ЯҢАЛЫКЛАР

Россиядә Гаилә елы кысаларында 14 сентябрьдә Балтач районының «Сабантуй» ял паркында «Әти белән бергә» республика ярышларының сайлап алу туры узды.

12 сентябрьдә Зәй районы «Шатлык» халыкка социаль хезмәт күрсәтү комплекслы үзәгенең көндезге тору бүлегендә Россиядә Гаилә елы кысаларында Гаилә белән аралашу көненә багышланган викторина узды.

Социаль хезмәт алучы гаиләләргә нәтиҗәле ярдәм күрсәтү максатларында, шул исәптән балигъ булмаганнарның суицидаль тәртибен профилактикалауда, Казан шәһәренең халыкка социаль хезмәт күрсәтү комплекслы үзәгендә «Яшә. Сула. Хис ит» программасы гамәлгә ашырыла.

Яр Чаллының «Ышаныч» халыкка социаль хезмәт күрсәтү комплекслы үзәгенең көндезге тору бүлекчәсе карамагындагылар өчен концерт оештырдылар. Россиядә Гаилә елы кысаларында «Энергетик» мәдәният сарае солистлары социаль хезмәтләр алучылар өчен гаилә кыйммәтләренә багышланган программа әзерләгәннәр иде.

Россиядә Гаилә елы кысаларында Азнакай районындагы «Өмет» халыкка социаль хезмәт күрсәтү комплекслы үзәгенең социаль-тернәкләндерү бүлеге хезмәткәрләре социаль хезмәт алучыларны пазл җыю буенча уникаль гаилә чемпионатында катнашырга чакырды. Гаиләнең һәр әгъзасы үз сәләтләрен күрсәтә, зирәклеген үстерә һәм сәламәт көндәшлек атмосферасында берләшә алды.

Россиядә Гаилә елы кысаларында Балтач районында район башлыгы Рамил Нотфуллин күпбалалы әни Наталья Терентьевага балаларын лаеклы тәрбияләгәне өчен Татарстан Республикасының «Ана даны – Материнская слава» медален тапшырды.

Югары Ослан өлкәннәр һәм инвалидлар интернат-йортында төсле кәгазьдән аппликацияләр ясау буенча мастер-класс үткәрелде. Чараны Россиядә Гаилә елына багышладылар, шуңа күрә мәхәббәт һәм бер-береңә яхшы мөнәсәбәтне символлаштырган йөрәкләрдән һава шарлары ясарга булдылар.

Ютазы районыннан күпбалалы Гыйльметдиновлар гаиләсе Татарстан Республикасы Рәисе Рөстәм Миңнеханов һәм аның тормыш иптәше исеменнән үткәрелгән чарада катнашты. Чара республиканың иң яхшы гаиләләрен хөрмәтләүгә багышланган иде.

Яр Чаллының «Ышаныч» халыкка социаль хезмәт күрсәтү комплекслы үзәгендә менталь тайпылышлары булган инвалидларны социаль хезмәт белән тәэмин итүне оештыру буенча «Балта эше остаханәсе» проектын гамәлгә ашыру бара. Остаханәдә социаль хезмәт алучылар куллары белән даими рәвештә төрле сувенирлар, кул эшләре, агачтан эшләнмәләр ясала.

2023 елның 23 сентябрендә Түбән Кама гаиләләренең берсенең тормышы нык үзгәрде. Кыю һәм тәвәккәл татарстанлы Артем Г. контрак төзеп, махсус хәрби операциягә китте. Өйдә аны тормыш иптәше һәм ике баласы көтә.