ЯҢАЛЫКЛАР

Агачка бизәк төшерү - агач белән эшләгәндә иң мавыктыргыч шөгыльләрнең берсе. Мастер-класс - һәркем өчен иҗатта үз-үзен сынап карау өчен уникаль мөмкинлек. Монда катнашучылар иҗат һәм традицияләр турында белемнәрен киңәйтәләр, бизәкләр төшерү техникасы белән танышалар. Алга таба агач эшләнмәләрне бизәкләүнең  мавыктыргыч процессына керешәләр. Катнашучылар агач эшләнмәләр сайлый, композиция һәм эш темасын уйлап таба. Аннары агачка буяу ясау принциплары белән танышалар: фонлы буяу катламы ясыйлар, бизәкләрне нечкәрәк детальләр белән тулыландыралар. 21 нче ноябрьдә Сатыш авылы мәдрәсә музеенда  Әниләр көне уңаеннан «Әниемә бүләк» мастер классы оештырылды. Үз балалары белән мастер класста катнашучылар, тату һәм иҗади атмосферага чумып, агач эшләнмәләрдә рәсемнәр ясадылар. Алар барысы да мастер класстан канәгать калдылар.

22 ноябрь көнне Идел буе физик культура һәм спорт академиясендә “Әдәби марафон” ХХVI - XXIX Дөньякүләм китап укучылар бәйгесе җиңүчеләре бүләкләнде. Бөтен дөньядагы китап сөючеләрне берләштергән, аларга яраткан язучылары белән аралашу мөмкинлеге тудырган әлеге очрашу зур бәйрәмгә әйләнде. 2019 нчы елдан бирле беренчелекне бирмәгән Саба районы инде егерме бишенче тапкыр җиңүче дип табылды. "Иң күп татарча китап укучы район" исемен алды һәм кубок белән бүләкләнде. Саба үзәкләштерелгән китапханәләр системасы директоры Билалова Ләйсән Рәкыйп кызы "Әдәби әйдаман 2024" исеменә лаек булды, ТР Мәгариф һәм фән, мәдәният министрлыкларының Рәхмәт хатлары белән бүләкләнде.

2024 елның 22-23 ноябрендә Лаеш районының "Звездный" бүлеге базасында Рөстәм Бикмуллин исемендәге "Бикафест "- яшьләр музыкаль - шигъри фестивале узды.

Бу конкурста Шәмәрдән филиалы укучылары - "ТАМЧЫ" вокаль-хореография ансамбле (житәкчеләре: Харрасова Л.А. Свищева Л. А.)  актив катнашты. Сайлап алу турын узгач, коллектив Гала концертка үтте, анда яңа номер "Ак калфак" (татар халык жыры) белән белән лаеклы чыгыш ясады. 3 дәрәҗә Лауреат исеменә лаек булды.

Укучыларга шулай ук Сәләт бүләкләре дә бирелде, алар моңа бик шатландылар. Молодцы!  Алга таба да зур уңышлар!

«Әниләр Көне» бәйрәме алдыннан 20 ноябрь көнне Иштуган авыл китапханәсе «Каенкай» балалар бакчасының музыка җитәкчесе белән берлектә «Безнең әниләр иң яхшылар» дигән конкурс-уен программасы үткәрде. Безнең сөйкемле әниләргә кунакка клоуннар Клепа һәм Веселинка килде. Чара мавыктыргыч узды. Әниләр һәм балалар биремнәрне бик теләп башкардылар. Бәйрәм ахырында балалар әниләренә үз куллары белән ясалган бүләкләр тапшырдылар.

 

Явлаштау авыл китапханәсендә авыл мәдәният йорты белән берлектә балалар өчен "Исәнмесез! Яки сәламләү көне!"дигән мәгълүмати-уен сәгате үткәрелде.

Чара Русьта элек кулланылган һәм Владимир Иванович Даль тарафыннан җыелган һәм безгә тапшырылган сәламләүләрне өйрәнүдән башланды. Балалар  ерак заманнарда кешеләрнең бер-берсен ничек сәламләүләрен, сәламләүләргә ничек җавап бирүләрен белделәр. Чара барышында балалар көн саен куллана торган сәламләү сүзләрен искә төшерделәр, шулай ук төрле ил халыкларының сәламләү сүзләрен дә әйттеләр.

