ЯҢАЛЫКЛАР

Суд карары нигезендә Түбән Шытсу авылында иске йорт сүтелә.

Агымдагы елда Югары Шытсу авыл зиратын чистарту буенча зур эшләр башкарылды. Авыл халкы һәм "Шытсу" авыл хуҗалыгы җәмгыяте ярдәме белән агачлар киселеп чистартылды, иске коймалар сүтелде. Бүгенге көндә үзара салым акчалары хисабына яңа зират коймасы эшләнелә. Барлыгы 401 м. озынлыкта койма тоту планлаштырыла. Эшне Арча шәһәренең ИП "Касимов" шәхси эшмәкәре башкара.

Елыш авыл клубы каршында урам концерты булып узды. Барлык теләүчеләр рәхәтләнеп җырладылар, биеделәр, күңел ачтылар. 

Югары Шытсу мәдәният йортында балалар концерты булып узды. Балалар бик актив катнаштылар, җыр-биюдә, шигырь сөйләүдә үзләренең осталыкларын күрсәттеләр. Тамашачылар, әти-әниләр чыгыш ясаучыларны алкышларга күмделәр.

15 июль көнне Елыш авылында балалар өчен Сабантуй үткәрелде. Елыш авыл клубы тырышлыгы һәм иганәчеләре ярдәме белән үткәрелгән бәйрәм бик күңелле үтте. Программада бик күп төрле уеннар, җырлар, биюләр бар иде. 

Түбән Шытсу мәчетенә су трубасы сузылды. Озакламый биредә су тоташтырылып тәхарәтханә эшләнеләчәк.

"УенФэст" фестиваленә әзерлек кысаларында Югары Шытсу мәдәният йортында саф һавада актив уен үткәрелде. Балалар бик теләп катнаштылар.

Югары Шытсу авыл китапханәсендә Педагог һәм остаз елына багышланган "Классные книги" дигән мәгълүмат сәгате узды. Балалар чарада актив катнаштылар һәм яңа китаплар белән таныштылар.

Югары Шытсу китапханәсендә "Бөек уйлап табучы" әдәби сәгате (А.А.Усачевка 65 яшь ).

Югары Шытсу авыл китапханәсендә "Сугыш башланды, Полтава сугышы!" дигән тематик сәгать үтте.