ЯҢАЛЫКЛАР

Яңа ел бәйрәме ялларында Саба туган якны өйрәнү музеенда «Яшь тарихчылар» клубына йорүчеләр өчен «Яңа ел уенчыгы» дип исемләнгән мастер-класс үткәрелде. Укучыларда күңелле Яңа ел хисе уяту уңаеннан, балаларга төрле төсле кәгазьләрдән Яңа ел уенчыгы ясау ысуллары күрсәтелде һәм бу эштә алар бик теләп катнаштылар. Шулай ук чара вакытында укучыларга бу бәйрәмнең барлыкка килү тарихы, Яңа елны төрле илләрдә ничек билгеләп үтүләре турында да сөйләнелде.

Яңа ел бәйрәме ялларында Саба туган якны өйрәнү музеенда «Яшь тарихчылар» клубына йорүчеләр өчен «Яңа ел уенчыгы» дип исемләнгән мастер-класс үткәрелде. Укучыларда күңелле Яңа ел хисе уяту уңаеннан, балаларга төрле төсле кәгазьләрдән Яңа ел уенчыгы ясау ысуллары күрсәтелде һәм бу эштә алар бик теләп катнаштылар. Шулай ук чара вакытында укучыларга бу бәйрәмнең барлыкка килү тарихы, Яңа елны төрле илләрдә ничек билгеләп үтүләре турында да сөйләнелде.

Яңа ел... Бу сүзләрне ишетүгә безнең күз алдыбызга хуш исле зифа чыршы, ап-ак кар бөртекләре, җемелдәвек сихри утлар килеп баса.​ Ул һәркайсыбызның иң яраткан бәйрәмнәрнең берсе. Мондый серле һәм бай тарихлы бер генә бәйрәм дә юктыр, мөгаен.​

​ ​ ​ 3 гыйнвар көнне Әбрар Кәримуллин исемендәге район үзәк китапханәсе бәйрәмгә килгән һәркемне җылы каршы алды. Кунаклар өчен төрле уен мәйданчыклары оештырылды, театральләштерелгән тамаша күрсәтелде, күңелле стартлар, төрле конкурслар үткәрелде.

​ Кыш бабай белән Кар кызы Яңа елга багышланган​ шигырьләр тыңладылар, бәйрәм рухы тудырдылар. Килгән кунакларга район үзәк китапханәсе директоры Билалова Ләйсән Рәкыйп кызы үзенең матур котлауларын җиткерде, шулай ук 2022 ел нәтиҗәләре буенча иң яхшы китап укучыларга дипломнар тапшырды:

1 урын Гыйләҗев Әбүзәр

2 урын Рәхимова Гөлсинә

3 урын Нурисламов Фәнис

​ Барлык катнашучылар бәйрәмнән​ күтәренке кәеф алдылар.

2нче гыйнвар көнне Саба район балалар китапханәсе Үзәк китапханә белән берлектә балалар һәм аларның әти-әниләре өчен Чыршы бәйрәме үткәрде. Чара районның төрле авылларыннан ​ 400гә якын​ “Әдәби алан” проектында катнашучылар парады белән башланып китте. Яңа ел бәйрәме театральләштерелгән тамаша белән дәвам итте. Шулай ук ​ “Китап - иң яхшы дус” конкурсында катнашучылар да бүләкләнде . Бәйрәм балалар һәм өлкәннәр өчен кызыклы уеннар белән үрелеп барды. ​ Барлык катнашучыларга да бүләкләр тапшырылды.

29 декабрь көнне Саба балалар сәнгать мәктәбендә  « Яңа ел чарасы  узды.

29 декабрь көнне Саба район китапханәсендә “Өлкәннәр” клубы өчен Татарстанның  Атказанган мәдәният хезмәткәре,  журналистларның "Бәллүр каләм " призына ия булган, 14 китап авторы якташ язучыбыз Гөлсинә Галимуллина катнашында, аның иҗаты буенча “Әсәрләрдә чын тормыш”дип исемләнгән әдәби кичә үткәрелде. Г. Галимуллина  ноябрь аеның 18-27 көннәрендә үзенең әсәрләре буенча үткәрелгән әдәби марофонда катнашучы өлкәннәребезне котлады. Кичә барышында марафонда катнашучылар юбилярның китаплары турында әңгәмә кордылар һәм язучыга иҗади уңышлар теләделәр.

