ЯҢАЛЫКЛАР
Бәйрәм көннәрендә Сатыш авыл җирлегенең барлык мәдәният йортларында тыл һәм сугыш хезмәтчәннәре өчен ифтар ашлары оештырылды. Ифтар ашларынның спонсорлары: "Саба" җаваплылыгы чикләнгән җәмгыятенең Сатыш бүлекчәсе , КФХ Насыйбуллин М. Н., КФХ Мостафин А. И., ИП Таипов И. Б. Әлеге чараның спонсорларына рәхмәтебезне белдерәбез.
8 май көнне Сатыш авылында Бөек Җиңүнең 74 еллыгы уңаеннан митинглар үткәрелде. Бәйрәмдә Сатыш авыл җирлегеннән Саба районы депутаты Бикмухаметов З.М., Сатыш авыл җирлеге башлыгы Шафигуллин Ф.Ф. , ООО Саба Сатыш Сатыш җәмгыяте җитәкчесе Сәүбанов Ф.Г. Г. ветераннарны котладылар. Балалар авыр сугыш еллары һәм Бөек Җиңү турында шигырьләр сөйләделәр, сугышта һәлак булганнарны бер минутлык тынлык белән искә алдылар, һәйкәлләргә чәчәкләр куелды.Мәдәният йорты һәм Сатыш урта мәктәбе белән берлектә тематик концерт оештырылды. Шул ук вакытта тыл ветераннарына, сугышта катнашучыларның тол хатыннарына котлау открыткалары һәм бүләкләр тапшырылды.
Сатыш мәдәният йортында китапханәче белән берлектә "Тукай безнең йөрәкләрдә" дип исемләнгән әдәби - интеллектуаль кичә үткәрелде. Әлеге кичәдә Алмаз хәзрәт Галимҗанов, мәдрәсә -музей мөдире Фәнил Хадиев һәм мәдәният йортына йөрүче узешчәннәр катнашты.
27 апрель көнне Сатыш авыл җирлеге Казан шәһәренең Агросәнәгать паркында узган авыл хуҗалыгы ярминкәсендә катнашты.
27 нче апрельдә, Татарстан күләмендә үткән "Урман утырту көне" акциясе кысаларында, Сатыш авыл җирлеге территориясендә чыршы, миләш, юкә, карагай һәм җиләк-җимеш агач һәм куаклары үсентеләре утыртылды. Акциядә җирлегебезнең барлык бюджет оешмалары, мәктәп укучылыры, балалар бакчаларында тәрбияләнүчеләр катнашты.
Сатыш мәдәният йортында яшьләр Сатыш мәчете мулласы Галимҗанов Алмаз Хәйдәр улы белән очрашты. Очрашу барышында дин буенча кызыксындырган сораулар бирелде.
2019 елның 20 апрелендә тыл һәм хезмәт ветераны Галимҗанов Хәкимҗан Исмәгыйль улына 90 яшь тулды. Юбилярны котларга һәм аңа ныклы сәламәтлек теләргә Саба муниципаль районы башлыгы урынбасары Р. Р. Закирҗанов, социаль яклау бүлеге җитәкчесе М. М. Хуҗин, "Саба" ҖЧҖ җитәкчесе Ф. К. Сәүбанов һәм Сатыш авыл җирлеге башлыгы Ф. Ф. Шафигуллин катнаштылар.
Берничә ай дәвамында һәр якшәмбедә Сатыш мәчетендә балалар өчен дини дәресләр үткәрелде. 21 апрельдә йомгаклау дәресе булды. Соңгы дәрестә укучыларның әти-әниләре катнашты. Укудан соң укучылар грамота белән бүләкләнде. Дәресләрне Казан ислам университеты студентлары үткәрде.
Саба муниципаль районы чемпионатында авыл җирлекләренең волейбол буенча ир-атлар командалары арасында "БИГӘНӘЙ" командасы 1 нче урынны алды. Турнирның иң яхшы уенчысы-Зиннатов Разил (Бигәнәй). Котлыйбыз!
Бөек Ватан сугышы ветераннары һәм тол хатыннар Җиңү көненең 74 еллыгын каршылау уңаеннан Республика тарафыннан әзерләнгән бүләкләр кабул иттеләр. Бүләкләрне Саба аграр көллияте директор урынбасары Якупов Р.Р. һәм Сатыш авыл җирлеге башлыгы Шафигуллин Ф.Ф. тапшырдылар.