ЯҢАЛЫКЛАР
Югары Шытсу мәдәният йортында балаларны яклау көне уңаеннан чара үткәрелде. Балалар кызыклы уеннар уйнадылар, җырладылар, биеделәр.
Түбән Шытсу авылында дәүләт программасы буенча торак йортлар төзү дәвам итә. Эшне "ПМК - 159" ҖЧҖ башкара.
Балтач районында семинар-киңәшмә узды. Ахырда авыл хуҗалыгы өлкәсендә иң яхшыларны бүләкләделәр. "Хәбибрахманов" КФХ башлыгы Азат Хәбибрахманов республика конкурсы йомгаклары буенча "Крестьян хуҗалыгының иң яхшы фермеры" номинациясендә җиңүче булды.
Түбән Шытсу урта гомуми белем бирү мәктәбендә соңгы кыңгырау булды. 9 сыйныфны өч укучы тәмамлады. Яңа уку елына 5 укучы керергә планлаштыралар.
Югары Шытсу мәдәният йорты хезмәткәрләре гаилә елы уңаеннан "Әмин оныклары" исеме астында туганнар очрашуы уздырды. Очрашу барышында якты истәлекләр белән уртаклашу, җыр һәм бию оештырылды. Шулай ук чәй табыны әзерләнгән иде.
Түбән Шытсу авыл җирлегендә агач утырту буенча әзерлек эшләре алып барыла. Эшне Лесхоз урман хуҗылыгы башкара. Барлыгы 10га җирдә нарат, чыршы агачлары утыртылачак.
Түбән Шытсу төп мәктәбе укучылары "Дулкын" радиосында "Мәктәпләр тормышыннан" радиотапшыруында катнашты. Алар мәктәп яңалыклары белән таныштырдылар, музыкаль чыгышларын тәкъдим иттеләр.
11 май көнне Югары Шытсу мәдәният йортында "Гаилә - ил терәге" бәйгесенең җирлек этабы булып узды. Әлеге бәйгедә Югары Шытсу авылыннан Мәүлетовлар, Хидиятуллинар, Түбән Шытсу авылыннан Шакировлар һәм Фаляхутдиновлар гаиләсе катнашты. Бәйге өч турдан торды. Беренче турда гаиләләр үзләре белән таныштырды, икенче турда әтиләр бала төрү ярышында көч сынаштылар, әни кешеләр исә токмач кисүдә осталыкларын күрсәттеләр. Өченче турда гаиләләр тарафыннан иҗади чыгышлар тәкъдим ителде. Бәйге нәтиҗәләрен жюри әгъзалары түбәндәгечә игълан итте: Фаляхутдиновалар иң сөйкемле гаилә, Шакировалар иң тәвәккәл, Мәүлетовлар иң иҗади һәм Хидиятуллиннар иң сәләтле гаилә буларак танылды. Барлык җиңүчеләргә акчалата бүләкләр тапшырылды.
Түбән Шытсу авыл җирлеге Җиңүнең 79 еллыгына багышланган Саба муниципаль районының Җиңү парадында УАЗ автомашинасы белән катнашты.
8 май көнне Түбән Шытсу авылында Җиңү бәйрәме уңаеннан концерт-митинг булып узды. Концерттан соң һәйкәл янында чәчәк кую һәм агач утырту башкарылды.