ЯҢАЛЫКЛАР

26 гыйнварда Мәскәүдә ВДНХда Россия Хөкүмәте Рәисе урынбасары Виктория Абрамченко катнашында Экология көне узачак. Көн дәвамында илнең иң яхшы эко-практикалары презентациясе узачак. Халыкара күргәзмәгә килүчеләрне бу көнне бай мәгариф һәм мәдәни программа көтә. 

«Россия» күргәзмәсендә, «Туганнарыбыз – Яратканнарыбыз» Бөтенроссия гаилә форумы кысаларында «Россия династияләре» масштаблы конкурс программасы тәмамланды. Конкурс биш тректан торды: «Гаилә талантлары тамашасы», «Ватан белгечләре», «Буыннар бәйләнеше» Белем.Уены», «Гаилә рецептлары», «Бар эшкә дә уңган».

19 гыйнвардан Зәй районының «Шатлык» халыкка социаль хезмәт күрсәтү комплекслы үзәге белгечләре өйдә социаль хезмәтләр алучылар өчен Татарстан Республикасында Фәнни-технологик үсеш елына багышланган танып белү чаралары үткәрә башладылар.

23 гыйнварда «Туганнарыбыз – Яратканнарыбыз» форумы кысаларында «Россия» Халыкара күргәзмә-форумының төп сәхнәсендә «Россия йөрәге» гаилә учагы кабызылачак.

Югары Ослан өлкәннәр һәм инвалидлар өчен интернат-йортында ташландык материалдан аяк киеме ясау буенча мастер-класс узды. Бу технологияне учреждениедә узган ел сынап карадылар. Интернат-йортта яшәүчеләрнең берсе, 76 яшьлек Рәшит Кәлимуллин, хәтта ТР Хезмәт, халыкны эш белән тәэмин итү һәм социаль яклау министрлыгы ел саен ведомство карамагындагы стационар учреждениеләр арасында уздырган «Безнең төбәк осталары» республика конкурсында призер булды.

Бүген ВДНХда «Россия» Халыкара күргәзмә-форумы кысаларында 2024 елда «Һөнәре буенча иң яхшысы» Бөтенроссия һөнәри осталык конкурсын уздыру буенча оештыру комитеты утырышы узды. Чара видео-конференц-элемтә форматында узды.

Исегезгә төшерәбез, Татарстан Республикасы көне 2 декабрьдә узды. Чаралар күргәзмәнең биш мәйданчыгында узды. Республика Татарстанда гамәлгә ашырыла торган актив озын гомерлелекнең иң яхшы практикаларын күрсәтү буенча киң программа әзерләгән иде.

Илнең төп күргәзмәсендә традицион бөтенроссия «Теләкләр чыршысы» акциясе уза. Министрлыклар һәм ведомстволар вәкилләре, сәясәтчеләр, төбәк башлыклары һәм башка танылган шәхесләр балаларның теләкләрен үтиләр. Акция 2018 елдан бирле ел саен Владимир Путин кушуы буенча үткәрелә.

2 декабрьдә «Россия» Халыкара күргәзмә-форумына килүчеләр Татарстан Республикасы белән якыннан таныша алдылар. Чаралар күргәзмәнең биш мәйданчыгында узды. ВДНХ кунаклары татар гореф-гадәтләрен, җырларын һәм биюләрен, әкиятләрен күрделәр. Шулай ук Татарстанның төрле өлкәләрдәге казанышларын һәм төбәкнең туристик потенциалын тәкъдир иттеләр.

Алабуганың мөмкинлекләре чикле балалар һәм яшүсмерләр өчен «Астра» тернәкләндерү үзәге белгечләре Зөһрә Ишкиняева һәм Алина Софронова учреждение директоры Галина Калашникова җитәкчелегендә Мәскәүдә уза торган «Россия» Халыкара күргәзмә-форумында катнаштылар.