ЯҢАЛЫКЛАР

Кышкы кичләр ял итү өчен менә дигән вакыт. Шушы унайдан 22 декабрь көнне Олы Нырты мәдәният йорты, китапханә белән берлектә,  мәдәни чараларда актив катнашучы авылдашлар белән Сабага "Боз һәм кар патшалыгына сәяхәт" дигән сәяхәт оештырдылар. Кар сыннарыннан ясалган фигураларны карап, район буйлап, җәяүле экскурсия  һәркемгә ошады. Районыбыз ,Яңа ел утлары белән балкып торучы, әкияти шәһәрчеккә ошап калган. Күңелле сәяхәт һәркемдә уңай тәэсирләр генә калдырды.

Татар язучысы, шагыйрь, драматург, прозаик, фольклорчы һәм Филолог, татар сүзлекләрен төзүче, РСФСРның атказанган сәнгать эшлеклесе һәм Татарстан АССРның халык язучысы Нәкый Исәнбәтнең тууына 125 ел тулу уңаеннан 23 декабрь көнне Ике басу Арташ авыл китапханәсендә "Классик шагыйрь Нәкый Исәнбәт"дигән әдәби сәгать үткәрелде. Балалар язучының биографиясен тыңладылар һәм балалар өчен «Мырау Батыр»әкияте белән таныштылар. Мырау батыр маҗаралары-туган җирне яратып һәм тырыш хезмәт куеп, герой булып, һәртөрле авырлыкларны җиңеп, куркуыңны җиңеп чыгу үрнәге ул.

24 декабрь көнне Шәмәрдән модель һәм балалар китапханәсе «Халкымның күңел бизәкләре»темасына танышу сәгате үткәрде. Чарада "Салават күпере" балалар бакчасында тәрбияләнүчеләр – "Сэйлэн" клубы әгъзалары катнашты.

Китапханәчеләр электрон презентация ярдәмендә татар милли бизәкләре турында сөйләделәр, чигелгән сөлге күрсәттеләр. Сөлге - ныклы татар гаиләсе символы, Сабантуйда бәйрәм традицияләре символы, туйларда сөлгеләрне бүләк итеп тапшырганнар.

Чара татар телен белү буенча конкурслар һәм викториналар, китап күргәзмәсенә күзәтү белән дәвам итте. Татар шигырьләре яңгырады.

Чара ахырында татар мәкальләре һәм әйтемнәре искә төште. Әлеге чараның максаты - милли мәдәнияткә хөрмәт тәрбияләү.

Явлаштау авыл китапханәсе һәм мәдәният йорты хезмәткәрләре 7 нче сыйныф укучылары белән Нәкый Исәнбәтнең тууына 125 ел тулу уңаеннан «Хикмәтле сүзләр остасы» дигән әдәби сәгать үткәрделәр.

Чара барышында катнашучылар әлеге авторның бай иҗаты белән таныштылар. Презентация барышында укучылар Нәкый Исәнбәт мирасын тирәнрәк аңлый алды.

Үткәрелгән викторина  аша  алар үзләренең белемнәрен тикшерә һәм язучының иҗаты буенча белемнәрен тирәнәйтә алды.

Иштуган авыл китапханәсендә 21 декабрь көнне Иштуган урта мәктәбенең 5 сыйныф укучылары өчен «Сыйныф очрашуы» китапханәсенә экскурсия үткәрелде. Балалар китап иле буйлап мавыктыргыч сәяхәт ясадылар. Китапханә мөдире балаларга «китапханә» нең нәрсә икәнлеге һәм «укучы»ның кем булуы турында сөйләде. Китапханә бүлекләре, шулай ук китапханә кагыйдәләре, китап белән эш итү кагыйдәләре белән таныштырды. Балалар китапларның кайда яшәвен күрделәр, Китапханәгә ничек язылырга һәм стеллажда китапны ничек сайларга икәнен белделәр. Укучылар матур, матур китапларны кызыксынып карадылар һәм китап киштәләрендә күпме төрле китапларның «яшәвенә» гаҗәпләнделәр. «Балачак иленнән китаплар»исемле матур бизәлгән китап күргәзмәсенә аерым игътибар бирелде. Мәгълүматны тыңлаганнан соң, укучылар табышмакларга рәхәтләнеп җавап бирделәр, «Могҗизалар һәркайда яши» викторинасы сорауларына җавап бирделәр, «сүзеңне сөйлә»уенда катнаштылар. Чара азагында китапханәче балаларга яңа һәм кызыклы очрашулар теләде һәм аларны китапханәгә – Книжкин йортына ешрак килергә чакырды.

