ЯҢАЛЫКЛАР

      Мөбарәкова Алина, тәрбияче  Давлиева Венера җитәкчелегендә, Бөтенроссия конкурсында катнаштылар. Безнең тәрбияләнүче Алина шифаханәгә сәламәтләндерү юлламасы өчен бүләкләр һәм сертификат алды. Җиңүчеләребезне котлыйбыз, аларга киләчәктә дә уңышлар телибез!

26 апрельдә татар халкының бөек шагыйре Габдулла Тукай туган! Кечкенәдән үк без шагыйрь иҗатына мәхәббәт тәрбиялибез. «Тукай безнең йөрәкләрдә»VII Республика ачык иҗат конкурсында катнашып, жину яуладык.

2024 елның 26 апрелендә бөек шагыйрь Габдулла Тукайның тууына 138 ел тулды. Шагыйрьнең туган көнендә безнең яшь тәрбияләнүчеләребез бөек шагыйрьнең тормыш юлын өйрәнделәр, аның әсәрләрен сәхнәләштерделәр, чөнки алар безне матурлыкка, игелеккә өйрәтәләр, мәрхәмәтле, гадел һәм кыю булырга чакыралар.

Мәктәпкәчә яшьтәге балалар "Теремок" түгәрәгендә Габдулла Тукай әсәрләре буенча инсценировкалар әзерләделәр. Һәр бала яшь артист буларак ачыла һәм бөтен җаны белән үз ролен уйный.

"Тургай волонтеры" программасын тормышка ашыру кысаларында балалар  1941-1945 елларда Бөек Ватан сугышында һәлак булган сугышчы-җирдәшләргә һәйкәл территориясен җыештыру буенча өмә үткәрделәр.

25 апрельдә Республика фотоэшләр конкурсының нәтиҗәләре билгеле булды. Анда безнең балалар актив катнашты. Приютта тәрбияләнүчеләр педагоглар җитәкчелегендә, Ватанга мәхәббәтне,патриотизмны һәм волонтерлыкны чагылдырган фотосурәтләр әзерләделәр. Катнашучыларның барысы да  сертификат алды, ә ике бала җиңүчеләрнең дипломнарын алды: Рубцова Владислава педагог Сибгатуллина А. М. һәм Алиев Азат педагог Солтанова Р. Д.

17-24 апрельдә Казан шәһәрендә Бөтенроссия грантына әзерлек буенча икътисадый форум узды. 24 апрельдә җиңүчеләрне бүләкләү тантанасы булды, алар арасында безнең  приютта тәрбияләнүче балалар да  бар иде. Җиңүчеләребезне котлыйбыз һәм яңа җиңүләр телибез!

  20 апрельдә безнең приютта өмә узды. Приют коллективы территорияне җыештыруда һәм буяуда, балалар мәйданчыгын һәм спорт стадионын төзекләндерүдә актив катнашты.Шулай ук Иске Икшермә поселогы территориясен җыештыруда катнаштылар.

   Һәр баланың туган көне шатлыклы һәм күптән көтелгән бәйрәм, аны якыннары һәм дуслары арасында бәйрәм итәргә, комплиментлар диңгезен ишетергә  һәм әлбәттә, күп бүләкләр алырга телиләр. Ә приют-ул бер зур һәм тату гаилә, анда балалар бәйрәмнәрне күңелле билгеләп үтәләр.Балалар күңелле конкурсларда актив катнаштылар. Бәйрәм чәй эчү белән тәмамланды.

    Бүген 17 апрельдә "Тургай" приютында Саба муниципаль районы "Беренче хәрәкәт" кураторы Хаҗиев Илнар Илдар улы белән очрашу узды. Ул балаларны яңа оешманың эш юнәлешләре, планнары һәм максатлары белән таныштырды.  Безнең балалар бик кызыксындылар һәм алга таба "Беренчеләр хәрәкәте" сафларына керергә карар кабул иттеләр.

   Изге Рамазан аенда безнең приютта ифтар узды, аны безнең хәйриячеләр һәм приют коллективы оештырды.