ЯҢАЛЫКЛАР

24 сентябрь көнне Саба сәнгать мәктәбенең Шәмәрдән филиалында "Җәйге рәсем төшерү" күргәзмәсе әзерләнде. Сәнгать бүлеге укучылары (укытучылары Иванова М.И., Мифтахова Ф.И.) төрле сәнгать материаллары белән ясалган үсемлекләр, чәчәкләр, агачлар, фасад элементлары рәсемнәрен тәкъдим иттеләр. Күргәзмәдә 20 укучы катнашты.

Менә дигән вакыт-көз! Көз — уңыш җыеп алу һәм үз кулларың белән үстерелгәнгә сөенү вакыты, йомгак ясау һәм алга карау вакыты. 17 сентябрь көнне Иштуган мәдәният йорты һәм китапханә белгечләре көзге «Өй эшләнмәләре»утырышы үткәрделәр. Чара көзгә һәм елның шушы матур фасылына бәйле барлык нәрсәләргә багышланган иде. Белгечләр катнашучыларга Көзге халык традицияләре, борынгы заманда көзге кәбестәләрне ничек оештыру гадәтләре турында сөйләделәр, аларда бәлешләрдән авыз итәргә, Халык билгеләрен белергә, җырларга һәм уеннар уйнарга мөмкин иде. Бүген барысы да актив һәм шат күңелле иде. Чарада катнашучылар табышмакларны бик теләп чиштеләр, шаярттылар, җырладылар һәм биеделәр, шулай ук үзләренең әзерлек рецептлары белән уртаклаштылар. Көзге әзер шедеврларны дегустацияләү консервлау турындагы әңгәмәне төгәлләде, катнашучылар һәр банканың эчтәлеген бәяләделәр һәм мәхәббәт белән әзерләнгән теләсә нинди продукт үзенчә тәмле һәм кабатланмас дигән нәтиҗә ясадылар. Чарага көзге әзерлекләр күргәзмәсе әзерләнде .Чара кызыклы булды, җылы аралашудан һәркемнең күңелендә искиткеч тәэсирләр калды.

Явлаштау авыл китапханәсендә  Шамил Рәкыйповның 95 яшьлек юбилее уңаеннан  «Йолдызлы төннәр яктысы»  дип исемләнгән әдәби сәгать үткәрелде. Балалар игътибарына чын кызыксыну уятырдай итеп язучының китаплары күргәзмәсе тәкъдим ителде.. Балалар Шамил Рәкыйпов иҗаты һәм аның искиткеч әдәби геройлары белән якыннан таныша алдылар. Әдәби сәгать азагында китаплардан өзекләр укылды, бу чара атмосферасына тагын да күбрәк хис-кичерешләр һәм илһам өстәде.

26 сентябрьдә Бөтендөнья диңгез көне билгеләп үтелә, шул уңайдан 23 сентябрь көнне  Туктар авыл китапханәсендә "Диңгез бер тапкыр дулкынлана..." дип исемләнгән экологик чара уздырылды. Китапханәче балаларга диңгез һәм океаннарның безгә нәрсә белән файдалы булуы, диңгезне ничек  саклап калу һәм нәрсә эшләргә кирәклеге турында сөйләде. Балалар әңгәмәдә актив катнаштылар, диңгез тереклек ияләренең үзенчәлекләрен  атадылар. Диңгез төбенә чумарга һәм анда яшәүчеләр белән танышырга диңгезләр турында матур китаплар ярдәм итте.

Явлаштау авыл китапханәсе «Вакытлы матбугат илендә» исемле балалар журналы һәм газеталарына күзәтү үткәрде. Балалар өчен иң кызыклы  мәкаләләр тәкъдим ителде, шулай ук аларның уку күнекмәләрен һәм  гомуми белемен үстерү өчен файдалы яклары турында фикер алыштылар. Китапханәче яңа басмалар турында сөйләде,  балаларны кызыксындырырлык темаларга басым ясады һәм катнашучыларга киләчәктә уку өчен үзләренең яраткан журналларын һәм газеталарын сайларга тәкъдим итте.

Тимершык авыл китапханәсендә «Язучы һәм сугышчы Абдулла Алиш» дип исемләнгән әдәби сәгать үткәрелде. Чара танылган татар язучысы Абдулла Алишның тууына 116 ел тулуга багышланган иде. Китапханәче укучыларны язучының биографиясе һәм иҗаты белән таныштырды. Чара барышында балалар әкиятләр укыдылар, викторина сорауларына җавап бирделәр. "Алиш-язучы да, батыр да"китап күргәзмәсе оештырылды.

Шәмәрдән модель һәм балалар китапханәсендә  «Рухият» клубы әгъзалары өчен «Әйдәгез бер-беребезне хөрмәт итик» дигән танып белү уены узды. Очрашу «От улыбки...»җыры белән башланып китте. Китапханәчеләр башта Татарстанда 173 милләт вәкиле тату яшәве турында сөйләделәр. Һәр халык-кабатланмас мәдәният, тарих, гореф-гадәтләр, яшәү рәвеше ул. Һәм, әлбәттә, милләтләр теле. Милләтара мөнәсәбәтләрне гармонияләштерү буенча нинди чаралар күрелә икәнен белдек. Төрле ситуацияләр мисалында чарада катнашучылар толерант шәхес нечкәлекләренә төшенделәр, фикер алыштылар, сорауларга җавап биреп анализладылар: тыныч яшәү өчен һәм талашмас өчен һәркем нәрсә эшләргә тиеш, ни өчен түземле булырга кирәк, нинди тәртип нормаларын толерант дип саныйлар һ.б., ә уеннар аша балалар аралашырга һәм дус булырга өйрәнделәр.

Сатыш авылы мәдрәсә музеена Казан шәһәреннән кунаклар килде. Алар мәдрәсә имамының шәхси китапханәсеннән сакланып калган китапларны игътибар белән карадылар, мәдрәсәдә укып чыккан күренекле шәхесләр турында мәгълүматны  бик кызыксынып тыңладылар. Музейдан бик яхшы тәэсирләр белән киттеләр.

Саба урман хуҗалыгы тарихы музеенда Кукмара районының 3 нче номерлы мәктәбе укучылары кунак булды. Балалар экскурсияне игътибар белән тыңладылар һәм үзләрен кызыксындырган сорауларны бирделәр.

Саба урман хуҗалыгы тарихы музеенда "Тылсымлы кыңгырау" туристлык маршрутында катнашучылар  кунак булды. Аларны музей экспозицияләре буенча мавыктыргыч экскурсия көтә иде. Ул аларны киләчәктә дә урман хуҗалыгы тарихын өйрәнергә кызыксындырды. Соңыннан алар экскурсияне бик ошатуларын әйтеп, рәхмәтләрен белдереп туристик маршрутның икенче ноктасына юнәлделәр.