ЯҢАЛЫКЛАР

  4 апрельдә безнең приютта мастер-класслар үтте, анда Саба муниципаль районы халыкны социаль яклау башлыгы Гайнетдинова Лилия  Нургаяновна  һәм анын 8 сыйныфта укучы кызы Ландыш катнашты.

   Мөселманнар өчен изге Рамазан аенда Саба муниципаль районы халыкны социаль яклау башлыгы Гайнетдинова Л. Н.һәм аның туганнары 6 апрельдә тәрбияләнүчеләребез һәм авылдашларыбыз өчен зур Ифтар оештырдылар.

  Безнең мәктәпкәчә яшьтәге тәрбияләнүчебез Алиева Руфина республика иҗат эшләре конкурсында икенче урынны алды.

Безнең тәрбияләнүче балалар Икшермә кадет мәктәбен тәмамлаучы, Украина территориясендә махсус хәрби операциядә катнашучы Кирилл Александрович белән очраштылар.

Мартта без мәктәпкәчә яшьтәге балалар белән  Бөтенроссия конкурсында катнаштык. Балалар плакатны традицион булмаган ысул белән - кечкенә куллары белән ясадылар. Тәрбияләнүче Гөбәйдуллин Адель   II дәрәҗә диплом алды. Чын күңелдән котлыйбыз!

28 мартта Балалар белән Теләче авылындагы «Батыр» боз сараенда булдык. Сарай хезмәткәрләре, матур елмаеп һәм яхшы сүзләр әйтеп, балаларыбызны каршы алдылар һәм аларны бинаның төп боз аренасына озаттылар. Балалар боз өстендә рәхәтләнеп вакыт үткәрделәр!

     27 мартта безнең тәрбияләнүчеләр Теләче районында урнашкан "Дулкын" бассейнында булдылар.

Балалар өчен мондый сәяхәтләр һәрвакыт зур шатлык. Безне игелекле бассейн хезмәткәрләре каршы алды, инструктаж үткәрде, киенү бүлмәләре, душ бүлмәләре күрсәтте. Аларга зур рәхмәт!

Йөзү - бөтен организмга бик файдалы булган матур спорт төре. Ул сәламәтлекне ныгыта, чыдамлыкны арттыра, сыгылмалылыкны үстерә, эшчәнлекне арттыра.

Нәүрүз-яз һәм кояш бәйрәме. 26 мартта безнең приютта да Нәүрүз бәйрәме узды. Кунакка Нәүрүз-яз килде. Төрле уеннар үткәрелде. Капчыкларда йөгерү, кашыкка йомырка куеп йөгерү һәм башка уеннарда катнашты балалар. Балалар бик рәхәтләнеп ял итте. Ахырдан кунаклар алып килгән тэмле ризыклар белән сыйландылар. Бәйрәм бик күңелле үтте.

    «Тургай» приютында   25 мартта - балалар һәм яшүсмерләр китабы атналыгы башланды.  Балалар тәрбиячеләре белән бергә авыл китапханәсенә экскурсиягә бардылар. Алар анда китаплар белән  танышып чыктылар. Атналык төрле-төрле чараларларга бай булып үтә.

   Кичә приютта тәрбияләнүчеләрне авыл мәчетендә узган ифтарга чакырдылар. Рафикъ хәзрәт, балаларыбызны шатланып каршы алды, Рамазан ае турында сөйләде.

Догадан соң барлык кунакларны өстәл янына чакырдылар. Кичәнең төп сыйлыгы булып традицион мөселман ризыклары  торды.