ЯҢАЛЫКЛАР
Үзебезнең Max мессенджерының яңа функцияләре турында сөйлибез!
MAX кулланучылары хәзер мәдәни вакыйгаларга билетларны кушымта эчендә яңа төзелгән сервис ярдәмендә тиз таба һәм сатып ала алачак. Бары тик мессенджерны ачасыз, театрлар, музейлар һәм кинотеатрларның тәкъдим ителгән афишаларыннан кирәкле вакыйганы сайлыйсыз һәм «Госуслуги Культура»мини-кушымтасын кулланып онлайн билет сатып аласыз.
Татарстан халкы республиканың социаль министрлыклары эшенә турыдан-туры йогынты ясый ала. ТР Дәүләт хезмәтләре порталында 4 декабрьгә кадәр ачык тавыш бирү уза, анда һәркем киләсе елга хакимиятнең өстенлекле бурычларын билгели ала.
Юл-транспорт һәлакәтләре корбаннарын искә алу көне ел саен ноябрьнең өченче якшәмбесендә билгеләп үтелә. Бу көнгә Тимершык авылында МББУ «Тимершык урта мәктәбе» киңәшчесе Хантимирова А.М. белән берлектә «Без юл-транспорт һәлакәтеннән башка»социаль-профилактик акция үткәрделәр. «Светофор» ЮИД отряды укучылары машина йөртүчеләргә юл хәрәкәте кагыйдәләрен үтәүнең мөһимлеген искә төшерделәр.
«Без юл-транспорт һәлакәтеннән башка» акциясе җәмәгатьчелек игътибарын юлларда куркынычсызлыкны тәэмин итүгә, юл хәрәкәтендә катнашучыларның үз-үзләрен тоту культурасын күтәрүгә һәм юл-транспорт һәлакәтендә үлүчеләр санын һәм имгәнүләрне кисәтүгә юнәлдерелгән.
Машина йөртүчеләрнең иң киң таралган юл йөрү кагыйдәләрен бозулары арасында-тизлекнең конкрет шартларга туры килмәве, каршы як хәрәкәт полосасына чыгу һәм исереклек билгеләре булган транспорт чарасы белән идарә итү.
Яшь инспекторлар машина йөртүчеләргә игътибарлы булырга, автомобильнең техник торышын күзәтергә, юл вәзгыятен контрольдә тотарга, юл йөрү кагыйдәләрен үтәргә өнди.
2026 елның 1 гыйнварыннан пенсия билгеләү һәм түләү буенча законнар җыелмасына кертелгән үзгәрешләр биш һәм аннан да күбрәк баланы яшь ярымга җиткәнче карау чорын ата-аналарның берсенең иминият стажына кертеп исәпкә алырга мөмкинлек бирә, балаларның бишенчесе һәм аннан соңракларына һәрберсе өчен 8,1 балл өстәлә.
24 ноябрь көнне «Гастрономик культура» программасын гамәлгә ашыру кысаларында Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә ашханә этикеты күнекмәләрен формалаштыруга юнәлдерелгән «Могҗизалар кыры» уены узды.
2025 елның 15 ноябрендә МББУ «Саба урта гомуми белем бирү мәктәбе» һәм МББУ «Килдебәк урта гомуми белем бирү мәктәбе»дә «КЭС-БАСКЕТ» мәктәп баскетбол лигасының муниципаль этабы финалы булды.
Егетләр арасында каты көрәштә беренче урынны МББУ «Тимершык урта мәктәбе» командасы алды, алар бик яхшы команда уены һәм индивидуаль осталык күрсәттеләр. Икенче урынны МББУ «Саба урта гомуми белем бирү мәктәбе» командасы алды, алар шулай ук югары әзерлек һәм җиңүгә омтылыш күрсәттеләр. Өченче урынны МББУ «Икшермә КШИ» командасы алды, алар бронза өчен матчта үзләрен яхшы яктан күрсәттеләр.
Кызлар арасында беренче урынны МББУ «Тимершык урта мәктәбе» командасы яулады, алар спорт осталыкларын гына түгел, рухи көчләрен дә күрсәттеләр. Икенче урынны МБМУ «Саба гимназиясе» командасы алды. Өченче урынны МББУ «Сатыш урта мәктәбе» командасы алды. Җиңүчеләргә һәм призерларга дипломнар һәм акчалата бүләкләр тапшырылды.
«КЭС-БАСКЕТ " мәктәп баскетбол лигасының муниципаль этабы җиңүчеләрен һәм призерларын котлыйбыз.
"Изгелек" хезмәткәрләре өлкәннәргә кышка әзерләнергә ярдәм итә
Бу юлы семинар Кукмара районы белгечләре өчен үткәрелә
Арча районы «Өмет чаткысы» мөмкинлекләре чикләнгән балалар һәм яшүсмерләр өчен тернәкләндерү үзәгенең педагог-психологы Айзилә Заһидуллина тәрбияләнүчеләр белән «Мин һәм минем хисләрем» дигән тематик әңгәмә үткәрде. Чара Халыкара толерантлык көненә багышланган иде һәм балаларда дөньяның төрлелегенә хөрмәт тәрбияләүгә, үз хис-кичерешләрен һәм әйләнә-тирәдәгеләрнең хис-кичерешләрен аңлау күнекмәләрен үстерүгә юнәлдерелгән иде.