ЯҢАЛЫКЛАР
29 июньдә Тикшерү комитетының Яшел Үзән бүлегендә халыкны кабул итәләр.
Бүген, 22 июньдә илебез Хәтер һәм кайгы көнен билгеләп үтә. Шушы көнне фашистлар илебезнең чиген үтеп, тыныч халыкны бомбага тота башлады.
"Кызыл канәфер" ("Красная гвоздика") ул – һәлак булган геройлар истәлеге һәм бүгенге көндә исән булган сугыш ветераннарына рәхмәт символы.
Район җитәкчесе Энгель Нәвап улы Фәттахов “Татар кызы” бәйгесенә махсус исемләнгән тугра эшләтеп бүләк итте. Татар халкын бар дөньяга танытуда һәм татар телен саклауда эш-гамәлләре белән дә, яшәү рәвеше белән дә үрнәк җитәкченең олуг бүләге бәйге барышының иң кульминацион өлеше булды. “Татар кызы” бәйгесенең хәзер үз мөһере, гербы – туграсы бар. Әлеге тарихи истәлекле бүләк өчен бәйгене оештыручылар Энгель Нәвап улына һәм Актаныш халкына ихлас рәхмәтләрен белдерделәр.
-Терлек азыгы җыюда эшләүче комбайнчыларга хезмәткә түләү һәм кызыксындыру чараларын район буенча үзгәртү кирәк. Аларның хезмәте терлек азыгын сыйфатлы әзерләүдә хәлиткеч роль уйный, - дип, район җитәкчесе Энгель Нәвап улы Фәттаховның 19 июнь көнне терлек азыгы әзерләү буенча үткәрелгән семинар-киңәшмәдә әйткән фикере җитәкче-белгечләрдә хуплау тапты.
25е чыгарылыш көнендә сыра һәм спиртлы эчемлекләрне сату тыела.Бу балаларның әти-әниләре белән килешенү нәтиҗәсендә гамәлгә куелды.
Татарстан Республикасы Президенты Рөстәм Миңнеханов тиешле ведомстволарга Зәйдә торак йортта газ баллоны шартлаганнан соң булган хәлләрне аерым контрольгә алырга кушты.
Рөстәм Миңнеханов шартлау сәбәпләрен ачыкларга, шартлау аркасында килгән зыян күләмен бәяләргә, шулай ук зыян күргән гражданнарга кирәкле ярдәм күрсәтергә кушты.
1 июльдән Әлмәттә Шишкин урамы буенча бер яклы хәрәкәт оештырылачак (Совет урамыннан алып Барудига кадәр). Транспорт чаралары юнәлеше Совет урамыннан алып Барудига кадәр урнаштырыла.
Зәйдә газ баллоны шартлау нәтиҗәсендә зыян күрүчеләр бар. Ярдәм сорап табибларга 2 кеше мөрәҗәгать итте, аларның халәте канәгатьләндеререлек дип бәяләнә, кирәкле медицина ярдәме күрсәткәннән соң аларны амбулатор дәвалануга җибәрделәр. Вакыйга урыныннан 8 кеше хастаханәгә урнаштырылды, шул санда унөч яшьлек бала. Аларның барысы да Зәй ҮРХнә китерелде. Хастаханәдә бер кеше вафат булды. Зыян күрүчеләрнең икесе, шул санда берсе яшүсмер, реанимациядә авыр хәлдә яталар. Республика клиник хастаханәсенең Пешү үзәгенә китерү өчен алар артыннан ГТХМ МИ-8 спецборты очарга чыкты. Калганнарның (5 кешенең) халәте урта авырлыктагы дәрәҗәдә буларак бәяләнә.
22 июнь көнне "Ветеран" үзәгендә дәваланучы өлкәннәр өчен сәламәтлек саклау идарәсе җитәкчесе урынбасары Әнвәр Абдулов чыгыш ясады. Ул актив озак яшәү серләре турында сөйләде.