ЯҢАЛЫКЛАР
Алексеевск ГХАТбулеге хезмәткәрле шушы акциядә актив катнашты, битараф калмады.
14 апрельдә ГХАТ булеге мөдире район ижтимагый оешмалары вәкилләре белән кинәшмә уткәрде. Суз барышында “ районда язгы игелек атнасы “ темасына багышланган әнгәмә корылды, планнар төзелде .
Туган тел көнендә Пәрәү авылы китапханәсе "Тукай безнең йөрәкләрдә" әдәби-музыкаль кичәсе үткәрде. Әлеге чарага күргәзмә оештырылган, анда шагыйрь биографиясе турында китаплар, аның әсәрләре һәм татар милли культурасы предметлары куелган.
“Музей язы” акциясе кысаларында 26 апрельдә Г.Р.Державин исемендәге Лаеш ягы музеенда “Барысы да мәхәббәттән башлана...” шигърият кичәсе булды. Очрашуда өлкән буын кешеләренә мәхәббәтнең төрле формалары: әти-әни мәхәббәте, эшкә мәхәббәт, ватанга мәхәббәт һәм ир-ат белән хатын-кыз арасындагы мәхәббәт турында сөйләделәр. Кунаклар белән бергәләп мәхәббәт темасына шигырьләр укылды һәм җырлар җырланды.
2017 елның 26 апрелендә Лаешның “Рябинка” балалар бакчасында Габдулла Тукай туган көнгә багышланган чара узды. Бу вакыйганы барысы да түземсезләнеп көтте. Тукай әсәрләре күргәзмәсе оештырылган иде. Балалар бакчасының тәрбияләнүчеләре дә, хезмәткәрләре дә әкият һәм балалар шигырьләре геройларына әверелде. Балалар шигырьләр сөйләделәр, җырлар җырладылар, татар шагыйре һәм язучысы тормышы турында кызыклы презентация карадылар. Аларның шатлыгының чиге юк иде!
Столбищеның "Сказка" балалар бакчасында Г.Тукай туган көненә багышланган бәйрәм булды. Атаклы авторның әсәрләре буенча костюмлаштырылган матур тамаша барлык балаларны һәм балалар бакчасы хезмәткәрләрен кызыксындырды.
Мазут яндырганда, атмосфера һавасының пычрануына юл куярга ярамый. ТЭЦларда экономияләү максатында әлеге ягулыкны файдалану тыела. Бары тик авария очракларында гына кулланырга ярый, аннан соң экологиягә йогынты компенсацияләнергә тиеш. Бүген Түбән Камада бу турыда Татарстан Республикасы экология һәм табигый байлыклар министры Фәрит Габделганиев хәбәр итте. Министр рәислегендә Түбән Кама сәнәгать челтәрен үстергәндә экологик куркынычсызлыкны тәэмин итү буенча ведомствоара эш төркеменең чираттагы утырышы узды.
Татарстан нефть химиясе комплексы предприятиеләре 2017 елның беренче кварталында 304 млрд. сумга продукция чыгардылар. Бу хакта «Татнефтехиминвест-холдинг» ААҖ Директорлар советы утырышында холдинг генераль директоры Рафинат Яруллин хәбәр итте. Утырыш Татарстан Республикасы Президенты рәиселегендә ТР Хөкүмәте Йортында узды.
Казанның 100нче мәктәбе укучылары традицион мәктәп өмәсенә пионерлар сафы булып тезелеп кителәр. Резин перчаткалр, чүп капчыклары һәм табигатькә ярдәм итәргә көчле теләк – янәшәдәге урман территориясен тәртипкә китерү өчен шулар җитте. 250 укучы бердәм экологик отряд оештырган, аларга Татарстан Республикасы Экология һәм табигый байлыклар министрлыгының Үзәк территориаль идарәсе инспекторлары да кушылды.
Татарстанның Сәламәтлек саклау министрлыгында Татарстан Республикасы Министрлар кабинеты карамагындагы СПИД белән көрәшү буенча ведомствоара комиссиянең утырышы видеоконференция тәртибендә булды. Утырышның көн тәртибендә авыруларны профилактикалау һәм сәламәт яшәү рәвешен формалаштыру буенча «2020 елга кадәр Татарстан Республикасы сәламәтлек саклавының үсеше» дәүләт программасын гамәлгә ашыру мәсьәләләрен карап тикшерделәр.
Тренинг барышында наркология диспансерының миссиясе төгәл итеп формалаштырылды, корпоратив мәдәният элементлары билгеләнделәр. Йөкләмәләрне үтәү барышында тренинг катнашучылары һәм оешманың җитәкчесе шушы моментка команда эшенең дәрәҗәсен билгели алдылар. Тренинг йомгаклары буенча командада үзара булышуны камилләштерүнең кирәклеге турында һәр катнашучы фикер өйтте. Пациентлар һәм коллегалар белән нәтиҗәле үзара йогынты ясауның техникаларына хезмәткәрләр өйрәнделәр.