ЯҢАЛЫКЛАР

1 нче октябрьдән Сатыш авыл җирлегендә бюджет, авыл хуҗалыгы һәм башка өлкәләрдә эшләп ялга киткән өлкәннәрне котлаулар булып узды.  Бәйрәмнәр барлык мәдәният йортында чәй  өстәле артында концерт номерлары белән  бергә алып барылды.

2 октябрь көнне Ш.З. Зиннуров исемендәге Сатыш мәктәбендә Татарстан Республикасы көрәш федерациясенең җитәкчесе- Тагиров Марсель Шәрипҗанович укучылар белән очрашты. Быелдан башлап, Сатыш авыл җирлегендә көрәш түгәрәге эшли башлады.

2 октябрь көнне Аккүл-Бигәнәй авылында яшәүче Имамиева Галия апага 90 яшь тулды. Бәхетле картлык телибез.

Аккүл-Бигәнәй авылында яшәүче Зәмзәмия апа һәм Ризван абый Давлатовларны 50 ел бергә тормыш итүләре белән котладык.

Сатыш мәдәният йортында, китапханәче белән берлектә, А.Алишның тууына 115 ел тулуга багышланган "Шигъри әкиятләр остасы" дигән әдәби кичәсе узды. 

Гражданнарның үзара салым акчасына Сатыш авыл җирлегендә юлларны ремонтлау эше башкарыла. Ремонт эшләрен "Рамазан" ҖЧҖ оешмасы башкара.

Л.Н. Толстой рус әдәбияты классигы, балалар өчен беренче укытучы булып тора. Ул балалар нәфис әдәбияты дөньясына зур өлеш керткән язучы. 

А.Алишның туган көне уңаеннан Мамалай балалар бакчасында Казанчы Бигәнәй авыл китапханәчесе  «Абдулла Алишның тылсымлы әкиятләре» дигән әдәби колейдоскоп үткәрде. 

Бүгенге көндә гражданнарның үзара салым акчалары хисабына Сатыш авылы территориясендә контейнер мәйданчыклары төзү буенча эш алып барыла. Эшне "ПМК-159" ҖЧҖ подряд оешмасы башкара.

Татарстан Республикасы Саба районы Сатыш авылында Суворов, Совет урамнары буенча 52 нче җир кишәрлегенә газүткәргеч төзелеше бара. Эшне подрядчы оешмасы ҖЧҖ "Ирбис" башкара.