ЯҢАЛЫКЛАР
12 апрель көнне Тугаш авыл мәдәният йортында балалар өчен "Безгэ 70 төрле һөнәр дә аз!" исемле бильярд һәм шашка уеннары үтте.
ХАТ ТАШУЧЫЛАРНЫ БҮЛӘКЛӘР КӨТӘ “ТАТМЕДИА“ ачык акционерлык җәмгыяте, “Татарстан почтасы“ элемтә бүлекчәләре, хат ташучылар арасында, 2017нче елның икенче яртыеллыгына “ТАТМЕДИА“ газеталары һәм журналларына яздыру буенча конкурс игълан итте.
Яңа Чишмә муниципаль районы территориясендә кече һәм урта эшмәкәрлеккә арендага биреп тору өчен буш мәйданнар бар.
Татарстанда 15 апрельдән 14 майга кадәр зур йөк транспорты хәрәкәтенә чикләү кертелә
Министрлыкта фәнни-техник совет утырышы булды, анда перспективалы берничә фәнни-җитештерү эшкәртмәләрен, шул исәптән “Татарстан Республикасында уңыш бирүчәнлекне арттыру өчен кыр саклагыч урман полосаларын булдыру һәм яңадан торгызу” проектын карадылар. Бу программа республикадагы уңдырышлы авыл хуҗалыгы җирләренең халәтен яхшыртуга юнәлдерелгән. Проектны эшләү турыдан-туры Татарстан Республикасының Социаль-икътисади үсеш стратегиясенә бәйләнгән.
“Кыр саклагыч утыртмаларны булдыру һәм яңадан торгызу көзге-кышкы чорда туфракта дым туплануны яхшыртырга мөмкинлек бирәчәк, чөнки алар кар тоту, ягъни кар катламын кырларга бертигез яткыру вазыйфасын башкара, туфрактагы туң тирәнлеген киметә, аның дым сеңдерүчәнлеген арттыра. Моннан тыш, андый утыртмалар белән сакланучы кырларда үстерелүче культуралар, ачык урыннардагы белән чагыштырганда, уңышны 15-20 процентка артыграк бирергә сәләтле. Кыр саклагыч урман утыртмаларының роле коры җилләрдән саклауда да бәяләп бетергесез, туфракның кибүенә юл куймыйлар һәм авыл хуҗалыгы җитештерүенең нәтиҗәлелегенә турыдан-туры тәэсир итәләр”, – дип билгеләп үтте үз чыгышында ТР Авыл хуҗалыгы һәм азык-төлек министрлыгының җир һәм мөлкәт мөнәсәбәтләре бүлеге башлыгы А.И. Дружин.
ТР урман хуҗалыгы министрының беренче урынбасары Ә.Н. Бәдертдинов, үз чиратында, бу теманың Татарстан Республикасы өчен көн кадагында торуын өстәде: “Республиканың агросәнәгать төбәге булуын исәпкә алып, аграр секторга аерым игътибар бирелә. ТР Урман хуҗалыгы министрлыгына буйсынучы учреждениеләр дә, тиеше финанс бүлеп бирелгән очракта, кыр саклагыч утыртмалар булдыру буенча эш башкаручылар булырга әзер. Бу максатларны гамәлгә ашыру өчен кирәкле техника һәм киң ассортиментта утырту материалы бар. Ләкин әлеге проблемаларны хәл иткәндә шуны онытмаска кирәк: булдырылган саклагыч утыртмаларның күп кишәрлекләре кадастр исәбенә куелмаган. Алга таба алардан файдалануда бу кайбер кыенлыклар тудыра. Бу уңайдан ТР Авыл хуҗалыгы һәм азык-төлек министрлыгына, ТР муниципаль берәмлекләренә, ТР Урман хуҗалыгы министрлыгы белән бергәләп, бу кишәрлекләрне кадастр исәбенә кую буенча гамәлләр алгоритмын төзергә тәкъдим итәм”.
Бу проектны утырышта катнашучылар барысы да хуплады, башка дәүләтләрнең бу юнәлештәге уңай тәҗрибәсен өйрәнергә кирәк, дигән тәкъдим дә кертелде.
Татарстан республикасының хайваннар дөньясы объектларын саклау һәм файдалану Идарәсе хәбәр итә: 2017 елның 11 һәм 12 апрелендә Идарә , язгы ау чорын ачу сораулары буенча,чыгыш киңәшмәләре уздырды.
Киңәшмәләрдә язгы ау чорында Ау кагыйдәләрен саклауны тикшерү сорауларына, киләсе “Уылдык чәчү”чарасына, ә шулай ук Татарстан Республикасы территориясендәге аучылык биләмәләрендә ау хайваннарын саклау һәм үрчетү буенча чаралар уздыруга игътибар юнәлтелде.
Идарә, Татарстанда 2017 елның язгы ау чоры 22 апрельдән алып 1 майга кадәр дәвам итүе турында, хәбәр итә.
Барыгызны да, Ау кагыйдәләре белән билгеләнгән, язгы ау режимын тотуны сорыйбыз.
Чор тәмамланганнан соң, “Табылган аучылык байлыклары һәм аларның саны турында мәгълүмат” таблицасын тутырып, рөхсәтнамәдә күрсәтелгән соңгы ау вакыты тәмамланган көннән алып, 20 көн эчендә рөхсәтнамә алган урынга җибәрегез.
12 апрель көнне Үрәзмәт авыл мәдәният йортында космонавтика көненә карата укучылар белән "Гагарин - беренче космонавт" исемле кичә булып узды. Кичә хәрәкәтле уеннар белән төгәлләнде.
Казанда "Яхшыдан-яхшы" проекты кысаларында "Йолдызлы симфония" II Халыкара конкурс-фестивале булып узды. Анда Кама Тамагы музыка мәктәбендә шөгыльләнүчеләр ктнашты. "Эстрада вокалы" номинациясендә "Аллегро" вокаль ансамбле II дәрәҗә, Аполлинария Лазарева III дәрәҗә лауреат исеменә лаек булды.
Халыкның тормыш дәрәҗәсен арттыру, хезмәт, чит ил хезмәткәрләрен җәлеп итү мәсьәләләре буенча Республика комиссиясе катнашлыгы ярдәмендә эш бирүчеләр хезмәткәрләренә бурычларын кайтаруын дәвам итә.
Мин хәрби булырга телим, тик мине өйрәтсеннәр.