ЯҢАЛЫКЛАР
Россиядә 9 декабрьдә Ватан Геройлары көне билгеләп үтелә. Бу Россия Федерациясенең истәлекле датасы - Россия империясенең иң югары хәрби бүләге - Изге Георгий Орденын оештыруга багышланган. Бу көнне Түбән Шытсу авыл җирлегендә учреждение хезмәткәрләре һәм балалар каһарманнарга чәчәк салдылар һәм хөрмәт күрсәттеләр.
Түбән Шытсу мәчетендә иганәчеләр, авыл халкы ярдәме белән ремонт эшләре бара. Мәчеттә тәһарәтханә эшләнелә һәм бинаны газ белән җылыту өчен тиешле җиһазлар урнаштыру эше башкарыла.
26 ноябрь көнне Югары Шытсу мәдәният йортында әниләр көненә багышланган "Барысы өчен дә рәхмәт Сиңа" дип исемләнгән бәйрәм кичәсе үткәрелде. Әлеге бәйрәмгә уллары махсус хәрби операциядә булган атказанган уллар, кызлар үстергән әниләр һәм балалары чакырылды.
Түбән Шытсу авыл җирлегендә гражданнар җыены булып узды. Җыелачак үзара салым акчалары 2024 елда алдагы эшләр өчен тотылачак: Түбән Шытсу авылында һәм Елыш авылында юллар ремонты, Югары Шытсу авылында балалар мәйданчыгы.
Югары Шытсу авыл китапханәсендә "Толерантлык - дөньяга юл" исемле, Халыкара толерантлык көненә багышланган, әңгәмә узды. Гади сүзләр белән әйткәндә, толерантлык - чит кешеләрнең үзенчәлекләрен, фикерләрен кабул итү һәм хөрмәт итү ул.
Түбән Шытсу төп мәктәбендә уңыш бәйрәме һәм ярминкә булып узды. Укучылар катнашындагы әлеге чара бик бай эчтәлекле, файдалы һәм кызыклы итеп үткәрелде.
Түбән Шытсу мәдәният йортында Рамиль Галимҗанов концерты булып үтте. Тамашачыларга концерт бик ошады.
Түтән Шытсу гомуми белем бирү мәктәбендә "Россия бөркетләре" чарасы узды. Бу балаларны, педагогларны, ата-аналарны, өлкән остазларны берләштерүче 1-4 нче сыйныф укучылары өчен уникаль проект. Укучылар командада дуслары белән киләчәктә һичшиксез зур булачак кечкенә эшләргә ышаналар. Хәйриячелек, тарих, иҗат, экология һәм, әлбәттә, спорт - болар барысы да һәр яшь россияленең тормыш нормасы булырга тиеш.
"Саба дулкыннары" телевидениясе бүген 15 ноябрь көнне "Мәктәп ТВ" тапшыруының чираттагысын тәкъдим итә. Тапшыруда сүз Түбән Шытсу төп мәктәбе турында барачак. Башлану вакыты 17.30 сәг.
13 ноябрьдә "Ак калфак" клуб берләшмәсе һәвәскәрләре Югары Шытсу авыл китапханәсендә җыелдылар. Максатлары: җылы носкилар бәйләп мобилизацияләнгән авылдашларга һәм якташларга ярдәм итү.