ЯҢАЛЫКЛАР
Халык авыз иҗатында табышмаклар аерым урын тота, чөнки алар зиһенне баетуда, акыл сәләтен үстерүдә һәм уйлау — фикерләүне тирәнәйтүдә зур әһәмияткә ия. “Отканга — мәкаль, тапкырга — табышмак” дигән әйтем дә бу хакта сөйли. Табышмаклар мең еллар дәвамында сакланып килгән, аларда предметның үзенчәлекләре, сыйфатлары ярдәмендә җавап табу мөмкинлеге бирелә. 19 ноябрь көнне Олы Мәтәскә авылы мәдәният хезмәткәрләре «Табышмак әйтәм-беләсеңме?» дигән мәдәни чара үткәрделәр. Чарада катнашучы укучылар “Шигъри табышмаклар”, “Шаян табышмаклар”, “Сорау табышмаклар”, “Арифметик табышмаклар” һәм “Әкият” геройлары турында кызыклы табышмакларга җавап бирүдә катнаштылар. Табышмаклар ярдәмендә халык авыз иҗатының байлыгын һәм фольклорның әһәмиятен аңлау мөмкинлеге туды. Чара, шулай ук, яшь буынга халык мәдәниятен һәм традицияләрен танытуга ярдәм итте.
Әдәби батлда иң актив һәм талантлы яшь укучылар ярышты, алар үзләренең әдәби белемнәрен һәм иҗади сәләтләрен күрсәттеләр. Чара барышында катнашучылар яшүсмерләр арасында иң популяр булган китаплар турында мәгълүмат алдылар. Викторина сораулары классик һәм заманча әсәрләрне үз эченә алды, һәр команда үзләренең белемнәрен сынап карады. Шулай ук укучылар яраткан әсәрләре турында сөйләшеп, үзләренең тәэсирләре белән уртаклаштылар.
Олы Мәтәскә урта мәктәбендә “Теләче” спорт мәктәбе 2011 нче елда туган һәм аннан да яшьрәк егетләр арасында көрәш буенча интернациональ сугышчы Миннегали Ногманов истәлегенә Теләче муниципаль районы беренчелеге уздырды. Әлеге ярышлар традиция буенча Олы Мәтәскә урта мәктәбе коллективы белән берлектә 30 тапкыр уздырыла.
30 ноябрь көнне Яңа Мичән авыл клубында үзенә бертөрле күңел күтәренкелеге хөкем сөрде: бирегә әниләр, әбиләр, апалар, яшь әниләр - Әниләр көнен билгеләп үтәргә җыелды.
Бәйрәмгә авыл үзешчәннәре матур эчтәлекле чын бүләк, мәхәббәт һәм җылылык белән тулы концерт номерлары әзерләделәр. Сәхнәдән яңгыраган һәр музыкаль композиция, һәр шигырь, һәр елмаю әниләргә - җир йөзендәге иң кадерле кешеләргә, тормыш бүләк итүчеләргә, аны саклаучыларга багышланды.
Әниләр һәм тамашачылар өчен бүләк булган әлеге концертны оештыручыларга һәм анда катнашучыларга зур рәхмәтебезне белдерәбез.
Иске Мичән мәдәният йортында Әниләр көне уңаеннан " Әни- минем тәүге сүзем" исеме астында бәйрәм концерты куелды. Бәйрәмгә авылыбызның махсус хәрби операциядә катнашучыларның әниләре, гаиләләре һәм якыннары олы кунаклар буларак чакырулы иде. Залда утыручы барлык әниләрне Мичән авыл җирлеге башлыгы Гәрәев А.А.кайнар тәбрикләп, изге теләкләрен җиткерде.
2025 нче елның 1 нче һәм 2 нче декабрендә Сарманда "Ел укытучысы-2026" һөнәри осталык конкурсының муниципаль этабы узды. Җәлил гимназиясен химия һәм биология укытучысы Замаева Луиза Назыйр кызы тәкъдим итте. Сынаулар ике көн үтте.
Яңа Мичән "Каенкай" балалар бакчасында әниләр көне уңаеннан "Әнием-кадерлем" дип исемләнгән бәйрәм иртәсе булып узды. Балалар әниләренә булган ярату хисләрен шигырьләр, җырлар, биюләр аша аңлаттылар.
Сентябрь башланганнан бирле Татарстан Республикасында грипп һәм ОРВИ белән авыручыларның сезонлы артуы күзәтелә. Ноябрьнең соңгы атнасында авыручылар күрсәткече 10 мең кешегә исәпләгәндә 34,3 тәшкил итте. Авыру дәрәҗәсе эпидемия бусагасыннан 15,7%ка түбән кала. Бу хакта бүген ТР Хөкүмәте Йортында узган брифингта Роспотребнадзорның Татарстан буенча идарәсе җитәкчесе Марина Патяшина хәбәр итте.
Саба муниципаль районының инфраструктура үсеше бүлеге яшьләр үзәге төзелеше барышы турында хәбәр итә
Форумның икенче көне стратегик планлаштыру һәм студентлар мохитеннән перспектив проектларны тәкъдим итү билгесе астында узды.