ЯҢАЛЫКЛАР

7 апрель көнне Юлбат мәдәният йорты хезмәткәрләре Юлбат төп гомумбелем бирү мәктәбе белән берлектә  « Бер күк астында»- патриотик сәгать үткәрделәр. Кунагыбыз герое,Халиков Мөнир Илхам улы,  күптән түгел  туган авылына сугыш зонасыннан кыска вакытлы ялга кайтты .

Якташыбыз өлешчә мобилизация кысаларында махсус хәрби операция зонасына эләкте. Хәрби хезмәткәр солдатларның көнкүреше,  шартлары, беренче көннәрендә сугыш зонасында юлыккан кыенлыклар ,җирле халык белән аралашу, аларның мөнәсәбәтләре һәм көнкүреше турында сөйләде.

 Әңгәмәдә тылдан килгән солдатларыбызга ярдәм итү темасы да күтәрелде. Якташларыннан җылы сүзләр язылган хатлар , туган якларыннан килгән посылкалар һәр хәрби хезмәткәрнең җанын җылыта һәм аларның күңел рухын саклый. Бу бик мөһим һәм кирәкле эш. Балалар хәрби хезмәткәрне зур кызыксыну белән тыңладылар һәм сораулар бирделәр. Очрашу егетләр һәм кызлар  өчен дулкынландыргыч һәм истә калырлык булды. Ачык мисаллар аша укучылар чын геройларның янәшәдә яшәүләренә тагын бер кат инандылар. Укучылар һәм дә барлык авыл халкы безнең солдат геройларыбыз өчен борчылалар һәм алар белән горурланалар Әңгәмә ахырында катнашучылар солдат егеткә сәламәтлек, имин хезмәт һәм җиңү белән тизрәк кайтуларын теләделәр.

1 апрель көнне Юлбат мәдәният йорты хезмәткәрләре, Халыкара китап көне кысаларында, «Сезне утрауда маҗаралар көтә » исемле әдәби сәяхәт үткәрделәр. Балалар китаплары-бөтен дөнья, балалар дөньясында иң кызыклы һәм серле ил. 2 апрель көнне Халыкара балалар китабы көне билгеләп үтелә. Ганс Кристиан Андерсен барлык чорларның иң бөек әкиятчесе дип санала. Балалар бөек Г.К.Андерсен әкиятләре буенча әдәби сәяхәт ясадылар.  Чарада язучының тормыш юлы белән таныштылар, презентация-викторина ярдәмендә Андерсенның  әкият геройларын танып, сөйләп бардылдар. Г.Х. Андерсен әкиятләренә багышланган уен-квест балаларда күңелле җанлану уятты. Катнашучылар китаплар турында мәкальләр укыдылар, шифрланган табышмакларны чиштеләр,әкиятләр, китап белән бәйле сүзләр төзеделәр. Һәр станциядә катнашучылар яңа биремнәр алдылар .Сәяхәт серле ачкычны табу һәм татлы бүләкләр белән тәмамланды.

  31 март көнне, Юлбат мәдәният йорты хезмәткәрләре «Канатлы дуслар» викторинасында катнашучылар белән кошлар иленә мавыктыргыч сәяхәт ясадык, анда барысын да кызыклы сораулар һәм конкурслар көтте . Ә менә безнең чарага багышланган викторина сораулар астында яшеренгән иде, катнашучылар тыңладылар һәм җавап бирергә тырыштылар . Чара кысаларында мәдәният йорты мөдир катнашучыларга безнең якларда кышлаучы һәм күчеп җылы якка китүче кошлар турында сөйләде. Чара ахырында кошларны бергә ашаттык.

Һәрбер кеше өчен беренче укытучы − игелекле тылсымчы, белем юлында ярдәмче. Укытучының таланты-белемне башкаларга тапшыра белү осталыгы. Укытучы - уйларга , якыннарыбызны хөрмәт итәргә, яратырга, безгә чын кешеләр булып үсәргә ярдәм итә.

