ЯҢАЛЫКЛАР
«Гаилә» илкүләм проекты буенча гамәлгә ашырыла торган «Актив озын гомерлелек» программасы кысаларында Спас өлкәннәр һәм инвалидлар интернат-йорты тәрбиячесе Ирина Телицына аеруча актив социаль хезмәтләр алучылар белән чаңгыда дәрес үткәрде.
Компьютер грамоталылыгын өйрәнүдә пенсионерларның шәхси казанышлары буенча «Интернетка рәхмәт – 2025» бөтенроссия интерактив конкурсына йомгак ясалды. Татарстан Республикасы инде унынчы тапкыр «Иң актив төбәк» номинациясендә җиңүче булды.
«Гаилә» илкүләм проектының бер юнәлеше – өлкән буын гражданнарының тормыш активлыгын арттыруга юнәлдерелгән «Актив озын гомерлелек» программасын гамәлгә ашыру. Әлеге программа кысаларында 480 меңгә якын өлкән яшьтәге татарстанлы спорт һәм ял итү чараларына җәлеп ителгән.
Инвалидлар декадасы һәм «Актив озын гомерлелек» программасы кысаларында Югары Осланның «Өмет утравы» халыкка социаль хезмәт күрсәтү комплекслы үзәге социаль хезмәткәрләре инвалидлыклары булган социаль хезмәт алучылар өчен «Бергә уйныйбыз» дип исемләнгән чара оештырды. Аның максаты күңел ачу гына түгел, ә актив яшәү рәвешен саклап калу, когнитив сәләтләрне үстерү һәм өйдә хезмәт алучы инвалидлар арасында социаль элемтәләрне ныгыту.
2025 ел башыннан авыл җирендә яшәүче 42 618 өлкән яшьтәге татарстанлы диспансерлаштыру, вакциналаштыру, скрининг һәм башка медицина процедуралары узу өчен медицина учреждениеләрендә булган. Аларның 32 178 диспансерлаштыру узган.
«Актив озын гомерлелек» программасы белән Җәлил өлкәннәр һәм инвалидлар өчен интернат-йортында социаль хезмәтләр алучыларның «Батыр» спорт комплексына баруы каралган. Анда мускул тонусын, буыннарның хәрәкәтчәнлеген һәм гомуми физик форманы саклап калу өчен махсус тренажерларда даими дәресләр үткәрелә.
Актив озын гомерлелек принципларын гамәлгә ашыру һәм көндезге эш белән тәэмин итүне оештыру кысаларында Алабуга өлкәннәр һәм инвалидлар интернат-йортында «Ярма терапиясе» технологиясе буенча дәресләр уза.
Җәлил өлкәннәр һәм инвалидлар интернат-йортында дәвалау физкультурасы буенча инструкторлар өлкәннәр һәм инвалидлар өчен индивидуаль тернәкләндерү программалары булдыралар. Аларның максаты – физик активлыкны саклап калу һәм социаль хезмәтләр алучыларның тормыш сыйфатын яхшырту.
Бүген Татарстан Республикасы Рәисе Рөстәм Миңнеханов Яшел Үзәндә яңа «Игелек йорты»нда булды. Аны ТР хезмәт, халыкны эш белән тәэмин итү һәм социаль яклау министры Эльмира Зарипова, Яшел Үзән районы башлыгы Михаил Афанасьев озата йөрде.
Октябрьдән Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең өйдә социаль хезмәтләр алучылары һәм Актив озын гомерлелек мәктәбе катнашучылары өлкән буын гражданнар өчен сәламәтлек һәм скандинав йөреше мәктәбе программасына кушылдылар. Программаны оештыручы һәм җитәкчесе – Татарстан Республикасының атказанган табибы Александр Зотов. Программаның төп бурычы – өлкән буын кешеләрен актив тормыш рәвешенә тарту, яшь проблемаларын физик күнегүләр аша җиңү.