ЯҢАЛЫКЛАР
“Заря” яшүсмерләр клубына йөрүче яшьләр һәм педагоглар Әлмәт районы буенча ЮХИДИ бүлеге,"Юл хәрәкәте куркынычсызлыгы" ГБУ территориаль идарәсенең профилактика бүлеге һәм ата-аналар белән берлектә «Шагающий автобус» акциясен уздырдылар. Акция уздыруның максаты – балаларда куркынычсыз маршрут сайлау, тукталышта, транспортта һәм җәяүле кичүен узганда үз-үзеңне дөрес тоту күнекмәләрен булдыру.
Авиация сәнәгате үсеше Татарстан Республикасының данлыклы тарихының
аерылгысыз өлеше булып тора. Татарстан авиатөзелеш өлкәсендә Россиянең
алдынгы төбәкләренең берсе булып кала. Бу хакта бүген Татарстан
Республикасы Премьер-министры Алексей Песошин Россия
авиаҗитештерүчеләренең IV съездының пленар утырышында белдерде.
Бу чара “Казан ярминкәсе” күргәзмә үзәге мәйданчыгында “Авиакосмик
технологияләр, заманча материаллар һәм җиһазлар” (АКТО) IX халыкара
махсуслаштырылган күргәзмә кысаларында узды.
Рус православие чиркәве бүген Изге Пантелеймон көнен билгеләп үтә. Ул авыруларның, шулай ук врач һәм сугышчыларның күктәге яклаучысы булып санала.
Урып-җыю кампаниясе чорында һәркем үзеннән өлеш кертергә тырыша. Район мәдәният йорты агитбригадасы «Намус» агрофирмасы ҖЧҖ игенчеләре алдында концерт программасы белән чыгыш ясадылар. Механизаторлар өчен аларның күңелләрен күтәрерлек, алар яраткан матур җырлар яңгырады. Җирле артистларның чыгышларын кыр хезмәтчәннәре бик җылы каршы алдылар. Һәр номер өчен гөрләтеп кул чаптылар. Күңелле җыр-биюләрдән соң механизаторларның кәефләре күтәрелеп китте, эшкә дәрт өстәлде.
2018 елның 8 августында Минзәләнең мәшгульлек үзәге белгечләре М.Соловьева һәм Н.Мөхәммәтова "Солнышко" һәм "Полянка" спорт-сәламәтләндерү лагерьларына Мобиль офис оештырды.
Хөкүмәт һәм Үзәк Банк финанс базарлардагы хәлгә мониторингны тормышка ашыра һәм финанс тотрыклылыкны тәэмин итү өчен бөтен коралларга ия. Бу хакта беренче вице-премьер, РФ финанс министры Антон Силуанов җиткерде.
«Родник» халыкка социаль хезмәт күрсәтү буенча комплекслы үзәгенең гаиләгә һәм балаларга социаль ярдәм күрсәтү бүлеге специалистлары Югары Мәтәскә авыл җирлегендә “Конфликтны чишү юллары” дип исемләнгән дәрес уткәрделәр. Дәреснең максаты – үзара аңлашылмаучанлык юлларын табарга ярдәм итү.. Дәрес барышында специалистлар әти-әниләрне үз хокуклары һәм бурычлары белән төгәлрәк таныштырдылар. Дәрес ахырында “Мин әйбәт әти-әниме?” дип исемләнгән тест үткәрелде.
Казан ИТ-паркында җирле бизнес-инкубатор резидентлары була ала торган кызыклы һәм перспективалы ИТ-стартапларны сайлап алу уза. Инкубатор резиденты статусы берничә өстенлекне күз алдында тота - ким дигәндә, ташламалы шартларда хәзерге заман офисында эш урыны һәм кавемнәр белән аралашу, күп дигәндә - потенциаль инвесторлар белән танышу.
Бүген Татарстан Республикасы Президенты Рөстәм Миңнеханов Мәскәүдә эш сәфәрендә.
Анда ул Россия төзелеш һәм торак-коммуналь хуҗалык министры Владимир Якушев белән очрашты. Очрашуда шулай ук ТР төзелеш, архитектура һәм ТКХ министры Ирек Фәйзуллин катнашты. Яклар республикада төзелеш, күп фатирлы йортларны капиталь ремонталу, уңайлы шәһәр мохите булдыру өлкәләрендә федераль финанслау катнашындагы программаларны гамәлгә ашыру мәсьәләләре турында сөйләште.
Шул исәптән республикада иҗтимагый киңлекләрне үстерү программасы да гамәлгә ашырыла - Татарстан Республикасы Россия регионнары арасында "Уңайлы шәһәр мохитен формалаштыру" өстенлекле проектын гамәлгә ашыру рейтингында беренче урында.