ЯҢАЛЫКЛАР
Гилаҗиева Зөлхәбирә Гилаҗи кызы 1933 елның 18 майда Саба районы Ак Күл Бигәнәй авылында дөньяга килә. Зөлхәбирә апаның бала чагы авыр сугыш елларына туры килә, күп авырлыклар, ятимлек күреп үсә ул. Әтисе сугышта һәлак була. 1958 елда Югары Шытсу авылы егете Хатыйп абыйга кияүгә чыга. Аш-суга, кул эшләренә уңган килен- Зөлхәбирә апа, кайнанасы белән бик тату гомер итә. Аның фатихасын алып соңгы юлга озата. Кайгы-хәсрәт тә читләтеп үтми Зөлхәбирә апаны, бергә гомер иткән газиз ире 1972 елда мәрхүм була. Бик яшьли тол калган Зөлхәбирә апа балаларын- 1 кызын, 3 улын бик тәртипле итеп устерә. Ул “Беренче Май”колхозында төрле эшләрдә хезмәт куйган. Аннары урман хуҗалыгында төрле эшләрдә эшләгән. Аның эш стажы 40 ел. Зөлхәбирә апаның 9 оныгы, 9 оныкчыгы бар. Бүгенге көндә ул Югары Шытсу авылында кече улы Данис һәм килене Гөлназ тәрбиясендә гомер итә. Күршеләр һәм авылдашлар белән яхшы мөгәлләмәдә, шуна күрә Зөлхәбирә апаны авылдашлары бик хөрмәт итә.
Түбән Шытсу авыл җирлеге делегациясе Җиңү парадында актив катнашты. Делегация составында учреждение җитәкчеләре, укучылар бар иде.
Саба район үзәгендә булып үткән техникалар парадында Түбән Шытсу авыл җирлегеннән "Урал" мотоциклы катнашты.
Түбән Шытсу авыл җирлегендә Җиңү бәйрәменә багышланган митинг-концерт булып үтте. Концерттан соң һәйкәл янында агачлар утыртылды.
Бөек Җиңүнең 78 еллыгы якынлаша. Район җитәкчелеге тыл ветераннарын бәйрәм көне белән котлый. Бүгенге көндә Түбән Шытсу авыл җирлегендә 6 тыл ветераны яши.
Елыш авылы зиратында өмә үткәрелде. Өмәдә авыл халкы, кайткан кунаклар актив катнашты.
Елыш авылында дәүләт программасы нигезендә йорт төзелеше дәвам итә. Эшне ООО "ПМК-159" оешмасы башкара.
Югары Шытсу мәдәният йортында "Алар һәрберебезнең язмышында" тематик кичә үткәрелде. Хөрмәтле укытучыларыбыз Иван абый һәм Мәрьям апаны искә алу чарасында аның укучылары, балалары катнашты. Алар Югары Шытсу авылы мәктәбендә 40 ел белем биргәннәр. Үзләренең тырыш хезмәтләре белән алар авылда шактый тирән эз калдырган шәхесләр.
Түбән Шытсу төп мәктәбе биләмәсендә укучылар ярдәме белән төрле агачлар утыртылды.