ЯҢАЛЫКЛАР
13 ноябрьдә Бөтендөнья игелек көне билгеләп үтелә. Әлеге дата уңаеннан Теләче районы «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Фәния Гайнетдинова «Игелек китап дөньясында» дигән темага дәрес үткәрде.
Татарстанда планета китап сканерларын сатып алуга 22,3 млн сум юнәлтергә планлаштыралар. Бу җайланма республика муниципаль архивларыннан ярдәм алу конкурсында җиңүчеләр өчен приз булып тора.
2025 елның 14 ноябрендә Нармонка мәктәбе укучылары , укытучылары һәм ата-аналары ел саен үткәрелә торган «Татарча диктант» бөтендөнья белем бирү акциясенә кушылдылар.
14 ноябрь көнне « Советлар Союзы Герое А.А. Казаков исемендәге Александровка төп гомуми белем бирү мәктәбе»ндә ел саен үткәрелә торган" Татарча диктант 2025 "белем бирү акциясе узды.
Бүген Татарстанда «Татарча диктант»Бөтендөнья акциясе узды. Укытучыларыбыз да бу акциядә Җәлил мәдәният йортының офлайн-мәйданчыгында катнаштылар.
Акциянең төп максаты-татар теленә һәм мәдәниятенә игътибарны җәлеп итү, бөтен дөньяда яшәүче татарларны берләштерү, тел белемен тикшерү, әдәби татар телен кулланучылар даирәсен киңәйтү һәм татар теленә мәхәббәт тәрбияләү.
Быел «Татарча диктант» акциясе унынчы мәртәбә уздырыла һәм күренекле галим, мәгърифәтче Каюм Насыйриның 200 еллыгына багышлана. Акция бүген Татарстан Республикасында, Россия Федерациясендә һәм чит илләрдә яшәүче ватандашларны берләштерүче мөһим проектларның берсе булып тора.
13 ноябрьдә Татарстанда «ТурПрофи» туристлык волонтерлары өчен профильле смена тәмамланды. Республика хакимияте ярдәме белән оештырылган чарада 70 студент катнашты, алар тармак экспертларыннан лекцияләр тыңлады һәм туризмда ясалма интеллект куллану күнекмәләрен алдылар.
11 ноябрьда Саба муниципаль район Советының чираттагы утырышы булып узды. Аның эше белән район Советы рәисе Рәис Нургалиевич Миңнеханов җитәкчелек итте. Утырышта 2026 елга hәм 2027-2028 елларның планлаштырган чорына район бюджеты проекты беренче укылышта каралды. Доклад белән районның Финанс-бюджет палатасы рәисе Ш.Ә Сөнгатов чыгыш ясады.
Көнкүреш булмаган калдыкларны чүп контейнерларына салу яки алар янында калдыру тыела-моның өчен 2 000 сумнан штраф каралган. Шуңа күрә мондый калдыкларны мөстәкыйль рәвештә утильләштерергә кирәк.
«Честный Знак» мобиль кушымтасы товарларның сыйфаты һәм куркынычсызлыгының чын халык стандартына әверелде. Проектның колачы шаккатыргыч дәрәҗәгә җитте: аны бөтен Россия буенча 20 миллионнан артык кеше актив куллана. Гомумән алганда кулланучылар «Гадел билге»кодларын сканировкалау аша 200 миллионнан артык товар тикшерүе уздырган.
Алабуга районының «Ышаныч» халыкка социаль хезмәт күрсәтү комплекслы үзәгендә өйдә социаль хезмәтләр алучы, тыл хезмәтчәне Александра Фәхретдинова 100 яшен билгеләп үтте. Аны юбилее белән котларга Ветераннар советы, мәгариф идарәсе вәкилләре, озак еллар эшләгән мәктәпнең укучылары һәм килде. хезмәттәшләре