды. 

«Саба-Арена» спорт мәктәбендә бүген спорт елына йомгак ясадылар һәм спорт мәктәбенең 2024 елның иң яхшы спортчыларын игълан иттеләр. «Саба-Арена» спорт мәктәбендә тантаналы кичә узды, анда «2024 елгы спорт мәктәбенең иң яхшы спортчысы»конкурсында җиңүчеләрнең исемнәре игълан ителде. Спортчыларны хөрмәтләү Яңа ел дискотекасының кульминацион өлеше булды. 

Быел конкурс беренче тапкыр уздырылды. Иң яхшылар исеме өчен 483 спортчы көрәште, нәтиҗәдә конкурс комиссиясе быел спортта югары казанышлар күрсәткән, шулай ук районда, республикада спорт һәм физик культура үсешенә зур өлеш керткән 5 җиңүчене билгеләде. 

Бадминтон бүлегенең «2024 спорт мәктәбенең иң яхшы спортчысы» исеме Зәйниев Айназга тантаналы рәвештә бирелде.

«Мәктәпнең өстәл теннисы буенча иң яхшы спортчысы " Вәлиуллина Риана булды. «Фехтование буенча иң яхшы спортчы " - Кутдусов Шамил, 

"Шахмат буенча иң яхшы спортчы" - Газизуллин Айдан, «ЛИН- өстәл теннисы иң яхшы спортчы» - Нигъмәтҗанова Алсу.

Шулай ук «конкурста катнашкан өчен» махсус номинацияләрендәге спортчылар Сафина Иделия, Вәлиуллин Әлфис билгеләп үтелде.

Моннан тыш, барлык җиңүчеләр дә акчалата бүләкләнделәр.

Күпьеллык нәтиҗәле хезмәте, районда физик культура һәм спорт үсешенә керткән өлеше өчен Саба муниципаль районы Башлыгының Рәхмәт хаты белән котлыйбыз! Юбилей белән, Равия Рәфгалиевна. Сезгә сабырлык һәм көч, ышаныч һәм оптимизм, кыюлык һәм үҗәтлек, нык сәламәтлек, иминлек һәм тынычлык, эчке тынычлык һәм намуслылык, тән күтәренкелеге һәм йөрәк рухы телибез. Һәрбер тырышлыгыгыз, һәрбер өлешегез юмарт җимешләр китерсен, үзегезнең һәм укучыларыгызның талантын танысын. Хыялларыгыз тормышка ашсын, ә алда сезне тагын бик күп җиңүләр көтсен.

Бүген 25 декабрь көнне «Саба-Арена» спорт мәктәбендә «Укучыларны уңышлы социализацияләү өчен шартлар тудыру, аларда актив тормыш позициясе формалаштыру» темасына педагогик киңәшмә узды.

Түбәндәге мәсьәләләр тикшерелде:

1. Кышкы каникулларны оештыру һәм үткәрү.

2. Укучыларны уңышлы социализацияләү, аларда актив тормыш позициясен формалаштыру өчен шартлар тудыру.

3. Укыту-тренировка процессын һәм җыемнарны оештырганда куркынычсызлык техникасы кагыйдәләрен үтәү.

4. 2024 елның сентябреннән декабрьгә кадәр спортчыларның ярышларда чыгыш ясауларына анализ. Һәм, әлбәттә, без мәктәп директоры Баһманов Артур Фидаел улыннан, шулай ук директор урынбасары Кутдусова Диләрә Фәнис кызыннан сәламләү сүзләрен ишеттек, алар 2024 елда мәктәп тормышына керткән хезмәтләре өчен рәхмәт белдерделәр һәм якынлашып килүче Яңа ел белән чын күңелдән котладылар!!!