ЯҢАЛЫКЛАР

22 июнь - Хәтер һәм кайгы көнендә - РТРС телебашнясы архитектура-сәнгать яктыртуын кабыза.

1941 елның 22 июнь иртәсе илебезнең барлык халкы тормышын пыран-заран китерә. Бүген без бу датаны Хәтер һәм кайгы көне буларак беләбез, ләкин безнең ата-бабаларыбыз аны сугыш башланган көн буларак истә калдырдылар. Быел бу куркыныч вакыйгалар башлануга 80 ел тулды. 

22 июньдә илебездә Хәтер һәм кайгы көне - Бөек Ватан сугышы башланган көн билгеләп үтелә.

21-22 июнь төнендә «Батырлар аллеясы» мемориаль комплексында яшьләр иҗтимагый оешмалары активистлары, чик буе гаскәрләре ветераннары, Балтач район башкарма комитеты бүлекләре, «Форпост» отряды, Россия Эчке эшләр министрлыгының Балтач районы буенча полиция бүлеге әгъзалары катнашында митинг форматында шәмнәр кабызылды һәм Бөек Ватан сугышында һәлак булганнар истәлегенә чәчәкләр салынды. Шулай ук «Мәңгелек ут» янында һәлак булганнарны бер минут тынлык белән искә алдылар.

22 июнь - ил тарихына иң кайгылы көннәрнең берсе булып кереп калган, кара хәрефләр белән язылган - Хәтер һәм кайгы көне. Моннан 79 ел элек шушы көннең таңында фашист Германиясе илебезгә бәреп керә. 1418 көн һәм төн дәвам иткән канкойгыч сугышта СССР 27 миллионлап кешесен югалткан. Бәла һәр йортка, һәр гаиләгә килә. Бу көн безнең халык өчен мәңгегә Хәтер һәм кайгы көне булып кала.