28нче декабрь көнне Саба район балалар китапханәсендә Саба гимназиясенең 4 “А” сыйныфы укучылары өчен (сыйныф җитәкчеләре Хөсәинова Г.Х.) “Мин китап кыстыргычлары ясыйм” дип исемләнгән мастер-класс үткәрелде. Китап укыганда кыстыргыч – кечкенә булса да, бик файдалы әйбер. Аның ярдәмендә китапларны уку һәм кирәкле битне табу уңайлырак. Укучылар барысы да бергәләп  китап  кыстыргычы ясадылар һәм үзләре теләгәнчә бизәделәр. Чара татар әдипләренең Яңа елга багышланган шигырьләрен уку белән үрелеп барды.

Мәхмүт Хасанов -  танылган татар язучысы. Г.Тукай исемендәге Татарстан дәүләт премиясе лауреаты. Вакыт сулышын, илдә булган үзгәрешләрне, яңа тенденцияләрне сизгән һәм моны үз әсәрләрендә югары сәнгатьчә чагылдыра алган язучы.
Кеше белән табигать арасындагы бәйләнешкә багышланган әсәрләрдә Мәхмүт Хасанов кеше белән табигатьнең гармониядә яшәвен күрсәтә. Табигатькә хөрмәт тәрбияләүгә, табигый ресурсларны рациональ куллануга зур игътибар бирелә. Моннан тыш, язучы табигатькә карашның тирән гуманистик мәгънәгә ия булуына басым ясый. 26 декабрьдә, Яңа Мичән авыл китапханәсендә, "Ак калфак" клубы әгъзалары белән, язучы Махмут Хасановның 95 еллыгы уңаеннан, "А җаганнар уйнаткан әдип" дигән  әдәби кунакханә үтте. Чара барышында китапханә язучының тормышы һәм иҗаты турында сөйләде. Катнашучылар  М. Хәсәновның укыган  китаплары турында искә төшерделәр. Әсәрләрнең асылы һәм мәгънәсе турында сөйләштеләр.

Саба район китапханәсенең уку залында “Өлкәннәр” клубының чираттагы утырышы узды. Яңа ел якынлаша! Ветераннар ел дәверендә “Өлкәннәр” клубына атна саен бик теләп килеп йөрделәр. 2022 ел аларны төрле кызыклы шәхесләр, предприятие җитәкчеләре белән очраштырды. Алар әдәби, тематик кичәләрдә катнаштылар, юбиляр язучылар белән  танышып бардылар, үзләренең юбилейларын да матур итеп үткәрделәр.  Ә бүген аларны котларга дип Кыш бабай һәм Кар кызы килделәр. Ветераннар бала чакларын искә төшереп шигырьләр сөйләделәр һәм Кыш бабайдан бүләкләр алдылар.

       “Яңа елны ничек каршы алсаң, ел да шулай үтәр!”- дигән юрама бар. Без китапханәчеләр өлкәннәргә ныклы сәламәтлек, бәхет-шатлыклардан торган озын гомер, тыныч күк йөзе телибез!

2022 елның 21 декабрендә Саба урман хуҗалыгы тарихы музеенда укучылар өчен «Россия тәңкәләрендәакчатарихы» дип исемләнгән танып-белү сәгате уздырылды. Балалар борынгы заманнардан башлап бүгенге көнгә кадәр акчаларның килеп чыгышы тарихы белән таныштылар. Традицион акча барлыкка килгәнче борынгы заманнарда акча ролен нинди әйберләр үтәгәнен белделәр. Шулай ук  беренче акчалар нинди булган, алтын һәм көмешне акча итеп ничек кулланганнар, илнең акча берәмлеге нәрсә ул сорауларына җаваплар таптылар.