ЯҢАЛЫКЛАР
«Георгий тасмасын» тагу халкыбызның бердәмлеген искәртеп тора. “Георгий тасмасы”, сугыш кырларында ятып калганнар турында хәтер яңарту йөзеннән, Бөек Җиңү көне алдыннан оештырыла.
Әлеге патриотик акцияне, тәүге мәртәбә, Балык Бистэсе муниципаль районынын башкарма комитетынын ЗАГС булеге хезмэткэрлэре уздырды.
05.05.2018
Масштаблы җыештыру эшләре, агачлар утырту, экологик мастер-класслар, иҗат һәм спорт мәйданчыклары. Бүген Казанның Ишкәкле спорт төрләре үзәгендә Үзәкләштерелгән өмә узды. Табигать саклау акциясендә Татарстан Республикасы Президенты Рөстәм Миңнеханов, ТР экология һәм табигый ресурслар министры Александр Шадриков, ТР урман хуҗалыгы министры Равил Кузюров, ТР Президенты, Министрлар Кабинеты һәм Дәүләт Советы Аппаратлары хезмәткәрләре катнашты.
Күп фатирлы йортларга һәм социаль-мәдәни объектларга капиталь ремонт буенча республика программаларын гамәлгә ашыруның барышы турында бүген Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры Алексей Песошин да катнашты.
Республика буенча традицион “Агач утырту” табигать саклау акциясе узды. Бүген әлеге акция республикада яшәүче, урманнарны торгызу идеясенә битараф калмаган 30 меңнән артык кешене берләштерде. Халык урманнарга, урман паркларына һәм аллеяларга агач утыртырга, торак территорияләрне төзекләндерергә дип чыкты.
Әлеге чараның максаты республикадагы урман ресурсларын үрчетүдән, гражданнарда урманга карата сакчыл мөнәсәбәт тәрбияләүдән, җәмгыятьне аны саклау проблемаларына җәлеп итүдән, экологик торышны һәм халыкның яшәеш тирәлеген яхшыртудан гыйбарәт.
Үзәк чара Казанда – Идел буе районындагы “Ишкәкле спорт төрләре үзәге” спорт комплексы территориясендә узды. Татарстан Республикасы Президенты Рөстәм Миңнеханов шәхсән катнашында “Урман утырту көне” табигать саклау акциясенә теләктәшлек күрсәтте. Республика лидеры урман хуҗалыгы министры Равил Кузюров белән берлектә зәңгәр чыршы агачларын утыртты.
Акциядә шулай ук Татарстан Республикасы Президенты Аппараты, Татарстан Республикасы Министрлар Кабинеты Аппараты һәм Татарстан Республикасы Дәүләт Советы Аппараты вәкилләре дә катнашты. Бу көнне гади чыршы, чәнечкеле зәңгәр чыршы, кедр, кәстәнә, гади нарат, кабарчык орлык, тау нараты, карагач, имән, миләш, балан, кара миләш, барбарис, айва, сирин, тал кебек 400 данә күләмендә агач һәм куак төрләре утыртылды.
Акция кысаларында барча республика буенча 600 гектардан артык мәйданга 2,5 миллионнан артык яшь үсенте утыртылды.
Әлмәт территориаль бүлеге инспекторлары Казан – Оренбург юлында ветеринария белешмәсе булмаган килеш 9 баш эре мөгезле терлек бозауларын ташу очрагына юлыккан. Гаеплегә карата штраф каралган.
4 нче май көнне район больницасы хезмәткәрләре Лаеш районында узган “Сәламәтлек – 2018” Спартакиадасында катнаштылар.
2014 нче елда районның “Бердәм Россия” партия проекты үз партияләренең паркын утыртырга булдылар.
Җиңү бәйрәме алдыннан уза торган чаралар һәр кешенең игътибарын үзенә җәлеп иттеләр.
Югары Ослан авыл җирлегендә санитар-экологик 2 айлык кысаларында язгы яшелләндерү эшләре дәвам итә.