 Укытучы һәм остаз елы кысаларында, 30 март көнне Юлбат мәдәният йорты хезмәткәрләре хәзерге вакытта лаеклы ялдагы укытучы- Г.Р.Габделхакова катнашында «Минем беренче укытучым» исемле очрашу-әңгәмә үткәрделәр.Әлеге чарада катнашучыларга мәктәп укучылары тормышында беренче укытучының роле һәм беренче мәктәп китабы - Әлифбанын   тарихы, авторлары турында сөйләнде. Әңгәмәдә мәктәптә кайсы авторларның  китапларын кубрәк файдаланулары турында сөйләштек, чөнки лаеклы ялда булуга карамастан, Гөлсинә Раяновна мәктәпкәчә яшьтәге балаларны беренче сыйныфка әзерли.

  Узләре сайлаган юлда яшь буынны лаеклы итеп тәрбияләү— һәр укытучының тормыш максаты!

25 марттан язгы каникуллар башланды, аны укучылар түземсезлек белән көттеләр, чөнки бу дәресләрдән һәм өй эшләреннән ял итү вакыты.

Юлбат мәдәният йорты хезмәткәрләре мәктәп укучыларының каникулларын кызыклы һәм истә калырлык итәргә ярдәм иткән чараларны планлаштырырга тырыштылар. 26 март көнне «Бергә атлау күңелле» уен программасы уткәрелде .Чараны үткәрүнең төп бурычы, беренче чиратта, үсеп килүче буынның сәламәтлеген саклау һәм ныгыту, әхлакый-ихтыяр сыйфатларын, бердәмлек хисләрен тәрбияләү, актив һәм уңай тормыш позициясен формалаштыру булып тора. Ярыш элементлары балаларны ярышырга һәм җиңүгә ирешергә өйрәтте.

Безнең мәдәният хезмәткәрләре һәрвакыт энтузиазм, иҗади планнар һәм кызыклы уйланулар белән тулы. Мәдәният йортларының тормышы кызыклы чаралар белән тулган. 25 март көнне Юлбат мәдәният йорты хезмәткәрләре, мәдәният хезмәткәрләре көненә багышлап, үзләренең һөнәри бәйрәмнәрен балалар белән билгеләп үттеләр. Бу көн туган җирнең рухи үсешенә һәм барлык сәнгать төрләрен популярлаштыруга бәяләп бетергесез өлеш кертүчеләрне берләштерә, кешеләргә яхшылык һәм елмаю бүләк итеп бәйрәм булдыручыларны берләштерә. Чарада катнашучылар стена газетасының дизайнын аеруча кәеф белән эшләделәр, чөнки бу бәйрәм турыдан-туры иҗатка кагыла һәм якынлашып килүче театр көнен берләштерә.

Юлбат мәдәният йорты чарада катнашучылар белән бергә мәдәният хезмәткәрләрен һөнәри бәйрәмнәре белән котлый! Сезгә иҗади илһам, фикерләр һәм фантазияләр очышы, яңа проектларны уңышлы тормышка ашыру! Бәхет һәм муллык!

25 март көнне Лесхоз мәдәният йортында рус бильярды буенча зона ярышлары узды, анда Лесхоз бистәсендә, Юлбат авылында һәм Туктар авылында яшәүчеләр катнашты. Турнир әлеге спорт төрен хөрмәт итүчеләрне җыйды. Адреналин, дәрт, яхшы нәтиҗәне күрсәтү теләге уенчыларга бер генә минутка да тын алырга ирек бирмәде һәм катнашучыларны иң яхшы рәвештә җиңүгә этәрде. Уен барышында дуслык шартларында ныклы ярыш дәвам итте, турнирда катнашучыларның дәртләре , кичерешләре кайнады һәм беренче өч призлы урынның интригасы ахырга кадәр сакланды.                       Барлык катнашучылар да бильярд сөючеләр өчен яхшы һәм тигез уен күрсәттеләр. Нәтиҗә ясаганнан соң, безнең авылдан катнашучы Сәйфуллин Минсур призлы 3 урынны яулады.

