ЯҢАЛЫКЛАР
Түбән Кама районының «Шәфкать» халыкка социаль хезмәт күрсәтү комплекслы үзәгендә балаларга һәм аларның гаиләләренә иртә ярдәм күрсәтү буенча күчмә «Өй консультанты» проектын гамәлгә ашыру 2025 елның апреленнән алып барыла. Проект Авыр тормыш хәлендә калган балаларга ярдәм фонды гранты акчаларына гамәлгә ашырыла.
26–28 март көннәрендә Казандагы «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәге директоры Юлия Шәфигуллина «Балалар һәм гаиләләр белән эшләүнең фәнни исбатланган методикалары» темасына иртә ярдәм күрсәтү буенча стажировка үтте.
Менә ике ел инде Яр Чаллы шәһәренең «Кояшкай» мөмкинлекләре чикләнгән балалар һәм яшүсмерләр өчен тернәкләндерү үзәгендә иртә ярдәм хезмәте эшли. Ул мәктәпкәчә мәгариф учреждениеләренә йөрми торган, үсешләрендә кимчелекләре ачыкланган сабый һәм кечкенә яшьтәге балаларны тәрбияләүче гаиләләргә психологик-педагогик һәм социаль ярдәм күрсәтү өчен оештырылган.
11–15 ноябрь көннәрендә Әстерхан өлкәсенең «Коррекция һәм үсеш» балаларны тернәкләндерү фәнни-гамәли үзәгендә «Социаль ярдәм кысаларында мөмкинлекләре чикләнгән балалар тәрбияләүче гаиләләр белән эшләүдә инновацион алым» темасына уку курсы узды. Стажировка мәйданчыгында Түбән Кама районының «Шәфкать» халыкка социаль хезмәт күрсәтү комплекслы үзәге директоры Гөлназ Исакиева да катнашты.
Кичә Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәге җитәкчесе Галина Калашникова «1000 беренче көн: балаларга һәм аларның гаиләләренә иртә ярдәм» II Бөтенроссия фәнни-гамәли конференциясендә катнашты. Чара Санкт-Петербург шәһәрендә узды.
Казанда «Апрель» мөмкинлекләре чикләнгән балалар һәм яшүсмерләр өчен тернәкләндерү үзәге шәһәрнең медицина учреждениеләре белән хезмәттәшлекне актив рәвештә киңәйтә. Октябрьдә үзәк белгечләре ведомствоара эш кысаларында Казанның алты балалар поликлиникасында булдылар.
Яшел Үзән районында «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендә гаиләләр белән алты айлык хезмәттәшлек тәмамланды. Бу вакыт эчендә һәр бала 140 индивидуаль үсеш дәресе алды.
8 нче апрельдән 15 нче апрельгә кадәр Татарстан Республикасы Хезмәт, халыкны эш белән тәэмин итү һәм социаль яклау министрлыгының Республика ресурс үзәге «Тернәкләндерүдә Халыкара эшчәнлек, тормыш эшчәнлеге һәм сәламәтлек чикләүләре классификациясен куллану» программасы буенча укыту семинары оештырды. Чараны 7 нче шәһәр клиник хастаханәсенең дәвалау-тернәкләндерү үзәге җитәкчесе Резеда Бодрова ярдәме белән үткәрделәр.
9 апрельдә Минзәлә районының «Умырзая» мөмкинлекләре чикле балалар һәм яшүсмерләр өчен тернәкләндерү үзәге белгечләре Евгения Алексеева һәм Илсинә Нуриева «Мөмкинлекләре чикле балалар һәм яшүсмерләр өчен тернәкләндерү үзәге базасында үсеш үзенчәлекләре булган 3 яшькә кадәрге балаларга иртә ярдәм күрсәтүне оештыру» программасы буенча стажировка үттеләр.
9 апрельдә Казандагы «Апрель» мөмкинлекләре чикле балалар һәм яшүсмерләр өчен тернәкләндерү үзәгендә стажировка мәйданчыгы эшли башлады. Чарага Татарстанның төрле почмакларыннан социаль учреждениеләр вәкилләре җыелды. Очрашуның төп темасы социаль хезмәт күрсәтү өлкәсендә иң актуаль һәм күпкырлы темаларның берсе – иртә ярдәм булды.