ЯҢАЛЫКЛАР

Татарстанның «Чиста күк» проекты, Санкт-Петербург һәм Амур өлкәсеннән көндәш командалар проектларын узып, «Чиста һава» номинациясендә иң яхшысы дип танылды.

Чаллы шәһәренең 6нчы урта мәктәбендә 3нче сыйныф укучылары өчен калдыкларны икенчел эшкәртүгә һәм акыллы куллануга багышланган экологик дәрес узды. Дәресне ТР Экология министрлыгының Кама буе идарәсе хезмәткәре Юлия Маркелова әйләнә-тирә мохитне саклау буенча иҗтимагый инспектор Оксана Исмәгыйлова белән бергә үткәрде.

ТР Экология министрлыгының Көньяк-Көнчыгыш идарәсе инспекторлары Нурлат районының «Киләчәк» балалар иҗаты үзәгендә «Тере балчык» түгәрәгендә катнашучылар белән очрашу үткәрделәр.

Бүген А.И.Щеповских исемендәге XX Бөтенроссия фәнни-гамәли конференциясе кысаларында «Экологик баланс стратегиясе: табигатьне саклау өлкәсендәге агымдагы казанышлар һәм перспектив бурычлар» дигән пленар утырыш узды. 

Казанда 2025 елның 27-28 августында А.И.Щеповских исемендәге «Сәнәгать экологиясе һәм куркынычсызлыгы» XX Бөтенроссия фәнни-гамәли конференциясе узачак. Татарстан нефть-газ химиясе форумы-2025 кысаларында узачак юбилей форумы берьюлы берничә мөһим датага багышланачак: Анатолий Иванович Щеповскихның тууына 80 ел тулу, Идел-Кама биосфера тыюлыгына 65 ел тулу һәм Рус география җәмгыятенә 180 ел тулу.

1 июньнән Татарстан Республикасында «Экологик иминлек» илкүләм проектына ярдәм йөзеннән «Чиста һава» оператив-профилактик чарасы уза. Операция ТР Экология министрлыгы, ТР буенча ЭЭМ Дәүләт автоинспекциясе һәм ИФО буенча Ространснадзорның төбәкара территориаль идарәсе тарафыннан гамәлгә ашырыла.

ТР Экология министрлыгының Төньяк идарәсе инспекторлары Арча шәһәренең 10 нчы балалар бакчасы нәниләре өчен атмосфера күренешләренә багышланган мавыктыргыч дәрес үткәрделәр. Балалар әйләнә-тирә мохит турында күп яңалык белүләре белән беррәттән, «Салават күпере буйлап сәяхәт»тә дә катнаштылар. Сабыйларга болытларның ничек формалашуы, яңгырдан соң күктә салават күперенең ничек барлыкка килүе, җилнең кайдан килеп чыгуы һәм томанның ничек хасил булуы турында сөйләделәр. Саф һавада актив уеннар белемнәрне ныгытырга ярдәм итте. 

Татарстан Республикасы территориясендә ТР Экология министрлыгы Татарстан Республикасы буенча ЭЭМ Дәүләт автоинспекциясе һәм Ространснадзорның Татар УГАН белән берлектә «Чиста һава» операциясен дәвам итә, ул «Экологик иминлек» илкүләм проектына ярдәм йөзеннән уза. Контроль чаралар республиканың 23 районында узды инде.

Татарстан Экология министрлыгының Идел аръягы идарәсе инспекторлары күптән түгел Тәтеш шәһәренең «Малыш» балалар бакчасында булдылар. Үсеп килүче буын арасында экологик культураны үстерүгә юнәлдерелгән чаралар кысаларында белгечләр «Җир – безнең уртак йортыбыз» темасына мавыктыргыч һәм танып белү дәресен үткәрделәр.

Казанда ләм кырларын рекультивацияләү – 2025 елда ТР Төзелеш, архитектура һәм ТКХ министрлыгы гамәлгә ашыра торган экология өлкәсендәге бердәнбер объект. Ул «Экологик иминлек» илкүләм проектына кертелгән һәм күчмә булып тора.Казанда ләм кырларын рекультивацияләү – 2025 елда ТР Төзелеш, архитектура һәм ТКХ министрлыгы гамәлгә ашыра торган экология өлкәсендәге бердәнбер объект. Ул «Экологик иминлек» илкүләм проектына кертелгән һәм күчмә булып тора.