Барлык катнашучылар да «Сәламләү сүзләре аукционы», «Әдәпле сүзләр сүзлеге», «Сәламләү ишарәсе» һәм башка уеннарда бик теләп катнаштылар. Уеннарда балалар сәламләү, очрашу һәм кунакчыллык турындагы мәкальләрне һәм әйтемнәрне тирәнтен белүләрен күрсәттеләр.

Әниләр көне - бик матур, якты һәм күптән көтелгән бәйрәм, балалар әниләренә сюрпризлар тәкъдим итәргә яраталар. Ә иң яхшы бүләк, билгеле булганча, үз кулларың белән һәм чын күңелдән ясалган бүләк!

21 ноябрь көнне Олы Нырты мәдәният йорты хезмәткәрләре китапханә белән берлектә Әниләр көненә «Әнигә открытка» ясау буенча мастер-класс үткәрделәр. Балалар белән матур открытка ясадык. Катнашучылар биремне бик яхшы үтәделәр һәм әниләренә бәйрәмгә бүләкләрен күрсәттеләр.

Шарфлар, яулыклар һәм палантиннар нәкъ менә шушы аксессуарлар теләсә кайсы хатын — кыз образын якты һәм кабатланмас итә. Шәмәрдән авыл һәм балалар китапханәсе 21 ноябрь көнне “Дуслык” клуб берләшмәсе хатын-кызлары өчен яулык бәйләү буенча мастер-класс үткәрде. Хатын-кызларның, кызларның һәрвакыт кул астында бер төсле шарфлар, яулыклар һәм ачык, караңгы палантиннар; төрле төстәге һәм зурлыктагы оригиналь атлас яулыклар; җылы палантиннар, шарфлар һәм шәлләр булырга тиеш.

Яулык кызларны, хатын-кызларны назлырак, нәфисрәк итә.

Бөтендөнья балалар көне уңаеннан Явлаштау авыл китапханәчесе «Белмәмеш» клуб берләшмәсе белән «Күңелле стартлар» исемле чара үткәрде. Балалар бик теләп физик активлык үсешенә ярдәм итүче  төрле спорт уеннарында һәм конкурсларда катнаштылар. Әзерләнгән  мини-уеннар һәм иҗади мастер-класслар балаларга бик ошады.

Әниләр Көне алдыннан 2024 нче елның 20 нче ноябрендә "Х.һәм А. Вәлиуллиннар исемендәге Саба балалар сәнгать мәктәбенең" рәсем бүлеге укучылары  “Яраткан Әнием портреты» дип исемләнгән күргәзмәсен оештырдылар.

Әниләр Көне-иң кадерле һәм иң якын кешегә багышланган җылы һәм ихлас бәйрәм. Әлеге күргәзмә-барыбызга да әниләребезне ничек яратуыбыз, кадерләвебез һәм хөрмәт итүебез турында сөйләү мөмкинлеге ул! Әни - дөньяда иң кадерле һәм иң якын кеше, ул безне үзенең кайгыртуы һәм мәхәббәте белән әйләндереп ала. Күргәзмәдә катнашучыларның барысы да үз эшләренә ихласлык, мәхәббәт һәм назлылык салдылар!

Барлык әниләрне якынлашып килүче бәйрәм белән котлыйбыз! Бәхет, сәламәтлек һәм иминлек телибез!

20 нче октябрьдә  Саба балалар сәнгать мәктәбе укучыларының "Музыка-безнең мәңгелек юлдашыбыз" дигән күчмә концерты булды. Концерт Сатыш авыл мәдәният йортынды узды. Тамашачыларга Саба балалар сәнгать мәктәбе укытучылары һәм укучылары матур программа бүләк итте. Музыка дөньясы безне тумыштан ук озата бара, бу дөнья искиткеч матур, аны күреп булмый, әмма ишетергә һәм тоярга мөмкин.

 Артистларның  эчтәлекле, матур номерлары, алар арасында музыка коралларында уйнау, ансамбль һәм ялгыз җыр, биюләр тамашачы тарафыннан җылы кабул ителде.. Классик халык һәм заманча музыкаль әсәрләр башкарылды. Артистларның һәр номерын сәхнәдән көчле алкышлар белән озаттылар. Концерт программасы барлык катнашучыларга елмаю һәм яхшы, күтәренке кәеф бүләк итте.