ЯҢАЛЫКЛАР

2024 елның 10 декабрендә “Саба-Арена” спорт мәктәбендә шахмат буенча тренер-укытучы Кәримова Равия Рәфкать кызының “Шахмат нотациясе” темасына ГНП1 төркемендә ачык дәресе булды. Дәреснең максаты - укучыларны шахмат партиясен яздырганда шахмат нотациясен кулланырга өйрәтү. Укулар югары методик дәрәҗәдә узды. Тренер-укытучы шахмат дәресләрен үткәрү методикасына ия, укытуның төрле формаларын һәм ысулларын файдалана. Катлаулы теоретик материал балаларга аңлаешлы телдә бәян итә. Равия Равгалиевна укытуның мөмкин булган барлык чараларын: демонстрацион шахмат тактасы, шахмат комплектлары, сәгатьләр, шахмат бурычлары һәм этюдлар куллана. Балалар теоретик материалны яхшы белүләрен һәм алган белемнәрен практик эшчәнлектә куллана белүләрен күрсәттеләр: шахмат уйнадылар. Дәрес бай, кызыклы, куелган максатка ирешелде.

2024 елның 10 - 12 декабрендә Казан шәһәренең Бадминтон үзәгендә 11 яшькә кадәр малайлар һәм кызлар арасында "НФБР кубогы" бадминтон ярышлары узды. Ярышларда Россиянең 95 иң көчле спортчысы катнашты. Безнең спорт мәктәбе укучысы Бурганов Данияр Балык Бистәсеннән Пулатов Аяз белән парда 3 нче урынны яулады. Балаларыбызны, аларның әти-әниләрен, тренерларын яхшы нәтиҗәләр белән котлыйбыз, сәламәтлек һәм алга таба спорт уңышлары телибез. Шулай ук тренерлар һәм ата-аналар исеменнән Саба районы башлыгы Рәис Нургали улы Миңнехановка бөтенроссия ярышларына спортчылар йөрү мөмкинлеге өчен рәхмәт белдерәбез.

30.11 көнне Н.Кенәр авылында (Арча районы) тиз шахмат буенча Татарстан Республикасы чемпионы Рәшитова Г.А.га багышланган турнирда Саба шахматчыларының "Надежда", "Орлята", "Яшьләр" командасы актив катнаштылар, Шакирова Мәдинә 4 урын яулады! Катнашучыларны һәм җиңүчеләрне котлыйбыз, киләчәктә уңышлар һәм җиңүләр телибез!

6 декабрьдә Саба-Аренада гаилә елына багышланган шахмат ярышлары узды. Өч номинациядә 23 гаилә катнашты: 2013-2014 нче елгы балалар арасында, 2015-2016, 2017 нче һәм аннан яшьрәк. Катнашучыларны һәм җиңүчеләрне котлыйбыз, киләчәктә уңышлар һәм җиңүләр телибез!

«Спорт мәктәбенең иң яхшы тренеры-2024» республика конкурсында тренер-укытучыларыбызның чираттагы җиңүе: Волков Дмитрий Леонидович - «Осталык» номинациясендә җиңүче, Ищенко Екатерина Сергеевна - «Яшь тренер»номинациясендә призер. Хөрмәтле Дмитрий Леонидович һәм Екатерина Сергеевна! Бу бик күп хезмәт һәм көтүләрдән соң лаеклы җиңү. Чын күңелдән сезне гадел көрәштә яулаган җиңүегез белән котлыйбыз! Алда сезне Яңа, шундый ук күренекле казанышлар көтсен. Сезнең дан йолдызыгыз яктырак балкысын, көч көн саен артсын, ә сәламәтлегегез какшамасын, уйлаганнарыгызны тормышка ашырырга мөмкинлек бирсен!

Инвалидлар ункөнлеге уңаеннан, 10 нчы декабрь көнне "Яшьлек"яшьләр үзәге педагоглары, Шәмәрдән  китапханәсе белән берлектә, Югары Утар балалар интернат йорты балалары өчен мастер класс үткәрде.                                             

2024 нче елның 8 нче декабрь көнендә “Сабантуй” стендлы ату үзәгендә спортинг-компакт  буенча ярышлар булып узды.

Инвалидлар ункөнлеге уңаеннан, бүген, 9 нчы декабрь көнне, "Яшьлек" яшьләр үзәге,  сәламәтлек мөмкинлеге чикле балалар өчен Саба мәктәп - интернатында мастер-класс үткәрде.         

Мини-футбол буенча Татарстан Республикасы беренчелегеннән Саба районы җыелма  командасы алтын медальләр белән кайтты.      

2024 елның 8 декабрендә «САБА - АРЕНА» өстәмә белем бирү мәктәбендә «Татарстан Республикасы бадминтон өметләре - 2024» 4нче турына сайлап алу ярышлары узды. Ярышларда Саба, Теләче һәм Кукмара районнарыннан 65 спортчы катнашты. Түбәндәге спортчылар чемпионнар һәм призерлар булдылар: 2012 - 2013 ел., малайлар: 1 урын - “Сафиуллин Рустем (Сабы) 2 урын - Кәримов Язнур (Саба) 3 урын - Кәримуллин Данияр, Юмагулов Зөлфәт (икесе дә Сабы) 2012 -  2013 ел., кызлар: 1 урын - Сафина Элина (Сабы) 2 урын - Әхмәтшина Самина (Сабы) 3 урын - Закирова Ясминә (Кукмара), Галимова Зарина (Теләче) 2014 ел, аннан кечерәкләр, малайлар: 1 урын - Шагеев Айзат (Саба) 2 урын - Шәймәрданов Азамат (Сабы) 3 урын - Сафин Раяз, Закиров Самир (икесе дә Сабы) 2014 ел, аннан кечерәкләр, кызлар: 1 урын - Гыйләҗиева Мәдинә (Теләче) 2 урын - Вәлиуллина Язилә (Саба) 3 урын - Гайнетдинова Райля (Теләче), Әхтәмова Алия (Кукмара). Чемпионнарны, призерларны, тренерларны котлыйбыз һәм алга таба да республика турында уңышлар телибез!