ЯҢАЛЫКЛАР

7 гыйнвар көнне Шәмәрдән авыл мәдәният йортында Казан шәһәреннән килгән Татар дәүләт курчак театры актерлары балалар өчен «Карлсон проказничает опять…» − дип исемләнгән театральләштерелгән курчак театры күрсәттеләр. 

6 январь көнне Кызыл Мишә мәдәният йорты хезмәткәрләре балалар өчен "Яңа ел уеннары» дигән күңел ачу программасы үткәрделәр. Бәйрәм дәвамында алар могҗиза һәм тылсымлылык атмосферасында булдылар. Балалар һәм аларның ата – аналары игътибарына әкият персонажлары-Убырлы карчык һәм Шүрәле, Кар Кызы һәм Кыш Бабай катнашында театральләштерелгән тамаша тәкъдим ителде. 

2019 -ел Татарстанда "Эшче һөнэрлэр "елы дип игълан ителде.Шул унайдан 5 январь конне Коек авыл клубы модире ,балалар белэн эшче хонэрлэр темасына карата рэсем конкурсы уткэрде .Балаларга барлык хонэрнен дэ мактаулы икэнен анлатты. Татар халкында "Хезмәт кешене бизи" дигән әйтем бар. Чыннан да, үзенә бер шөгыль тапмаган, хезмәт куймаган кешегә яшәү кызык түгелдер ул. Хәр бала кечкенәдән нәрсә белән булса да кызыксына,балалар шуларны рэсемгэ тошерде.Алар белэн "Барлык һөнәр мактаулы !" дигэн стенгазета
чыгарылды.

5 нче гыйнвар көнне Шәмәрдән авыл мәдәният йорты хезмәткәрләре Корсабаш авылы клубында, балалар өчен яңа ел бәйрәменә багышланган «Яңа ел алдыннан булган хәл...» − дип исемләнгән әкияти тамаша белән чыгыш ясадылар. Шулай ук бәйрәм чарасында куян ролен: Мичәнбаш клубы мөдире − Камилә Нигъмәтҗанова үтәде. Аннары бәйрәмне бизәлгән матур чыршы янында Кыш бабайга шигырьләр сөйләп, әкият персонаҗлары белән бергәләп төрле уеннар уйнап һәм җырлап дәвам иттеләр.

5 январь көнне олы Арташ авыл клубында балалар белән "Уйныйк дуслар бергәләп" дигән чыршы бәйрәме уздырылды.Балалар Кыш бабай белән Кар кызына шигырьләр сөйләп,җырлар җырлап күрсәттеләр, күңелле уеннарда катнаштылар.

5 гыйнвар көнне Шәмәрдән авыл мәдәният йортында Ижау шәһәреннән килгән «Новогоднее мега-шоу» − дип исемләнгән цирк программасы узды. Цирк программасы үз эченә хайваннар белән күп төрле күңелле номерлар һәм бәйгеләр алды. Кечкенә тамашачылар зур алкышлар белән рәхмәтләрен белдерделәр.

Җиләк -җимеш, яшелчәләрдәге витаминнар-иммунитететны күтәрүдә, сәламәтлекне ныгытуда топ алым булып торалар.Дөрес туклану, җиләк-җимеш, яшелчәләр куллану организмның витаминнарга булган ихтияҗын тәэмин итә. 4 январь көнне Явлаштау мәдәният йортында "Саулык-зур байлык" дигән сәламәтлек кичәсе үтте һәм кичәдә витаминнар турында сөйләнде, укылды.

4 гыйнвар көнне Лесхоз мәдәният йорты хезмәткәрләре Нургали Минниханов исемендәге мәчет белән берлектә балалар белән саф һавада күңелле уеннар үткәрделәр. Балаларга тәмле пылау пешерелде, кайнар чәй эчтек, аннары балалар белән бергәләп җомга намазын тыңладык. 

4 гыйнвар көнне Килдебәк мәдәният йорты хезмәткәрләре китапханә белән берлектә балалар өчен “Ә бездә Яңа ел! Чыршы бәйрәмгә кунакка чакыра” исемле Яңа Ел бәйрәме оештырдылар. Кыш Бабай һәм Кар кызы балалар белән әйлән-бәйлән уйнадылар, җырлар җырладылар, биеделәр, төрле уеннар уйнадылар, табышмаклар чиштеләр. Һәр бала Кыш Бабайга Яңа ел шигырен сөйләде.
 

Һәр кешенең бөек кыйммәте - сәламәтлек. Күңелле стартлар - балаларны урамда хәрәкәт активлыгына җәлеп итүнең иң кызыклы варианты. 2019 елның 4 гыйнварында Кар Кызы һәм Кыш бабай командалары арасында «Күңелле стартлар» узды. «Күңелле стартлар» программасы шактый бай булды. Спорт бәйрәме «Йолдызлык» разминкасы белән башланып китте.