ЯҢАЛЫКЛАР

Бүген Лениногорск районының «Исток–Башлангыч» халыкка социаль хезмәт күрсәтү комплекслы үзәге белгечләре Гаилә елы кысаларында мастер-класс оештырдылар. Чарада катнашучылар «Гаилә пирогы рецепты» мастер-классында бик теләп катнаштылар.

5 мартта Яр Чаллы шәһәренең «Изгелек» инвалидларны тернәкләндерү үзәгендә «Әйдәгез әле, әбиләр!» спорт-сәламәтләндерү чарасы узды. Чараның максаты – социаль хезмәтләр алучыларның актив ялын оештыру.

Бүген Казан дары заводында предприятиенең хезмәт коллективы белән очрашу булды. Чарада Татарстан Республикасы хезмәт, халыкны эш белән тәэмин итү һәм социаль яклау министры Эльмира Зарипова да катнашты.

2 март көнне Алексеевск районының «Кайгырту» балалар һәм яшүсмерләр өчен социаль приютында Әбиләр көне уңаеннан «Җан һәм йөрәк җылысы» уен программасы узды. Россиядә Гаилә елы кысаларында чараны тәрбиячеләр Елена Зверева һәм Наилә Дәүләтшина үткәрде. Ул традицион гаилә кыйммәтләрен пропагандалауга, балаларда өлкән яшьтәге кешеләргә хөрмәт тәрбияләүгә, коммуникатив күнекмәләрне һәм иҗади сәләтләрне үстерүгә юнәлдерелгән иде.

Россиядә Гаилә елы кысаларында Яшел Үзән шәһәренең «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендә Яшел Үзән үзәк район хастаханәсенең табиб-офтальмологы белән очрашу узды.

Россия Президенты Владимир Путин игълан иткән Гаилә елы кысаларында Чистайның «Юлдаш» өлкәннәр һәм инвалидлар өчен интернат-йортында сәламәтлек марафоны уздырды. Анда бөтен гаиләләр катнашты. Шулай ук «көмеш» волонтерлар җәлеп ителде.

29 февральдә Зәй районының «Шатлык» халыкка социаль хезмәт күрсәтү комплекслы үзәге базасында Татарстан Республикасы хезмәт, халыкны эш белән тәэмин итү һәм социаль яклау министры урынбасары Адель Мөбарәкшинның социаль яклау бүлегенең, Республика матди ярдәм (компенсацион түләүләр) үзәгенең 20 нче бүлекчәсенең, «Шатлык» үзәгенең, «Шатлык» социаль ярдәм үзәгенең, Зәй шәһәренең халыкны эш белән тәэмин итү үзәгенең хезмәт коллективлары белән эшлекле очрашуы узды.

Бүген Буаның өлкәннәр һәм инвалидлар өчен интернат-йортында «Аш-су клубы» түгәрәге дәресе узды. Чараны Россиядә Гаилә елына багышладылар.

Россия Президенты Владимир Путин игълан иткән Гаилә елы кысаларында айның һәр соңгы сишәмбесендә барлык сәламәтлек мөмкинлекләре чикле балалар һәм яшүсмерләр өчен тернәкләндерү үзәкләрендә һәм инвалидларны тернәкләндерү үзәкләрендә ачык гаилә / ата-аналар көннәре үткәрелә.

Ныклы гаилә - ул тормыштагы иң төп кыйммәт, ул мәхәббәт, зирәклек, үзара хөрмәт, җаваплылык, бер-берсенә тугрылык ныгытмасы, һәрвакыт дәүләт һәм җәмгыятьнең таянычы булып тора. Нәкъ менә гаиләдә кеше тирә-юньне, дөньяны танып белә, үз халкының рухи-әхлакый традицияләрен үзләштерә, туган илгә һәм якыннарына мәхәббәтне өйрәнә.