ЯҢАЛЫКЛАР
Конституция көне Россиянең иң мөһим дәүләт бәйрәмнәренең берсе булып тора һәм ел саен 12 декабрьдә билгеләп үтелә. 12 декабрь көнне Мамалай авыл клубында яшьләр белән «Конституция - дәүләтнең төп законы»дип исемләнгән әңгәмә үткәрелде.
Сатыш авыл китапханәсендә кәгазь кар бөртекләре ясау буенча мастер-класс үткәрелде. Кәгазьдән кар бөртекләре-иң киң таралган Яңа ел бизәкләре. Китапханәче адымлы инструкция тәкъдим итте. Балалар тиз арада тылсым дөньясына чумдылар. Үз куллары белән ясалган кар бөртекләре матур килеп чыкты.
Бигәнәй мәдәният йорты хезмәткәрләре китапханәче белән берлектә инвалидларның өйләрендә булдылар. Инвалидлар декадасы-мөмкинлекләре чикләнгән кешеләргә даими игътибар кирәклеге турында җәмгыятькә тагын бер искәртү.
Сатыш авыл җирлеге башлыгы 2021 нче елгы өстәл теннисы буенча ир-ат-җитәкчеләр арасында Саба муниципаль районы шәхси чемпионатында 1 нче урынны яулады.
Россиядә Ватан Геройлары көне-илебездә ел саен 9 декабрьдә билгеләп үтелә торган истәлекле дата. Бу көн уңаеннан Мамалай авыл клубында Бигәнәй китапханәсе белән берлектә "Минем Россия Геройлары" дип исемләнгән тарих сәгате үткәрелде.
Билгесез солдат көне-Россия тарихында чагыштырмача яңа истәлекле дата, ел саен - 3 декабрьдә билгеләп үтелә.
Казанче Бигәнәй авыл китапханәсе, мәдәният йорты хезмәткәрләре белән берлектә, яшьләр өчен ”Бөртекләп җыелган гомер” дип исемләнгән әдәби чара оештырдылар.
Мамалай авыл клубында Аналар көненә багышланган музыкаль-уенлы чара булды.
Сатыш, Бигәнәй, Мамалай, Сәрдә мәдәният йортларында мәдәният хезмәткәрлэре һәм авыл җирлеге үзешчәннәре катнашында Х. Ибрахимның " Кызыма килер йөз кеше" диеп исемләнгән комедиясе сәхнәләштерелде.
Төгәл фәннәр атналыгы кысаларында Ш.З.Зиннуров исемендәге Сатыш урта гомуми белем бирү мәктәбендә төрле чаралар үткәрелде. Шундыйлардан “Математик брейн-ринг”, “Умницы и умники”, “Своя игра” интеллектуаль бәйгеләрен әйтеп китәргә була. Укучылар математика, физика, информатика фәннәреннән тапкырлыкта, җитезлектә сынаштылар.