ЯҢАЛЫКЛАР
«Зур гаилә яллары» – 2024 елда башланган масштаблы бөтенроссия проекты. Ул Россиядә Гаилә елына багышланган. Проект гаиләнең төрле буыннарын берләштерүгә юнәлдерелгән. Бу гаилә белән бергә вакыт үткәрү, балалар һәм ата-аналар мөнәсәбәтләрен ныгытучы яңа традицияләр булдыру өчен бик яхшы мөмкинлек.
Россиядә Гаилә елы кысаларында Биектау районының «Өмет» халыкка социаль хезмәт күрсәтү комплекслы үзәгендә «Фемида» хоккей командасы ярдәме белән Балаларны яклау көненә багышланган зур бәйрәм узды. Чарада социаль хезмәтләр алучы 30 бала катнашты.
30 майда «Это у нас семейное» конкурсының округ ярымфиналы ачылды, анда Идел буе федераль округының 400гә якын гаиләсе катнаша. Татарстан Республикасы исеменнән 29 команда чыгыш ясый, тагын 3 команда элегрәк Мәскәүдә узган ярышларда катнашкан иде. «Россия – мөмкинлекләр иле» президент платформасының халык проекты чарасы 2 июньгә кадәр дәвам итәчәк.
Татарстанның Балтач районы «Наз» халыкка социаль хезмәт күрсәтү комплекслы үзәгенең социаль-тернәкләндерү бүлегендә психолог булып күпбалалы әни Елена Сидорова эшли. Елена һәм Сергей 17 ел бергә. Бу гаиләдә спорт өстенлекле. «Безнең девиз гади: сәламәт тәндә – сәламәт акыл», – диләр Сидоровлар.
30 майда Яр Чаллының «Ышаныч» халыкка социаль хезмәт күрсәтү комплекслы үзәге карамагындагылар өчен концерт булды.
Бүген Яр Чаллы шәһәрендә «Изгелек» инвалидларны тернәкләндерү үзәге базасында социаль хезмәтләр алучылар өчен генеалогик агач ясау буенча мастер-класс үткәрделәр. Чара Россиядә Гаилә елына багышланган.
Бу атнада, 1 һәм 2 июньдә, Татарстан башкаласында Зур гаилә яллары узачак.
Казан шәһәренең халыкка социаль хезмәт күрсәтү комплекслы үзәгенең Киров районындагы гаиләгә һәм балаларга социаль ярдәм бүлеге белгечләре социаль хезмәт күрсәтүдәге гаиләләр өчен «Күләгәләр уены» дигән интерактив дәрес үткәрделәр. Чара җаваплы ата-аналык, гаилә мөнәсәбәтләре культурасын үстерүгә юнәлдерелгән.
Социаль хезмәткәр Энҗе Гөбәйдуллина ире Илгиз һәм аның әти-әнисе белән гаилә агачын төзегән. Гөбәйдуллиннар гаиләсе Татарстан Республикасы Әлки районы Яңа Әнҗерә авылында яши.
Әлмәт шәһәренең «Ветеран» инвалидларны тернәкләндерү үзәгендә ачык гаилә / ата-аналар көне узды. Чара инвалид балаларның ата-аналары өчен мәгариф һәм мәдәният идарәсе белгечләре белән берлектә оештырылды.