ЯҢАЛЫКЛАР

Балалар һәм ата-аналар мөнәсәбәтләрен җайга салу максатларында Казандагы халыкка социаль хезмәт күрсәтү комплекслы үзәге белгечләре психоэмоциональ травмалары булган балигъ булмаганнарга социаль-психологик ярдәм күрсәтү буенча «Һәркем мөһим» программасын гамәлгә ашыра.

РФ Президенты Владимир Путин 2024 ел Гаилә елы дип игълан ителү турында Указга кул куйды, ә октябрьдә без өлкән яшьтәге кешеләрне хөрмәтлибез. Өлкәннәр ункөнлеге кысаларында Яр Чаллы территориаль органы белгечләре Сафиннар (эчке базарны үстерү һәм координацияләү бүлегенең әйдәп баручы белгеч - эксперты Лилия Камалованың әти-әнисе) гаиләсенә кунакка бардылар, аларны бәйрәм белән котладылар. 

Россиядә Гаилә елы һәм Йөкле хатын-кызлар көне кысаларында Балтач районының Гражданлык хәле актларын теркәү бүлегендә «Үзем өчен вакыт» дигән чара узды. Чарага йөкле хатын-кызлар чакырылган иде. Катнашучыларга концерт номерлары, мәгълүмати әңгәмә, бала тууны теркәү буенча «Суперсервис» хезмәте эше белән танышу, мастер-класслар һәм башкалар тәкъдим ителде.

Россиядә Гаилә елы кысаларында Арча районындагы «Шәфкать үзәге» социаль хезмәт күрсәтү комплекслы үзәге ай саен кызыклы дәресләр, гадәти булмаган чаралар һәм җылы очрашулар үткәрә.

«Бәйләүче җеп» агарту программасы һәм Россиядә Гаилә елы кысаларында Минзәлә районы халыкка социаль хезмәт күрсәтү комплекслы үзәгендә «Гаилә кыйммәте» дигән темага дәрес үткәрелде. Чара Муса Җәлил исемендәге Минзәлә педагогика көллияте базасында узды. Дәрестә 22 студент катнашты.

Яр Чаллы шәһәрендә Муса Җәлил исемендәге үзәк шәһәр китапханәсендә «Минем гаиләм» мастер-классы узды. Россиядә Гаилә елына багышланган чарада «Ышаныч» халыкка социаль хезмәт күрсәтү комплекслы үзәгенең көндезге тору бүлеге карамагындагылар катнашты.

Россиядә Гаилә елы кысаларында «Шәфкать» халыкка социаль хезмәт күрсәтү комплекслы үзәге белгечләре, «Яшьләр дөньясы» яшьләр үзәге белгечләре һәм Баулы районының Татар Томбарлысы авылы мәдәният йорты хезмәткәрләре гаилә чарасы үткәрделәр.

Арча районындагы «Өмет чаткысы» мөмкинлекләре чикләнгән балалар һәм яшүсмерләр өчен тернәкләндерү үзәге Россиядә Гаилә елы кысаларында актив эш алып бара. Һәр айның соңгы сишәмбесендә учреждениедә ачык гаилә / ата-аналар көннәре үткәрелә, аларга район хакимияте, сәламәтлек саклау, мәгариф, мәдәният, спорт өлкәләре, халыкны эш белән тәэмин итү үзәге, социаль яклау һәм башка ведомство вәкилләре чакырыла.

Гаилә һәм традицион гаилә кыйммәтләре институтына ярдәм итүче «Әтиләр берлеге» бөтенроссия иҗтимагый оешмасы Россиядә Гаилә елы кысаларында «Отцовское признание» милли премиясен үткәрә.

24 сентябрьдә Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә чираттагы ачык гаилә/ ата-аналар көне узды. Чакырылган экспертлар социаль яклау, социаль фонд, мәшгульлек үзәге, мәдәният идарәсе һәм балалар поликлиникасы вәкилләре булды.