ЯҢАЛЫКЛАР

26 нче гыйнвар көнне Шәмәрдән авыл мәдәният йорты белгече С. М.Фәтхуллина Шәмәрдән лицееның 6 «Г» сыйныфы укучылары өчен «Пульс Ленинграда» дип исемләнгән патриотик сәгать үткәрде. Чара башында алып баручы укучыларга Ленинград блокадасының илебез тарихының иң фаҗигале һәм моңсу битләренең берсе булуы турында сөйләде. Аннары, укучылар игътибарына блокадалы Ленинград турында документаль фильм тәкъдим ителде, анда  безнең ил өчен авыр булган  чорлар  һәм  ленинградлыларның ул вакыттагы тормышы турында күрсәтелде. Фильм караганнан соң, балалар ябык шәһәрдә яшәүчеләр өлешенә туры килгән авыр сынауларны: ачлык һәм салкынлык, заводларда ир-атлар белән беррәттән эшләгән балалар һәм хатын-кызлар, Ленинградны совет солдатлары яклавы һәм оборонасы турында аңладылар. Укучыларга бу патриотик сәгатьтә булган икмәк нормасы һәм кешеләргә ач үлем белән үлмәскә ярдәм иткән «тормыш юлы» турында хикәя зур тәэсир калдырды. Чара ахырында балалар ленинград блокадасының корбаннарын бер минут тынлык белән искә алдылар.

26 гыйнвар көнне Шәмәрдән мәдәният йорты белгечләре «Мы против коррупции!» дигән акция үткәрделәр. Әлеге чара актив гражданлык позициясен һәм коррупция фактларына карата түземсез мөнәсәбәт формалаштыруга юнәлдерелгән. Белгечләр кеше хокуклары турындагы белемнәре белән уртаклашты, Шәмәрдән халкы белән әңгәмә алып барды. Акция барышында алар узып баручыларга махсус әзерләнгән «Как противостоять коррупции» дигән буклетлар һәм листовкалар тараттылар, аңлату эшләре алып бардылар һәм ришвәт алган һәм биргән өчен җинаять җаваплылыгы каралуын искәрттеләр. Үткәрелгән акциянең мөһим нәтиҗәсе: коррупцияне җиңеп чыгуның уңышы дәүләтнең грамоталы гамәлләренә генә түгел, ә аның гражданнарының үз позициясенә дә бәйле.

24 гыйнварда Шәмәрдән авыл мәдәният йорты белгече К.А.Нигъмәтҗанова Шәмәрдән модель һәм балалар китапханәсе белән берлектә Шәмәрдән лицее укучылары өчен хокук саклау органнары «Правоохранительные органы» дигән дәрес үткәрделәр. Чара башында алып баручылар яшүсмерләргә электрон презентация ярдәмендә һөнәрне сайлау нинди мөһим урын булып торуы турында сөйләделәр, китап күргәзмәсенә һәм тематик тартмага күзәтү ясадылар. Аннан соң алар чакырылган кунакларга: ТРның атказанган юристы Закиров Рифат Рафаэль улына, ТР Саба районы прокуроры ярдәмчесе Фәйзетдинова Энҗе Тәлгать кызына, Россия Эчке эшләр министрлыгының Саба районы буенча бүлегенең төркем җитәкчесе полиция подполковнигы Сабиров Булат Мәхмүт улына сүз бирделәр. Юристлар укучыларга бу һөнәрне ни өчен сайлаулары, хезмәт эшчәнлеге, үз эшләренең үзенчәлекләре, карьера үсеше турында сөйләделәр, профессиональ тәҗрибәләре белән уртаклаштылар, әйдәп баручы һәм укучыларның сорауларына җавап бирделәр. Тематик видеороликтан булачак чыгарылыш сыйныф укучылары юридик вузларга керү тәртибе, уку процессының үзенчәлекләре, юридик уку йортларына керергә карар иткән кандидатларга куела торган таләпләр турында белделәр. Очрашу кызыклы һәм эчтәлекле булды.

24 нче гыйнвар көнне  Шәмәрдән авыл мәдәният йорты белгечләре  «Салават күпере»  бакчасына йөрүче балалар өчен «Веселая эстафета» дип исемләнгән уен программасын оештырдылар. Мәдәният йортының спорт залында балаларга төрле спорт эстафеталары тәкъдим ителде. Балалар тизлектә, җитезлектә һәм командада эшли белүдә көч сынашты. Әлеге чарада катнашып, балалар үзләрен зур спорт гаиләсе итеп тоя алдылар. Уен программасы кызыклы һәм мавыктыргыч булды, бик күп уңай хисләр һәм тәэсирләр калдырды. Күңелле эстафета ахырында балаларга бүләкләр тапшырылды.

20 гыйнварда Шәмәрдән мәдәният йорты хезмәткәрләре «Балкыш» социаль-тернәкләндерү үзәгендә ял итүчеләр өчен «Ә җырларымның һәм яшь килешнең» хәйрия концерты оештырдылар. Концерт программасы бай һәм якты булды. Концертның беренче минутларыннан ук яхшы һәм дәртле атмосфера барлыкка килде, аның ярдәмендә артистлар һәм тамашачылар арасында уңай эмоцияләр үзара алмашу булды. Бу рәхмәтле тамашачыларның алкышларында сизелде. Чара ахырында барлык ял итүчеләр исеменнән рәхмәт сүзләре белән Миләүшә Галиева чыгыш ясады.