Милли мәдәниятләр һәм традицияләр елы кысаларында, милли бәйрәмнәргә, гореф-гадәтләргә һәм традицияләргә кызыксынуны үстерү максатыннан, 19 март көнне  Юлбат мәдәният йорты һәм китапханә хезмәткәрләре «Нәүрүз!» милли бәйрәмен үткәрделәр. Тарихи яктан Нәүрүз бәйрәме тирән тамырларга ия һәм күп халыкларның мәдәни һәм дини традицияләрен чагылдыра.

  Безнең чара кыш һәм яз арасындагы каршылыкны сурәтләүче театр инсценировкасы белән башланып китте. Кыш бабай, һәм Яз- Нуризбикә көч сынашты. Яз җиңү яулагач, сөенергә дә, җырларга да, биергә дә була инде. Бәйрәм барышында барлык теләүчеләр дә күңелле конкурсларда катнаштылар. Чара барышында төрле халык уеннары үткәрелде, алар концерт номерлары белән үрелеп барды. Тамашачы кунаклар җырларны тыңладылар, көч һәм җитезлек буенча төрле ярышларда катнаштылар, кайнар коймак, ботка ашап, чәй эчтеләр. Нәүрүзбикә барысын да сыйлады.  Чөнки Нәүрүз-игелек һәм үзара хөрмәт, мәрхәмәт һәм юмартлык символы. Күңелле җырлар, мавыктыргыч ярышлар - болар барысы да бәйрәм атмосферасы тудырды һәм тамашачыларның кәефен күтәрде.

10 март көнне Юлбат мәдәният йорты һәм китапханә хезмәткәрләре «Әхмәд Фәйзинең күпкырлы иҗаты» исемле китап күргәзмәсе оештырдылар. Чара шагыйрь-лирик, драматург, әдәбият белгече Әхмәд Әхмәд улы Фәйзи (Фәйзуллин), РСФСРның атказанган сәнгать эшлеклесе (1957), ТАССРның Габдулла Тукай исемендәге Дәүләт премиясе лауреатының 120 еллыгына багышланды .Әхмәт Фәйзи күп кенә шигырь җыентыклары авторы. Аның шигырьләре музыкальлек белән аерылып тора, күп кенә татар композиторлары аларны үз җырларының һәм романсларының шигъри нигезе буларак кулланган. Күргәзмәдә шагыйрьнең тормышы , иҗаты турында китаплар һәм аның шигырьләре тәкъдим ителде, алар белән китапханәче таныштырды. Чарада катнашучылар - «Ак калфак» клубы әгъзалары шагыйрнең иҗаты, тормышы, китаплары белән таныштылар, хәтта кайбер әсәрләрне кычкырып укыдылар.Күргәзмә А.Фәйзи иҗатын яратучыларның барысына да кызыклы булды.

Халык традицияләрен саклау-яшьләрнең рухи тәрбиясенең мөһим өлешләренең берсе. Бу олы буын тәҗрибәсен яшьләргә тапшыру. 8 март көнне Юлбат мәдәният йорты һәм китапханә хезмәткәрләре «Әбием сандыгы» -конкурс-уен программасын үткәрделәр . Чара яңа мавыктыргыч һәм конкурс формасында узды. Ярыш элементларын үз эченә алып, иҗади рәвештә, катнашучыларга индивидуаль һәм команда белән  уен формасында кызыклы һәм мавыктыргыч биремнәрне үтәргә туры килде. Йолаларны искә төшерделәр һәм буыннан-буынга тапшырыла торган борынгы кыйммәтле ядкарьләрне күрсәттеләр.Зирәклекнең барлык серләре сандыкка җыелган. Халыкта әбинең сандыгы зирәклек һәм белем хәзинәсе дип сөйлиләр. Яшьләрнең гаилә традицияләрен, гореф-гадәтләрне һәм ядкарьләрне саклауның актуальлеген аңлаулары безне шатландыра.