ЯҢАЛЫКЛАР

19 сентябрь көнне Тимершык авыл китапханәсе яшь укучылар белән "Юл кагыйдәсе, аны һәркем белергә тиеш " дигән куркынычсызлык дәресе үткәрде. Аның максаты-юл хәрәкәте кагыйдәләре буенча белемнәрне ныгыту һәм балаларда юлда үз-үзеңне тоту культурасын тәрбияләү. Чараның беренче өлешендә балалар юл билгеләре һәм юл хәрәкәте кагыйдәләре, ни өчен кагыйдәләрне һичшиксез белергә һәм үтәргә кирәклеге турында тыңладылар. Икенче өлештә катнашучылар «Юл хәрәкәте кагыйдәләрен белүчеләр», «Автобус», «Светофор» һ.б. конкурс биремнәрен үтәүгә керештеләр. Конкурслар төрле һәм кызыклы булды. Балалар табышмакларга җавап бирделәр, юл билгеләренең кайда булуын аңлаттылар. Балалар барлык биремнәрне дә бик яхшы үтәделәр һәм өстәмә белем алдылар. Дәрес кызыклы булды һәм уен атмосферасында узды.

Хәзерге вакытта террорчылык проблемасы бөтен дөнья җәмәгатьчелеген борчый. Дөньяда бүген бу күренешнең иртәме-соңмы аның гражданнарына кагылмаячагына тулы ышаныч белән яши алган бер генә дәүләт тә юк. Шуңа күрә террорчылыкка каршы тору юлларын эзләү бүген уртак беренче чираттагы бурыч булып тора һәм аеруча актуальлеккә ия. Террорчылык турындагы белемнәрне камилләштерү, яшь буынның иҗтимагый аңын һәм гражданлык позициясен формалаштыру максатларында 14 сентябрь көнне Иштуган мәдәният йортында, китапханә белән берлектә, «Террорчылык - кешелеккә каршы җинаять» дигән мәгълүмати программа үткәрелде. Очрашу башында алып баручы террорчылыкның нәрсә икәнен һәм террорчының кем булуын сөйләде. Хикәядән егетләр террорчылык оешмасына ничек эләкмәскә, террорчыларда тоткынлыкка эләккән очракта нинди гамәлләр кылырга кирәклеген белделәр. Әңгәмәдә катнашучыларга, әгәр алар әсирлеккә эләксә, нишләргә кирәклеге турында махсус белешмәләр тараттылар, мәсәлән: конфликтка кермәскә, тәрәзә һәм ишекләрдән ераграк торырга, махсус хезмәтләр таләпләрен үтәргә. Аннары катнашучыларга алган белемнәрен уен форматында тикшерергә тәкъдим иттеләр. Катнашучылар террорчылык турында үз фикерләрен әйттеләр. Чара террорчыларның меңләгән корбаннары истәлегенә бер минут тынлык белән тәмамланды.

Саба туган якны өйрәнү музеенда бинаны капиталь ремонтлау эшләре дәвам итә. Экспозиция модульләрен җыю, җылыту радиаторларын демонтажлау, шулай ук гидравлик платформаны көйләү эшләре алып барыла.

17 һәм 18 нче сентябрь көннәрендә  3(8) кл., 4(8) кл., 3(5) кл. рәсем сәнгате бүлеге укучылары өчен (укытучысы Мифтахова Ф.И.) "Безнең иминлек кагыйдәләре" исеме астында әңгәмә үткәрелде. Әңгәмә барышында дәресләрдә куркынычсызлык техникасы һәм үз-үзеңне тоту кагыйдәләре буенча инструктажлар яңгырады.

18 сентябрьдә «Саба балалар сәнгать мәктәбе»нә яңа укырга кергән беренче сыйныф укучыларына багышланган бик матур вакыйга булды. Чараны скрипка классы буенча укытучы Вәлиева Д. Р. һәм вокал буенча укытучы Дәүлиева Г. Р. үткәрде.

Бу яшь музыкант тормышында мөһим этапны билгеләп үтүче һәм аның мәгариф һәм сәнгать дөньясына керүенең символы булган үзенчәлекле тантана. Беренче сыйныф укучыларына багышлау традициясенең күпьеллык тарихы бар. Кайбер уку йортларында багышлау тантаналы рәвештә уза, икенчеләрендә — бу балалар өчен дәресләрнең беренче көнендә үткәрелә торган махсус чара. Әлеге чара балага үзен коллективның бер өлеше итеп тоярга, уку эшчәнлегенең әһәмиятен аңларга мөмкинлек бирә.

Саба урман хуҗалыгы тарихы музеенда Кукмара районының "Наз" тернәкләндерү үзәгендә ял итүчеләр кунак булды. Экскурсия барышында алар бик кызыксынып авыл өе почмагын карап, үзләренең балачагын искә төшерделәр. Алар үскән чорда әби-бабалары бу көнкүреш әйберләрен кулланганнарын искә алып, хәтирәләре белән бүлештеләр.  

16 сентябрь көнне Кызыл Мишә авыл китапханәсендә интернат-мәктәп укучылары өчен «Китап остаханәсе» дигән китапханә дәресе үткәрелде. Балалар бик теләп һәм зур җаваплылык белән китапларны реставрацияләүдә катнаштылар: тышлыкларын  ябыштырдылар, бөгелгән битләрен төзәттеләр, ертылган битләренә кәгазь ябыштырдылар. Балалар өчен мондый чаралар - уен да, хезмәт тә, яңа белем дә. Китаплар төзекләндерү белән шөгыльләнеп, алар чын мәгънәсендә файдалы эш белән мавыгып киттеләр. Балалар эш барышында үз эшләренең мөһимлеген сизделәр, үзләре дә: китапларны сакларга кирәк  дигән нәтиҗәгә килделәр!

Явлаштау авыл китапханәсе «Ак калфак» клуб берләшмәсе белән берлектә шагыйрь, Татарстанның Г.Тукай исемендәге Дәүләт бүләге лауреаты Шәүкәт Гаделшевич Сибгатуллинның 75 яшьлек юбилеена багышланган әдәби кичә үткәрде. Кичәдә катнашучылар шагыйрьнең шигырьләрен рәхәтләнеп укыдылар, тирән һәм күңелгә үтеп керә торган әсәрләрдән ләззәт алдылар. Шулай ук Татарстан радиосы әзерләгән "Газиз тавышлар. Язмышымның дарьясы: Казан-Төмән арасы" дип исемләнгән  радиотапшыру тыңладылар.

Кичә азагында клуб әгъзалары Төмәннең «Яңарыш» газетасы оештырган викторина сорауларына җаваплар әзерләделәр.

18нче сентябрь көнне Саба район балалар китапханәсе хезмәткәрләре “Тукай” паркында “Шоколад” балалар бакчасына йөрүче нәни дусларыбызга “Китаплар төрле була” дип исемләнгән әдәби-танып белү сәгате уздырдылар. Китапханәчеләр иң зур һәм иң кечкенә, иң акыллы һәм иң тылсымлы китап белән таныштырдылар. Чара ахырында бергәләп китаплар белән эш итү кагыйдәләрен искә төшерделәр.

17 сентябрь көнне Иванова М. И. “Террор юк!” темасына сәнгать бүлеге укучылары белән әңгәмә үткәрде. 
Балалар куркынычсызлык кагыйдәләрен кабатладылар һәм һәрчак саклык һәм уяулык күрсәтергә кирәклеген аңладылар.