ЯҢАЛЫКЛАР
4 ноябрьдә Россиядә илнең һәр кешесенең күңеленә хуш килгән бәйрәм - Халыклар бердәмлеге көне билгеләп үтелә! Һәм аңа бер атна кала Татарстанга партнерларын — дус республикалар Төркия һәм Казахстанны республика көннәре белән котлау мөмкинлеге бирелде. Әлеге чараларда Татарстан Республикасының инвестицион үсеш агентлыгы җитәкчесе Талия Миңнуллина булды.
Арташ авыл җирлегебездә СВО га ярдәм итү дәвам итә. Шактый зур күләмле эшләр башкарылды. Бүгенге көндә сеть үрелә. Шушы изге эшкә үзләреннән өлеш керткән һәр кешегә олы рәхмәтләремне җиткерәм.Аеруча, "Ихлас" апаларына. Алар мобилизациянең беренче көннәреннән үк шушы җаваплы- саваплы эшкә алынган кешеләр...
Изге күңелле, тырыш, уңган-булган апалар, сезгә исәнлек-саулык , гаилә бәхете, балалар, оныклар игелеге, күңел тынычлыгы телим. Сез бердәм , дус-тату булып , аңлашып,ярдәмләшеп эшлисез.Сез безнең күпләребезгә-үрнәк өлгесе. Рәхмәт, барысы өчен дә.
Чарага бөтен Татарстаннан һәм якын төбәкләрдән 6 яшьтән 15 яшькә кадәрге 370тән артык яшь көрәшче җыелды.
Актаныш районында 2025 елның 28-30 октябрендә хокук бозуларны профилактикалау буенча Татарстан Республикасы Хөкүмәт комиссиясенең эш төркеме бу юнәлештә эшне оештыруны комплекслы өйрәнде. Күчмә чарада “Батырлар” республика программасы җиңүчесе Рөстәм Нигъмәтҗанов катнашты.
2025 нче елның 30 нчы октябрендә Югары Ослан муниципаль районы хакимиятендә хезмәтне саклау буенча Координация советының чираттагы утырышы булып узды. Анда районның муниципаль учреждениеләрендә эш урыннарында куркынычсызлыкны тәэмин итү мәсьәләләре каралды.
“Сердәшләр” игътибарына китапханәгә яңа гына кайткан, якташыбыз Нурания Гыйльметдинованың “Яшик әле, Теләче” китабы һәм “Сөембикә” журналының 10 нчы саны тәкъдим ителде. Аеруча журналда районыбыз горурлыгы, Татарстан Республикасының атказанган мәдәният хезмәткәре, ветеран хезмәттәшебез Фаягөл апа Фәтхуллина турындагы мәкалә күңелләрдә соклану хисләре уятты.
«Радуга» балалар бакчасында рус телле тәрбиячеләрнең һөнәри осталыгы буенча VII Республика конкурсының муниципаль этабы узды.Талантлы алты катнашучы төрле номинацияләрдә, шул исәптән «Мин сине кызыклы уенга өйрәтәм», «Мин шәхес» һәм «Сәнгать номеры» номинацияләрендә татар телен белү күнекмәләрен күрсәттеләр.
2025 елның 29 октябрендә «Батыр» спорткомплексында 2014-2016 һәм 2012-2013 елларда туган малайлар арасында Халыклар бердәмлеге көненә һәм Татарстан Республикасы Конституциясе көненә багышланган мини – футбол буенча Теләче муниципаль районы Беренчелеге үткәрелде. Ярышларда 7 команда катнашты.
Теләче балалар китапханәсендә «Әбиебез бабай янәшәсендә» дип исемләнгән дусларча очрашу булып узды. Бу чарада балалар үзләренең әби һәм бабайлары турында сөйләделәр, аларга булган мәхәббәтләрен һәм хөрмәтләрен белдерделәр. Аннары аларга бүләкләр ясауга керештеләр. Үз кулларың белән ясалган бүләктән дә күңеллерәк нәрсә була ала? Котлау открыткасы яки кул эше — әби-бабаларыбыз өчен искиткеч бүләк булачак. Балалар өчен үзләре ясаган бүләкне тапшыру — чын ләззәт, чөнки ул аларның мәхәббәтен һәм игътибарын чагылдыра. Бу көнне олы яшьтәге кешеләргә аеруча сизгер булу, аларга рәхмәт әйтү һәм күңелле сюрпризлар ясарга тырышу мөһим. Шул рәвешле, без бу бәйрәмне билгеләп үтү белән гаилә бәйләнешләрен ныгытабыз һәм бер-беребезгә булган мәхәббәтебезне арттырабыз.