ЯҢАЛЫКЛАР

 5 майда безнең приют базасында консилиум узды. Уртак консилиумда видеоконференция аша  безгә опека һәм попечительлек бүлеге,Казан шәһәренен  Совет районы КСЦОН органнары да кушылды. Әлеге чарада балаларның агымдагы уңышлары һәм алга таба яшәү рәвеше турында фикер алыштылар.

Россиядә "Хәтер бакчасы" дип аталган Бөтенроссия акциясе старт алды, аның максаты-Бөек Ватан сугышы елларында һәлак булган һәр кеше истәлегенә агачлар утырту. Безнең приютта тәрбияләнүче балалар әлеге акциядә актив катнаштылар, приют территориясендә агачлар утырттылар .

  28 апрельдә Татарстан Республикасы Кукмара муниципаль районының "Галактика" балалар иҗаты үзәге базасында Татарстан Республикасы укучылары арасында иң гади ракета модельләре буенча республика шәхси-команда ярышлары узды. Анда безнең приют балалары катнашты һәм яхшы нәтиҗәләр күрсәтте. Алга таба да аларга унышлар телибез.

  1 Май-Яз һәм Хезмәт бәйрәме. Безнең авыл җирлегендә бәйрәм традициясе булып-1 Май бәйрәмендә  йомырка җыю тора. Бүген без урта һәм өлкән төркем балалар белән йомырка җыюда катнаштык.Соңыннан балалар табигатькэ ял итэргэ бардылар.Бэйрэм бик кунелле утте.

     Еллар үтә, әмма геройларыбызның батырлыгы турында хәтер сүнми. Җиңү көне алдыннан "Тургай" приюты тәрбияләнүчеләре «Җиңү тәрәзәләре»бөтендөнья акциясендэ катнаштылар.

26 апрельдә без Г.Тукайның туган көнен билгеләп үттек. Безнең тәрбияләнүчеләр әлеге бәйрәмгә багышланган чараларда катнаштылар.

1886 елның 26 апрелендә Казан губернасының Кушлавыч авылында  Габдулла Тукай туган.  Балалар "Туган тел" җырын башкардылар, Тукай шигырьләрен сөйләделәр. Аннары "яшь укучылар"конкурсы узды. Барлык катнашучылар да җитди әзерләнделәр, үзләренең осталыкларын һәм оригиналь башкаруларын күрсәтеп, искиткеч чыгыш ясадылар. Җиңүчеләр булып Зайнеева Аделия һәм Бареев Руслан танылды.

Безнең приютта Чернобыль АЭСындагы фаҗигагә багышланган берничә чара узды. Куркыныч вакыйгадан соң инде 37 ел узган. Приютта тәрбияләнүчеләр рәсемнәр күргәзмәсе әзерләгәннәр, фаҗига турында документаль фильмнар карадылар.

Безнең приютта Ураза бәйрәменә багышланган берничә чара узды. Безнең тәрбияләнүчеләр мәчеткә килделәр, анда Рафик хәзрәт аларга бу бәйрәмнең тарихы турында сөйләде һәм алар белән Ураза бәйрәме традицияләре турында белемнәрен уртаклашты.

.

  18 апрельдә безнең приютка Казан шәһәреннән Ватаным Татарстан газетасы вәкилләре килде. Алар приют һәм андагы эшчәнлек белән таныштылар.

   Пасха-гаилә бәйрәме, ул күп яхшылык, мәхәббәт һәм яктылык алып килә.  16 апрельдә "Тургай" приюты тәрбияләнүчеләре белән "һәр йортка Кулич" дип аталган чәй эчү үткәрелде.