2024 ел Татарстан Республикасында фәнни-технологик үсеш елы дип игълан ителде. Узып баручы елның соңгы көннәрендә, 22 декабрьдә, Олы Нырты мәдәният йорты һәм авыл китапханәсе хезмәткәрләре «Кемнәр ул галимнәр? Нәрсә ул тәҗрибә?" дигән әңгәмә үткәрделәр. Әңгәмә вакытында балаларга тема буенча китаплар тәкъдим ителде. Ә инде балалар өчен иң мавыктыргыч нәрсә - үткәрелгән тәҗрибәләр булды! Суда ачыла торган лотослар, тәлинкәдәге суда ачылган чәчәкләр, «хәрәкәт итүче вулканнар», һавасыз кабарып торган шарчык, су асты гейзерлары һәм башка бик күп нәрсәләр балаларны гаҗәпләндерде һәм шатландырды. Һәр тәҗрибәдән балалардан сораулар яуды. Ә бүгенге чарада иң мөһиме: янып торган күзләр һәм кызыксыну тулы карашлар.

20 декабрьдә Саба сәнгать мәктәбенең Шәмәрдән филиалында  «Якынлашып килүче Яңа ел белән!» дип исемләнгән рәсемнәр күргәзмәсе оештырылды, ул бәйрәм атмосферасы һәм яңа ел кәефе бүләк итте. Күргәзмәдә 23 укучының рәсемнәре катнаша.

Уку елының I яртыеллыгы ахырына якынлаша.  Балалар сәнгать мәктәбендә заман белән беррәттән үзгәрешләр булуга карамастан, ул һәрвакыт сәнгать храмы булып кала, яшь музыкантлар, рәссамнар һәм хореографлар шуннан юл ала. Бу йорт Һәркемгә илхам чыганагы бирә.

2024 елның 20 декабрендә актлар залында «Музыка һәм төсләр балкышында» дип исемләнгән сәнгать мәктәбе укучыларының традицион отчет концерты узды. Отчет концерты-бөтен мәктәп өчен бик әһәмиятле чара. Шуңа күрә уку елы дәвамында казанышлары һәм талантлары белән сөендергән солистлар һәм коллективлар, төрле фестиваль, конкурс лауреатлары һәм дипломантлары катнаша.

19 декабрь көнне Саба район китапханәсенең уку залында Яңа ел – 2025 не каршылау бәйрәме узды. Бәйрәмгә безнең актив китап укучыларыбыз китапханә каршында эшләп килүче "Алтын куллар", "Мишә дулкыннары", "Сөембикә", "Өлкәннәр" клублары әгъзалары җыелды. Алар өчен китапханәчеләр "Яңа ел маҗаралары" - театраль тамаша күрсәттеләр. Елның шаян айлары һәм Кыш Бабай күңелле уеннар уйнатып, җырлар җырлатып өлкәннәрне сөендерделәр. Кунакларыбыз балачакларын, яшьлекләрен искә төшерделәр - Яңа ел турында шигырьләр, үзләре, танышлары белән булган кызыклы вакыйгалар сөйләп, җырлап-биеп Кыш бабайдан бүләкләр алдылар. Гармунчыбыз Илшат Мөхәммәтшин һәм "Гөлбакча" ансамбле чыгышлары һәркемнең күңеленә хуш килде.

“Яңа елны ничек каршы алсаң, ел да шулай үтәр!”- дигән юрама бар. Без китапханәчеләр һәрбер кешегә ныклы сәламәтлек, бәхет-шатлыклардан торган озын гомер, тыныч күк йөзе телибез!

Сатыш авылы мәдрәсәсе музеенда Ш.З.Зиннуров исемендәге Сатыш урта мәктәбе укучылары өчен Россиядә Ватан Геройлары көненә багышланган презентация күрсәтелде. Бу көнне Советлар Союзы һәм Россия Федерациясе Геройларын, Изге Георгий Ордены һәм Дан Ордены кавалерларын хөрмәтлиләр. Бу бәйрәмдә ата-бабаларыбызның батырлыкларын искә алу гына түгел, ә хәзерге вакытта  илебездә яшәүче  геройлар да  искә алына, хөрмәт ителә. 9 декабрь көне очраклы гына сайланмаган. Иске стиль буенча, 1917 елга кадәр 9 декабрьдә Георгий кавалерларының хезмәтләрен хөрмәтләүгә багышланган бәйрәм көне булдырылган. Музей хезмәткәре балаларны Ватан Геройлары көненең тарихы белән таныштырды, Бөек Ватан сугышы геройлары, Әфганстан каһарманнары, махсус операция геройлары һәм бугенге көндә исән-сау булган  геройларның тормышы  турында сөйләде.