ЯҢАЛЫКЛАР
Азнакай муниципаль районы Югары Стәрле авылында техник тикшерү уздырылды
Бүген Татарстан башкаласында, Чаллыда һәм Түбән Камада шәһәрләрендә соңгы язгы ярминкәләр узды. Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров Юдино һәм Радужный бистәләрендәге мәйданчыкларны карап чыкты. Вице-премьер сәүдәнең оештырылуын югары бәяләде һәм ихтыяҗның артуы күзәтелмәвен билгеләп үтте. Гадәттәгечә, «Майский»ТК нокталарында чиратлар зуррак.
С.В. Михалков исемендәге үзәк балалар китапханәсе “Салават күпере” балалар бакчасы белән берлектә татар шагыйре Габдулла Тукайның тууына 138 ел тулуга багышланган «Без - Тукай оныклары» дигән фестиваль үткәрде. Конкурста төрле яшьтәге балалар катнашты. Китапханәче Закирова Фирдания шагыйрьнең авыр балачагы, иҗади юлы турында сөйләде, аның китаплары белән таныштырды.
Аннары балалар туган телгә, туган якка, аның табигатенә мәдхия җырлап, Г.Тукай сүзләренә язылган җырлар башкарды, шагыйрьнең әсәрләре буенча үзләренең рәсемнәре, кул эшләре белән таныштырды, яраткан әкият геройларын сурәтләде.
Фестивальдә катнашучыларга китапханә директоры Касыймова Резидә Хәкимулла кызы грамоталар тапшырды. Чара “Туган тел” җырын башкару белән тәмамланды.
Бүген Татарстан Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин торак төзелеше, гражданнарны торак белән тәэмин итү программалары буенча эшләрнең агымдагы торышы, шулай ук социаль-мәдәни өлкә объектларын төзү турында хәбәр итте.
Киңәшмәне Татарстан Республикасы Рәисе Рөстәм Миңнеханов барлык муниципаль районнар белән видеоконференцэлемтә режимында уздырды. Киңәшмәдә ТР Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин катнашты.
Мөмкинлекләре чикләнгән кешеләрнең хезмәт эшчәнлеге өчен шартлар тудыру максатыннан, Казан шәһәрендәге халыкка социаль хезмәт күрсәтү комплекслы үзәгенең көндезге тору бүлегендә «Кәгазь төргәкләр ясау буенча хезмәт остаханәсе» проекты тормышка ашырыла.
2024 елның 26 апрелендә бөек шагыйрь Габдулла Тукайның тууына 138 ел тулды. Шагыйрьнең туган көнендә безнең яшь тәрбияләнүчеләребез бөек шагыйрьнең тормыш юлын өйрәнделәр, аның әсәрләрен сәхнәләштерделәр, чөнки алар безне матурлыкка, игелеккә өйрәтәләр, мәрхәмәтле, гадел һәм кыю булырга чакыралар.
Мәктәпкәчә яшьтәге балалар "Теремок" түгәрәгендә Габдулла Тукай әсәрләре буенча инсценировкалар әзерләделәр. Һәр бала яшь артист буларак ачыла һәм бөтен җаны белән үз ролен уйный.
Татарстан Республикасы Сәламәтлек саклау министрлыгы яңалыкларын социаль челтәрләрдәге рәсми битләрдә - «Вконтакте», «Одноклассники» һәм «Telegram»да укыгыз.
«Очрашуга бер адым» дигән Президент грантлары фонды проекты кысаларында С.В. Михалков исемендәге үзәк балалар китапханәсе китапханәчесе Әхмәтова Ләйсән балалар өчен «Төлке һәм куян» әкияте буенча театральләштерелгән уен үткәрде. Балалар әкиятләр буенча сәяхәткә чыктылар һәм яраткан геройларында кунакта булдылар. Әдәби викторина сорауларына җавап бирделәр, әкиятләр һәм әкият персонажларын фаразладылар. Аннары бармак курчаклары ярдәмендә «Төлке һәм куян»әкиятен уйнадылар. Балалар бу әкиятнең игелек һәм гаделлек, бер-береңне хөрмәт итәргә, көчсезне беркайчан да рәнҗетмәскә, ә дусларны бәладән коткарырга өйрәтүен белделәр. Чара китапларга күзәтү белән тәмамланды.
Ел саен Россия Федерациясендә «Россиянең югары социаль нәтиҗәлелек оешмасы» Бөтенроссия конкурсы үткәрелә (алга таба – Конкурс). Конкурсның төп бурычы-социаль мәсьәләләрне хәл итүдә югары социаль нәтиҗәлелеккә ирешүче оешмаларны ачыклау, аларның тәҗрибәсен өйрәнү һәм тарату, оешмаларда социаль партнерлык формаларын үстерү.
26 апрельдә С.В. Михалков исемендәге үзәк балалар китапханәсендә Сәрдекбаш мәктәбенең 5 сыйныф укучылары өчен Фирдания Закирова Халыкара радиация аварияләре һәм һәлакәтләре корбаннарын искә алу көненә багышланган «Чернобыль трагедиясе» дигән мәгълүмати сәгать үткәрде. Балалар авариянең ничек булуын, станцияне коткарырга кемнең беренче булып килүен һәм үз гомерләре бәрабәренә янгынны сүндерүен, бу коточкыч фаҗигагә китергән сәбәпләрне белделәр.Чара китапларга күзәтү һәм видеофильм карау белән тәмамланды.