ЯҢАЛЫКЛАР

Бөтендөнья шикәр чире белән көрәш көне ел саен 14 ноябрьдә билгеләп үтелә. Халыкара диабет федерациясе мәгълүматлары буенча, хәзерге вакытта дөньяда 537 миллион өлкән кеше диабет белән яши – бу һәр унынчы кеше.

Бу көн уңаеннан Явлаштау мәдәният йорты һәм китапханә хезмәткәрләре укучылар белән «шикәр диабетын профилактикалау» темасына әңгәмә үткәрделәр. Чара барышында балалар диабетның нәрсә икәнен һәм мондый авырулы кешеләрнең ничек яшәвен белделәр. Ә соңыннан бу темага стена газетасы чыгардылар.

14 ноябрь көнне Олы Нырты авылы китапханәсендә «Тәмәке тартуның кеше сәламәтлегенә тәэсире» дигән сәламәтлек дәресе үткәрелде. Чарада катнашучылар белән тәмәке тарту - кеше сәламәтлегенә иң зур куркыныч, аның организмга йогынтысы, бәйлелеккә китерүе турында сөйләштеләр. Әңгәмәдә катнашучылар кешенең үз яшәү рәвешен үзе сайларга хокуклы булуын, хобби, спорт белән шөгыльләнү, яраткан эше, адекват дуслары - болар барысы да кешене зарарлы гадәтләрдән коткара дип билгеләп үттеләр. Яшүсмерләрне кызыктыргыч тәкъдимнәрдән баш тартырга өйрәтергә кирәк дигән фикер белдерделәр. Яшьләргә тема буенча әдәбият тәкъдим ителде.

14 ноябрь көнне Шәмәрдән модель һәм балалар китапханәләре китапханәчеләре тарафыннан Шәмәрдәннең «Теремок» балалар бакчасында тәрбияләнүчеләр өчен «Мин китап белән дөньяны ачам» дигән китапханә дәресе үткәрелде. Табышмак, Китап һәм Убырлы карчык сәхнә ярдәмендә балалар белән китапханә һәм китаплар, китапханәдә үз-үзеңне тоту кагыйдәләре һәм китап белән эш итү турында сөйләштеләр. Балалар «Тылсымлы шарлар», «Әкияткә иллюстрация тупла», «Сүзеңне сөйлә», «Кечкенә үрдәкләр биюе» уеннарында зур шатлык белән катнаштылар. Чара тематик китап күргәзмәсенә күзәтү белән тәмамланды.

14 ноябрь көнне Саба район үзәк китапханәсе "Өлкәннәр" клуб берләшмәсе өчен "Гәҗит-журналлар илендә" - матбугат экскурсиясе үткәрде. Чараның максаты: китапханә тарафыннан алына торган журнал һәм газеталарны популярлаштыру. Күргәзмәгә куелган  газета-журналларга күзәтү үткәрелде.

14 ноябрь көнне Саба район балалар китапханәсе хезмәткәре Саба урта мәктәбенең китапханә уку залында 3 "А" сыйныф укучылары өчен "Вакытлы матбугат битләре буйлап" дип исемләнгән пресс-круиз үткәрде. Китапханәче укучыларны газета, журнал, мәкалә, журналист кебек төшенчәләр белән таныштырып, газета һәм журнал нәрсә белән охшаш, ә нәрсә белән аерыла икәнен сөйләде. Чара  "Три кота" мультфильмның "Китапханә" сериясен карау белән тәмамланды.

12 ноябрь - Песнәкләр көне булып санала. Россиядә ул көн әле яңа гына билгеләнеп үтелә башлады. Әлеге дата очраклы гына сайланмаган. Бу көнне кешеләр кышлаучы кошларны каршы алганнар, аларга җимлекләр ясаганнар, искеләрен чистартып җимнәр салганнар. Кешеләрдә бу кошлар уңыш китерә дигән ышану да булган. Иләбәр авыл китапханәсендә “Умырзая” балалар бакчасына йөрүче балалар өчен “Песнәкләр – якын дуслар” дигән исем астында экологик сәгать уздырылды. Чарада  катнашучыларга  әлеге кош  турында бай мәгълүмат җиткерелде. Песнәккә багышланган хикәяләр, шигырьләр белән танышканнан соң балалар песнәк рәсемен буядылар,табышмакларга җаваплар эзләделәр.

Хәзерге җәмгыять тормышында вакытлы матбугатның әһәмияте зур. Вакытлы матбугат безнең илдә һәм чит илләрдә барган вакыйгалар турында кызыклы һәм танып белүле мәгълүмат бирә, көннән-көн тормышыбызның елъязмасын алып бара, файдалы киңәшләр бирә һәм укырга һәм өйрәтергә ярдәм итә. 12 ноябрь көнне Шәмәрдән авыл һәм балалар китапханәсендә «Дуслык» хатын-кызлар клубы өчен «Журналлы яфрак кою» могҗизалар кыры уены үткәрелде. Клуб хатын-кызлары уенда бик теләп катнаштылар. Шулай ук хайваннар һәм үсемлекләр дөньясыннан, тарихтан, географиядән, сәнгатьтән, әдәбияттан, мавыгулардан һәм хоббилардан төрле темаларга кызыклы, мавыктыргыч мәкаләләр туплаган файдалы басмалар белән таныштылар.

Россиядә кошларны саклау берлеге инициативасы белән экологик бәйрәм — Песнәкләр көне билгеләп үтелә. Борынгы ук бу көн кышлаучы кошларга багышланган көн  булган.

Явлаштау авыл китапханәсендә әлеге бәйрәмгә багышланган экологик сәгать үткәрелде. Балалар Песнәкләр көне тарихы, халык сынамышлары  һәм әлеге кошлар белән бәйле кызыклы фактлар турында белделәр.

Чарада катнашучылар кышлаучы кошлар турындагы табышмаклар чиштеләр, «Кошны таны» уенын уйнадылар һәм песнәкләр турындагы китаплардан өзекләр укыдылар.

13ноябрь көнне Саба район балалар китапханәсе Саба урта мәктәбе китапханәсе белән берлектә  1 “А”, "Б" сыйныф укучылары өчен «Китапханә-китаплар йорты» дип исемләнгән китапханә белән танышу экскурсиясен үткәрделәр. Китапханәчеләр укучыларны «китапханә», «укучылар формуляры», «каталог» төшенчәләре белән таныштырдылар. Китапларның төрләрен һәм китапны ничек сайларга кирәклеген сөйләделәр.  Чара ахырында укучылар үзләре укый ала торган китапларны сайлап, өйләренә алдылар.

11 ноябрь көнне Ике басу Арташ авыл китапханәсенең мөдире, мәдәният йорты хезмәткәрләре белән берлектә, "Барлык һөнәрләр дә кирәк, барлык һөнәрләр дә мөһим" дигән темага әңгәмә үткәрде.Әңгәмә барышында балалар һөнәри хезмәт дөньясы турында күпне белделәр, әти-әниләренең һөнәре, киләчәктә кем булырга теләүләре турында сөйләделәр, китап күргәзмәсе белән таныштылар. Дөньяда төрле һөнәрләр күп, аларның һәрберсе кирәк һәм мөһим, әмма күңелгә ятышлы һөнәр сайларга кирәк, дигән нәтиҗә ясадык.