ЯҢАЛЫКЛАР

Татарстан Республикасы Дәүләт алкоголь инспекциясенең Арча территориаль органы белгече Саба районының Килдебәк мәктәбе укучылары өчен кулланучылар белеме нигезләре буенча сыйныфтан тыш дәрес үткәрде.

Татарстан Республикасы Дәүләт алкоголь инспекциясенең Чаллы территориаль органы хезмәткәрләре сәүдә объектларын сатучылар өчен кулланучылар хокукларын яклау өлкәсендә Россия Федерациясе законнарының гамәлдәге нормаларын аңлатып, даими нигездә профилактик чаралар үткәрә.

Әлмәт территориаль органы белгечләре халык һәм бизнес вәкилләре өчен кулланучылар хокукларын яклау турындагы законнарны аңлауны яхшыртуга юнәлдерелгән чаралар оештырды. Сәүдә объектларына килү вакытында шәһәрлеләргә сыйфатсыз товарларны кайтару тәртибе, алмашу кагыйдәләре һәм үз хокукларын яклау ысуллары турында сөйләделәр. 

Татарстан Республикасы Дәүләт алкоголь инспекциясенең Чистай территориаль органы хезмәткәре Болгар шәһәрендәге «Пивоман» кибетендә кулланучылар өчен консультация өстәле һәм сатучылар өчен укыту семинары үткәрде.

ТР Дәүләт алкоголь инспекциясенең Арча территориаль органы хезмәткәре Ләйсән Абдуллина Г.Тукай исемендәге Яңа Кырлай урта мәктәбенең (Арча районы) 8-10 сыйныф укучылары өчен сыйныфтан тыш дәрес үткәрде. Чара республикада кулланучылар хокукларын яклауга комплекслы якын килү программасы кысаларында уздырылды.

ТР Дәүләт алкоголь инспекциясенең Арча территориаль органы хезмәткәрләре Олы Әтнәдә «Магнит»кибетендә Кулланучылар хокукларын яклау буенча акция үткәрделәр. Катнашучылар Товарларның сыйфаты, продукциянең кире кайтарылуы һәм бәяләр аермасындагы гамәлләр турында белделәр. Сатып алучылар арасында бүләкләр белән викторина үткәрелде, инспекция контактлары белән буклетлар бирелде.

Казан территориаль органы хезмәткәре Питрәч районы кибетләрендә сатып алучыларга хезмәт күрсәтү сыйфатын яхшырту буенча чара үткәрде. Анда сыйфатсыз товарларны сату проблемалары һәм аларны бетерү ысуллары каралды. «Кулланучылар хокукларын яклау турында» РФ Законы һәм ваклап сату кагыйдәләре нигезендә аңлатмалар бирелде. Катнашучыларга мәгълүмати материаллар һәм «Вестник потребителя Татарстана»газетасы тапшырылды.

Балтач шәһәр тибындагы бистәсендәге «Рэхэт» кибетендә шәхси эшмәкәр сатучылары өчен укыту семинары узды. Семинарны Арча территориаль органы контроль-инспекция бүлегенең әйдәүче белгеч-эксперты Гөлназ Шакирова оештырды. Кулланучылар хокукларын яклауның мөһим аспектлары турында фикер алыштык

ТР Дәүләт алкоголь инспекциясенең Түбән Кама территориаль органы белгече Елена Черных Сарман районының 1нче мәктәбенең 7нче һәм 10нчы сыйныф укучылары өчен кулланучылар хокуклары буенча дәресләр үткәрде. Укучыларга «кулланучы» төшенчәсе, сатып алучылар хокуклары, дәгъваларны рәсмиләштерү кагыйдәләре һәм үз мәнфәгатьләрен яклау өчен кирәкле документлар турында сөйләделәр.

Татарстан Республикасы Дәүләт алкоголь инспекциясенең Арча территориаль органы хезмәткәрләре Саба муниципаль районының «Балкыш» тернәкләндерү үзәгендә гражданнар белән очрашу оештырды. Чара товарлар сатканда кулланучыларның хокукларын һәм мәнфәгатьләрен алдаудан һәм ялгыш юлга кертүдән яклауга юнәлдерелгән. Әңгәмә барышында сыйфатсыз товарларны кайтару һәм алмаштыру, шулай ук срокларны бозу темалары буенча фикер алыштылар.