19 нче гыйнвар Шәмәрдән авыл мәдәният йорты белгече С.М.Фәтхуллина «Салават күпере» балалар бакчасына йөрүче балалар өчен «Зимние узоры» дип исемләнгән рәсем бәйгесе үткәрде. Чара барышында балалар рәхәтләнеп сөйләштеләр һәм кыш турындагы тәэсирләре белән уртаклаштылар. Балалар кышкы матур көннәргә багышлап матур рәсемнәр ясадылар. Шулай ук балалар өчен хәрәкәтле уеннар да оештырылды. Барлык бәйге темасын тылсымлы итеп, елның бу вакытының мизгелләрен үз рәсемнәрендә матур итеп тапшыра алдылар. Барлык катнашучыларга да бүләкләр һәм татлы призлар тапшырылды.

18 гыйнварда Шәмәрдән мәдәният йорты белгече С.М.Фәтхуллина Шәмәрдән лицееның 2 «Г» сыйныфы укучылары өчен РФдә педагог һәм остаз елына багышланган «Мир школы глазами детей» дигән әңгәмә үткәрде. Педагог һәм остаз елы педагогларның иҗади һәм һөнәри потенциалын үстерү, һөнәрнең социаль абруен күтәрү өчен игълан ителде. Чара башында алып баручы педагог һөнәренең ни дәрәҗәдә мөһим булуы, укытучы эшенең укучылары өчен һәм аларның уңышлы киләчәге өчен нинди әһәмияткә ия булуы турында сөйләде. Яшь укучылар үз укытучыларының хезмәтен күбрәк аңласын өчен, аларга төрле биремнәр бирелде, алар зур уңыш белән башкардылар. Алга таба балалар җылы, дустанә әңгәмәдә үзләренең яхшы ниятләре белән уртаклаштылар һәм барысы бергә «Мир школы глазами детей» дигән темага стена газетасын ясадылар. Чара «Первый раз, в первый класс» мультфильмын карау белән тәмамланды.

17 гыйнварда Шәмәрдән мәдәният йорты белгече С.М.Фәтхуллина «Теремок» балалар бакчасы балалары өчен «Мы друзья природы» дигән танып белү сәгате үткәрде. Чараның максаты: балаларның экологик проблемалар турында күзаллауларын киңәйтү, табигатькә һәм бөтен тереклеккә сак караш тәрбияләү иде. Танып белү сәгате барышында балалар экологиянең нәрсә икәнен, табигатьне һәм аның ресурсларын ничек сакларга, кешенең әйләнә – тирә мохиткә йогынтысын һәм уртак йортыбыз-Җир планетасын саклап калу өчен нәрсә эшләргә кирәклеген белделәр. Алга таба, балалар экологик кагыйдәләр һәм гаҗәеп фактлар белән таныштылар, кешенең әйләнә-тирәсез яши алмавын ачыкладылар. Чарада катнашучылар табигатьтә зарарлы, кирәкмәгән үсемлекләр һәм хайваннар булмавын гаҗәпләнеп белделәр, алар барысы да тыгыз бәйләнгән, үзенчә матур һәм файдалы. Шулай ук уен формасында балалар «Экология» темасына төрле биремнәр чиштеләр, алар анда зур кызыксыну белән катнаштылар. Чара дусларча әңгәмә һәм йомгак ясау белән тәмамланды.

16 гыйнварда Шәмәрдән «Үсеш» лицеенда «Саба дулкыннары» - «Мәктәп-TV» телерадиокомпаниясе хезмәткәрләре булды. Бу төшерүгә Шәмәрдән авылының төрле түгәрәкләренә йөрүче егетләр чакырылган иде. Шулай ук төшерүдә Шәмәрдән мәдәният йорты каршында эшләп килүче «Акварель» халык бию төркеме катнашты. Анда алар «Юри гена» дигән татар биюе белән чыгыш ясады. Һәр катнашучы үз талантларын күрсәтә алды.

13 гыйнварда Шәмәрдән авылының үзәк мәйданында «Яңа ел иске буламы...?» дигән чыршы ябылу тантанасы булып узды.  Бәйрәм программасын Шәмәрдән авылы мәдәният йорты хезмәткәрләре оештырды, үзешчән сәнгатьтә катнашучылар һәм «Акварель» халык бию төркеме катнашты. Чарада шулай ук Мичәнбаш клубы мөдире А.Б.Гаврилова катнашты. Бәйрәм театральләштерелгән тамаша белән башланды. Аннан соң авыл җирлеге башлыгы А.Н.Гәрәев котлау сүзе белән чыгыш ясады. Аннары 2022 ел нәтиҗәләре буенча волейбол җиңүчеләрен һәм Шәмәрдән мәдәният йорты тормышында актив катнашкан оешмаларны бүләкләделәр. Чара концерт программасы, кызыклы уеннар һәм конкурслар белән дәвам итте. Өлкәннәр дә, балалар да бик теләп катнашкан биюләр, күңелле җырлары, уеннар, әлбәттә, әйлән-бәйлән бәйрәмне озатып йөрде.