ЯҢАЛЫКЛАР
Казанга эш сәфәре кысаларында Россия Хөкүмәте Рәисе урынбасары Виталий Савельев Габдулла Тукай исемендәге «Казан» халыкара аэропортының яңа пассажирлар терминалы проекты белән танышты. Аны Татарстан Рәисе Рөстәм Миңнеханов озата йөрде.
ТР Рәисе Рөстәм Миңнеханов ярдәме белән Татарстанда 2025 елда 5 республика программасы буенча 57 социаль-мәдәни объект төзелә. Бу максатларга бүлеп бирелгән акчаларның гомуми суммасы 1 млрд 100 млн сум тәшкил итә. Бу хакта бүген ТР Төзелеш, архитектура һәм торак-коммуналь хуҗалык министры урынбасары Илшат Гыймаев «Татар-информ» мәгълүмат агентлыгында узган брифингта хәбәр итте.
Татарстанда торак төзелешенең еллык планы 69% ка үтәлгән – төзүчеләр 2 млн 244 мең кв.м. файдалануга тапшырган. Бу хакта ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.
Әлмәттә 3 нче шәһәр поликлиникасының гомуми практика табибы һәм педиатр үзәге төзелә.
Бер катлы бинаның гомуми мәйданы – 395 кв. м. Биредә балалар һәм өлкәннәр бүлекләре каралган. Аларның һәрберсендә көтеп утыру зонасы булган вестибюль, кабул итү-күзәтү боксы, регистратура, табиб кабинеты, прививка ясату, процедура, гардероб, санузел, персонал бүлмәсе планлаштырылган. Моннан тыш, балалар бүлеге өчен коляскалы һәм уен зонасы проектланган. Үзәктә барлыгы 31 бина булачак.
Татарстанда спорт өлкәсендә 2 млрд 387 млн сумлык 23 корылма төзелә. Бу хакта узган шимбәдә ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.
Алдагы ике атнада Казанда, Яшел Үзән, Лаеш, Питрәч һәм Түбән Кама районнарында берьюлы сигез универсаль спорт мәйданчыгы төзелеше тәмамланган.
Торак төзелешенең еллык планы 63 процентка үтәлгән, бу 2 млн 62 мең кв. м. тәшкил итә. Бу хакта узган шимбәдә ТР Хөкүмәте Йортында узган киңәшмәдә ТР Төзелеш, архитектура һәм ТКХ министры Марат Айзатуллин хәбәр итте. Киңәшмәне видеоконференцэлемтә режимында Татарстан Премьер-министры Алексей Песошин уздырды.
Әлмәт районының Иске Суркино авылында фельдшер-акушерлык пункты төзелеше «Дәвамлы һәм актив тормыш» илкүләм проектына керә торган «Беренчел буынны модернизацияләү» федераль программасы буенча алып барыла. Бу максатларга 12 млн 361 мең сумнан артык акча бүлеп бирелгән.
Татарстанда бер ел эчендә 1,8 млн кв. м торак булмаган биналар төзергә планлаштыралар, бу 2024 елга караганда күбрәк. Бүгенге көндә республиканың эре шәһәрләрендә офислар һәм складлар җитмәү күзәтелә.
Татарстанның Зеленодольск муниципаль районының Карамалы Тау шәһәр тибындагы поселогында мини-футбол буенча универсаль спорт мәйданчыгы төзелеше дәвам итә.
Булачак спорт объектының гомуми мәйданы 989 квадрат метр тәшкил итәчәк. Хәзер монда электромонтаж эшләре алып барыла һәм нигезләрне әзерлиләр.
Узган җомгада Татарстан Республикасы Хөкүмәте Йортында узган киңәшмәдә ТР Төзелеш, архитектура һәм ТКХ министры Марат Айзатуллин җәмәгать урыннарын төзекләндерү барышы турында сөйләде.
Киңәшмәне ТР Премьер-министры Алексей Песошин үткәрде.
Төзекләндерү федераль һәм республика программалары буенча бара. Агымдагы елда гомуми суммасы 1 млрд 896 млн сумнан артыграк булган 61 җәмәгать урыны яңартылачак. «Подрядчылар хәзер 47 объектта эшли. Бүгенге көндә эшләрнең гомуми үтәлеше 26% тәшкил итә, динамика 6% тан артып китте. Узган 2 атнада Сарман районында объект файдалануга тапшырылды», – дип хәбәр итте Татарстан Республикасы Төзелеш министрлыгы башлыгы.